ପଶ୍ଚିମବଙ୍ଗର ଏକମାତ୍ର କଂଗ୍ରେସ ବିଧାୟକ ଟିଏମସିରେ ମିଶିଗଲେ

ବିଶ୍ୱାସଙ୍କୁ ଆଜି ଟିଏମସିର ସାଧାରଣ ସମ୍ପାଦକ ତଥା ସାଂସଦ ଅଭିଷେକ ବାନାର୍ଜୀ ଦଳକୁ ସ୍ୱାଗତ କରିଛନ୍ତି। ରାଜ୍ୟରେ ଟିଏମସି କେବଳ ବିଜେପି ବିରୋଧରେ ଲଢ଼େଇ କରିବାକୁ ସକ୍ଷମ ବୋଲି ବିଶ୍ୱାସ ଅନୁଭବ କରି ଏପରି ନିଷ୍ପତ୍ତି ନେଇଥିବା ଅଭିଷେକ କହିଛନ୍ତି।

TMC

ବାମରୁ ଅଭିଷେକ ବାନାର୍ଜୀ ଓ ବିଶ୍ୱାସ

Hemant Lenka
  • Published: Monday, 29 May 2023
  • Updated: 29 May 2023, 07:53 PM IST

ପଶ୍ଚିମବଙ୍ଗରେ କଂଗ୍ରେସକୁ ଶକ୍ତ ଝଟକା ଲାଗିଛି। ରାଜ୍ୟରେ ଥିବା କଂଗ୍ରେସର ଏକମାତ୍ର ବିଧାୟକ ଆଜି ଦଳକୁ ଅଲବିଦା କହିଛନ୍ତି। ବିଡି ବାରୋନ ଭାବେ ପରିଚିତ ବାୟରନ ବିଶ୍ୱାସ ଆଜି ଟିଏମସିରେ ମିଶିଛନ୍ତି।

ବିଶ୍ୱାସଙ୍କୁ ଆଜି ଟିଏମସିର ସାଧାରଣ ସମ୍ପାଦକ ତଥା ସାଂସଦ ଅଭିଷେକ ବାନାର୍ଜୀ ଦଳକୁ ସ୍ୱାଗତ କରିଛନ୍ତି। ରାଜ୍ୟରେ ଟିଏମସି କେବଳ ବିଜେପି ବିରୋଧରେ ଲଢ଼େଇ କରିବାକୁ ସକ୍ଷମ ବୋଲି ବିଶ୍ୱାସ ଅନୁଭବ କରି ଏପରି ନିଷ୍ପତ୍ତି ନେଇଥିବା ଅଭିଷେକ କହିଛନ୍ତି।

Also Read

ଟିଏମସି ପକ୍ଷରୁ ଟ୍ୱିଟ କରି ଶ୍ରୀ ବିଶ୍ୱାସକୁ ସ୍ୱାଗତ କରାଯାଇଛି। ଦଳ ପକ୍ଷରୁ କୁହାଯାଇଛି ଯେ “ରାଜ୍ୟରେ ଚାଲିଥିବା ଜନ ସଂଯୋଗ ଯାତ୍ରା ସମୟରେ ଆଇଏନସିର ସାଗରଦିଘି ବିଧାୟକ ବାୟରୋନ ବିଶ୍ୱାସ ଆମ ସହ ମିଶିଛନ୍ତି। ଏହି ସମୟରେ ଅଭିଷେକ ବାନାର୍ଜୀଙ୍କ ଉପସ୍ଥିତି ଥିଲେ।

ଆମେ ବିଶ୍ୱାସଙ୍କୁ ତୃଣମୂଳ କଂଗ୍ରେସ ପରିବାରକୁ ହୃଦୟରୁ ସ୍ୱାଗତ କରୁଛୁ। ବିଜେପିର ଭେଦଭାବ ଓ ଘୃଣା ସୃଷ୍ଟିକାରୀ ରାଜନୀତି ବିରୋଧରେ ଚାଲିଥିବା ଲଢ଼େଇକୁ ବଳ ଯୋଗାଇବା ପାଇଁ ଆପଣ ଉପଯୁକ୍ତ ମୋର୍ଚ୍ଚା ବାଛିଛନ୍ତି। ଆମେ ଏକାଠି ନିଶ୍ଚିତ ଜିତିପାରିବା।”

ବିଶ୍ୱାସ ନିକଟରେ ସାଗରଦିଘି ଆସନରେ ଅନୁଷ୍ଠିତ ଉପ ନିର୍ବାଚନରେ ଟିଏମସି ପ୍ରାର୍ଥୀଙ୍କୁ ହରାଇଥିଲେ। ସେ ୨୨ ହଜାରରୁ ଅଧିକ ଭୋଟରେ ଟିଏମସିର ଦେବାଶିଷ ବାନାର୍ଜୀଙ୍କ ଠାରୁ ଜିତିଥିଲେ।

୨୦୨୧ ବିଧାନସଭା ନିର୍ବାଚନରେ କଂଗ୍ରେସ ଖାତା ଖୋଲିବାକୁ ସକ୍ଷମ ହୋଇ ନଥିବା ବେଳେ ଉପ ନିର୍ବାଚନରେ ଜିତିବାକୁ ସକ୍ଷମ ହୋଇଥିଲା। ହେଲେ ଏବେ ବିଶ୍ୱାସ କଂଗ୍ରେସକୁ ଅଲବିଦା କହିଛନ୍ତି।

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos