ବାର୍ଥଡେ ପାର୍ଟିରେ ସାମିଲ ହୋଇ ଘରକୁ ଫେରୁଥିବା ବେଳେ ଘଟିଲା ଅଘଟଣ। ବାଟରେ ଜଗି ରହିଥିଲା ଯମ । ରାସ୍ତାରେ ଦ୍ରୁତ ଗତିରେ ଯାଉଥିବା ଏକ ଟ୍ରକ୍ ଧକ୍କା ଦେବାରୁ ଏକ କାର୍ରେ ଥିବା ୪ ଜଣଙ୍କ ମୃତ୍ୟୁ ଘଟିଛି। ଏଥିରେ ଦୁଇ ଜଣ ଗୁରୁତର ହୋଇଛନ୍ତି। ମୃତକମାନେ ଗୋଟିଏ ପରିବାରର ବୋଲି ଜଣାଯାଇଛି। ଏପରି ଏକ ଭୟଙ୍କର ଦୁର୍ଘଟଣା ଆଜି ଭୋରରୁ ଗୁଜରାଟର ସାବରକାଣ୍ଠା ଅଞ୍ଚଳରେ ଘଟଇଛି।
ଏକ କାର୍ରେ ଏକ ପରିବାରର ୬ ଜଣ ଏକ ବାର୍ଥଡେ ପାର୍ଟିରେ ସାମିଲ ହେବାକୁ ଗତ ରାତିରେ ହିମ୍ମତନଗର ଯାଇଥିଲେ। ଆଜି ଭୋରରୁ ସେମାନେ ନିଜ ଘରକୁ ଫେରୁଥିଲେ। ମାତ୍ର ସାବରକାଣ୍ଠା ନିକଟରେ ଜାତୀୟ ରାଜପଥରେ ଯାଉଥିବା ବେଳେ ହଠାତ୍ ଦ୍ରୁତ ଗତିରେ ଯାଉଥିବା ଏକ ଟ୍ରକ୍ ଗାଡ଼ିଟିକୁ ପିଟିଥିଲା।
ସ୍ଥାନୀୟ ଲୋକେ ତୁରନ୍ତ ପହଞ୍ଚି କାର୍ରୁ ସମସ୍ତଙ୍କୁ ବାହାର କରିଥିଲେ। ଏହାପରେ ପୁଲିସ୍ ପହଞ୍ଚି ସମସ୍ତଙ୍କୁ ନିକଟସ୍ଥ ମେଡିକାଲ ପଠାଇଥିଲା। ସେଠାରେ ଡାକ୍ତର ୪ ଜଣଙ୍କୁ ମୃତ ଘୋଷଣା କରିଥିଲେ। ମୃତକଙ୍କ ମଧ୍ୟରେ ଏକ ୭ ମାସର ଛୁଆ ଥିବା ଜଣାଯାଇଛି। ଆଉ ଦୁଇ ଜଣଙ୍କ ଅବସ୍ଥା ସଙ୍କଟାପନ୍ନ ଥିବା ଜଣାଯାଇଛି।
Also Read
ପୁଲିସ୍ ଉଭୟ ଦୁର୍ଘଟଣାଗ୍ରସ୍ତ ଗାଡ଼ିକୁ ଜବତ କରି ଘଟଣାର ତଦନ୍ତ ଆରମ୍ଭ କରିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
