‘ହିନ୍ଦୁମାନଙ୍କ ବିରୋଧରେ ମିଛ ଅଭିଯୋଗ ଆଣିବା ପାଇଁ ଷଡ଼ଯନ୍ତ୍ର କରାଯାଇଛି। କିଛି ଲୋକ ଅଛନ୍ତି ଯେଉଁମାନେ ‘ହିନ୍ଦୁ ଆତଙ୍କବାଦୀ’ ଶବ୍ଦ ତିଆରି କରିବାକୁ ପ୍ରୟାସ କରୁଛନ୍ତି। ଆଉ ସେମାନଙ୍କ ସହଯୋଗୀମାନେ ହିନ୍ଦୁ ଧର୍ମକୁ ଡେଙ୍ଗୁ ଓ ମ୍ୟାଲେରିଆ ଭଳି ରୋଗ ସହିତ ତୁଳନା କରୁଛନ୍ତି। ହିନ୍ଦୁ ପରମ୍ପରାକୁ ନୀଚ୍ଚା ଦେଖାଇବା, ଅପମାନିତ ଓ ଉପହାସ କରିବା ସେମାନଙ୍କର ଏକ ଫ୍ୟାସନ ହୋଇଗଲାଣି। ଏ ଦେଶ କେବେ ସେମାନଙ୍କୁ କ୍ଷମା କରିବ ନାହିଁ।’ ଆଜି ଲୋକସଭାରେ ରଷ୍ଟ୍ରପତିଙ୍କ ଭାଷଣ ଉପରେ ଧନ୍ୟବାଦ ପ୍ରସ୍ତାବ ଆଲୋଚନାରେ ଭାଗ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହି କଥା କହିଥିଲେ। ସେ ରାହୁଲ ଗାନ୍ଧି ଓ କଂଗ୍ରେସର ନାଁ ନନେଇ ଏଭଳି କହିଥିଲେ।
ନାଁ ନନେଇ ରାହୁଲଙ୍କୁ ଟାର୍ଗେଟ କରି ପ୍ରଧାନମନ୍ତ୍ରୀ କହିଥିଲେ, ଏହା ହେଉଛି ତୁମର ସଂସ୍କୃତି। ଏହା ହେଉଛି ତୁମର ଚରିତ୍ର। ଏହା ହେଉଛି ତୁମର ଭାବନା। ଏହା ହେଉଛି ତୁମର ଘୃଣା। ଏହା ଏ ଦେଶର ହିନ୍ଦୁଙ୍କ ବିରୋଧରେ ତୁମର କାର୍ଯ୍ୟ। ଏହି ଦେଶ ଶତାବ୍ଦୀ ଶତାବ୍ଦୀ ଧରି ଏ କଥାକୁ ଭୁଲିବ ନାହିଁ। ପ୍ରଧାନମନ୍ତ୍ରୀ ଆଜି ଲୋକସଭାରେ ତାଙ୍କ ଅଭିଭାଷଣ ରଖୁଥିବା ବେଳେ ବିରୋଧୀମାନେ ପ୍ରବଳ ବିରୋଧ କରିଥିଲେ । ସେମାନେ ମଣିପୁର... ମଣିପୁର... ନାରା ଦେଇଥିଲେ।
Also Read
ରାଷ୍ଟ୍ରପତିଙ୍କ ଭାଷଣ ଉପରେ ଧନ୍ୟବାଦ ପ୍ରସ୍ତାବ ଆଲୋଚନାରେ ଭାଗ ନେଇ ଗତକାଲି ବିରୋଧୀ ଦଳ ନେତା ରାହୁଲ ଗାନ୍ଧି ସରକାରଙ୍କୁ ଘେରିଥିଲେ। ସେ ଭଗବାନ ଶିବ, ନାନକ ଓ ଅନ୍ୟ ମହାପୁରଷମାନଙ୍କ ଫଟୋକୁ ହାତରେ ଧରି ନିଜକୁ ହିନ୍ଦୁ କହୁଥିବା ବ୍ୟକ୍ତି ଓ ସଂଗଠନ କେବଳ ହିଂସା, ଘୃଣା ଓ ଅସତ୍ୟ କହୁଛନ୍ତି ବୋଲି କହିଥିଲେ। ବିଜେପି ଓ ଆରଏସ୍ଏସକୁ ଟାର୍ଗେଟ କରି ସେ ଏ କଥା କହିଥିଲେ। ରାହୁଲଙ୍କ ଏହି ମନ୍ତବ୍ୟକୁ ନେଇ ଗୃହରେ ପ୍ରବଳ ହଟ୍ଟଗୋଳ ହୋଇଥିଲା। ପ୍ରଧାନମନ୍ତ୍ରୀ ଛିଡ଼ା ହୋଇ ସମସ୍ତ ହିନ୍ଦୁଙ୍କୁ ହିଂସ୍ର କହିବା ଏକ ଗମ୍ଭୀର ଅଭିଯୋଗ ବୋଲି କହିଥିଲେ। ଏହାର ଉତ୍ତରରେ ରାହୁଲ କହିଥିଲେ ଯେ ସେ କେବଳ ବିଜେପି-ଆରଏସଏସ ହିନ୍ଦୁ ନୁହନ୍ତି ବୋଲି କହିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
