କର୍ଣ୍ଣାଟକା ଭୋଟ ଗଣତି: କଂଗ୍ରେସ ୧୦୬ଟି ଆସନରେ ଆଗୁଆ, ବିଜେପି ୮୩ରେ ଆଗୁଆ

ମେ’ ୧୦ ତାରିଖରେ କର୍ଣ୍ଣାଟକା ବିଧାନସଭା ପାଇଁ ଭୋଟ ଗ୍ରହଣ ହୋଇଥିବା ବେଳେ ଆଜି ଚାଲିଛି ଗଣତି। ସକାଳ ୮ଟାରୁ ଭୋଟ୍ ଗଣତି ଆରମ୍ଭ ହୋଇଥିବା ବେଳେ ପ୍ରାୟ ଘଣ୍ଟେ ପରେ ଅର୍ଥାତ ସକାଳ ୯ଟା ବେଳକୁ କଂଗ୍ରେସ ୧୦୬ଟି ଆସନରେ ଆଗରେ ରହିଥିବା ବେଳେ ବିଜେପି ୮୩ଟି ଆସନରେ ଆଗୁଆ ରହିଛି। ସେହିପରି ଜେଡିଏସ୍ ମାତ୍ର ୨୧ଟି ଆସନରେ ଆଗୁଆ ରହିଛି। ଅନ୍ୟାନ୍ୟ ଦଳ ୨ଟି ଆସନରେ ଆଗୁଆ ରହିଛି।

ସୂଚନାଯୋଗ୍ୟ, କର୍ଣ୍ଣାଟକା ବିଧାନସଭାରେ ୨୨୪ଟି ଆସନ ରହିଥିବା ବେଳେ ସରକାର ଗଠନ କରିବାକୁ ଯେକୌଣସି ଦଳକୁ ୧୧୩ଟି ଆସନରେ ବିଜୟୀ ହେବାକୁ ପଡ଼ିବ।