ଫସେଇବାକୁ ଯାଇ ନିଜେ ଫଶିଗଲେ ପୁଲିସ ବାବୁ। ତଲାସି ବେଳେ ଜଣେ ବ୍ୟକ୍ତିଙ୍କ ପକେଟ୍ରେ ପୁଲିସ ବାବୁ ଜଣଙ୍କ ଡ୍ରଗ୍ସ ରଖୁଥିଲେ। ଶେଷରେ ଧରାପଡିଲେ। ଏକାଥରକେ ସସ୍ପେଣ୍ଡ ହୋଲେ ୪ ଜଣ ପୁଲସ କର୍ମୀ।
ଯାଞ୍ଚ ନାଁରେ ଫସାଇବାକୁ ଚେଷ୍ଟା କରୁଛି ପୁଲିସ। ଜଣେ ବ୍ୟକ୍ତିଙ୍କ ପକେଟରେ ଜାଣିଶୁଣି ରଖି ଦେଉଛି ଡ୍ରଗ୍ସ। ଏଭଳି କିଛି ଭିଡିଓ ମହାରାଷ୍ଟ୍ରର ମୁମ୍ବାଇରୁ ସାମ୍ନାକୁ ଆସିଛି। ଯାହା ସମସ୍ତଙ୍କୁ ଚିକତ କରିଦେଇଛି। ଏହି ଭିଡିଓରେ ଦୁଇ ଜଣ ପୁଲିସ କର୍ମଚାରୀ ଜଣେ ବ୍ୟକ୍ତିଙ୍କୁ ଯାଞ୍ଚ କରୁଥିବା ବେଳେ ଅନ୍ୟ ଦୁଇ ଜଣ କିଛି ଦୂରରେ ଛିଡ଼ା ହୋଇଥିବା ଦେଖିବାକୁ ମିଳିଛି।
ଏହାର କିଛି କ୍ଷଣ ପରେ ଜଣେ ପୁଲିସ କର୍ମଚାରୀ ସନ୍ଦିଗ୍ଧଙ୍କ ପକେଟରେ କିଛି ରଖୁଥିବା ଭାଇରାଲ ଭିଡିରେ ଦେଖିବାକୁ ମିଳିଛି। ଏହାପରେ ୨୦ ଗ୍ରାମ୍ ମେଫେଡ୍ରୋନ୍ ରଖିବା ଅଭିଯୋଗରେ ୪ ଜଣ ପୁଲିସ କର୍ମଚାରୀ ତାଙ୍କୁ ଗିରଫ କରିଛନ୍ତି। ଏହି ପୂରା ଘଟଣାର ଭିଡିଓ ସୋଶାଲ ମିଡିଆରେ ଭାଇରାଲ ହୋଇଛି। ଏହାପରେ ପୁଲିସର ମୁଖା ଖୋଲିଛି। ମୁମ୍ବାଇରେ ୪ ଜଣ ପୁଲିସ କର୍ମଚାରୀଙ୍କୁ ନିଲମ୍ବିତ କରାଯାଇଛି।
अपनी जेब से नशीला पदार्थ निकालकर जिस शख्स की तलाशी ली जा रही है उसके जेब में डालने वाला शख्स पुलिस वाला है।जांच में सामने आया है की सिविल वर्दी में पहुंचे ये चारों लोग #मुंबई के #खार पुलिस थाने के #पुलिसकर्मी है। इन चारों को फिलहाल #निलंबित कर दिया गया है #Mumbai #Mumbaipolice pic.twitter.com/8WyOtR7wma
— Rajesh kumar (@journorajeshk) August 31, 2024
ଭିଡିଓରେ ଦେଖାଯାଉଥିବା ଚାରି ଜଣ ବ୍ୟକ୍ତି ମୁମ୍ବାଇର ଖାର ଥାନାର କର୍ମଚାରୀ ବୋଲି ଜଣାପଡିଛି। ନିଲମ୍ବିତ ପୁଲିସ କର୍ମଚାରୀଙ୍କ ମଧ୍ୟରେ ଜଣେ ପୁଲିସ ସବ୍ ଇନ୍ସପେକ୍ଟର ଓ ୩ ଜଣ କନଷ୍ଟେବଳ ଅଛନ୍ତି। ଜୋନ୍ ୧୧ ଡେପୁଟି କମିସନର ରାଜତିଲକ ରୋଶନ ଏହି ସୂଚନା ଦେଇଛନ୍ତି।
ମିଳିଥିବା ସୂଚନା ଅନୁଯାୟୀ, ଖାର ଥାନାର ଆତଙ୍କବାଦ ନିରୋଧୀ ସେଲ୍ରେ ନିୟୋଜିତ ୪ ଜଣ ପୁଲିସ କର୍ମଚାରୀ ଶୁକ୍ରବାର ସନ୍ଧ୍ୟାରେ ସହରର କାଳିନା ଅଞ୍ଚଳରେ ଥିବା ଏକ ଖୋଲା ପ୍ଲଟ୍ ଉପରେ ଚଢ଼ାଉ କରି ଡାନିଏଲ ନାମକ ଜଣେ ବ୍ୟକ୍ତିଙ୍କୁ ଅଟକ ରଖିଥିଲେ। ଏହାପରେ ଯାଞ୍ଚ ବେଳେ ତାଙ୍କ ପକେଟରେ ପୁଲିସ କର୍ମଚାରୀ ଡ୍ରଗ୍ସ ରଖି ଦେଇଥିଲେ।
ଏକ ସ୍ଥାନୀୟ ନ୍ୟୁଜ୍ ଚ୍ୟାନେଲକୁ ସାକ୍ଷାତକାର ଦେଇ ଡାନିଏଲ କହିଛନ୍ତି ଯେ ପୁଲିସ କର୍ମଚାରୀମାନେ ପ୍ରଥମେ ତାଙ୍କୁ ଡ୍ରଗ୍ସ ମାମଲାରେ ଫସାଇବାକୁ ଧମକ ଦେଇଥିଲେ। କିନ୍ତୁ ଯେତେବେଳେ ସେ ଅନୁଭବ କଲେ ଯେ ତାଙ୍କ କାର୍ଯ୍ୟ ସିସିଟିଭି କ୍ୟାମେରାରେ କଏଦ ହୋଇଛି, ସେତେବେଳେ ତାଙ୍କୁ ଛାଡ଼ି ଦିଆଯାଇଥିଲା।
ଡିସିପି ରାଜତିଲକ ରୋଶନ କହିଛନ୍ତି ଯେ ୪ ଜଣ ପୁଲିସ କର୍ମଚାରୀଙ୍କ ଭାଇରାଲ ଭିଡିଓରେ ସନ୍ଦେହଜନକ କାର୍ଯ୍ୟ ଦେଖି ତାଙ୍କ ବିରୋଧରେ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି। ଏବଂ ତଦନ୍ତ ଶେଷ ହେବା ଯାଏ ସେମାନଙ୍କୁ ନିଲମ୍ବିତ କରାଯାଇଛି।