ଦେଶର ରାଜଧାନୀ ଦିଲ୍ଲୀର ବ୍ୟସ୍ତବହୁତ ପ୍ରଗତି ମୈଦାନ ଟନେଲରେ ଗତ ସୋମବାର ଘଟିଥିବା ବଡ଼ ଧରଣର ଲୁଟ ଘଟଣାର ୨ ଅଭିଯୁକ୍ତଙ୍କୁ ମାଡ଼ି ବସିଛି ପୁଲିସ୍। ଏହି ଘଟଣାର ୨ ଅନ୍ୟ ଅଭିଯୁକ୍ତଙ୍କ ଟେର ମିଳି ନ ଥିବା ବେଳେ ସେମାନଙ୍କୁ ଖୋଜିବା କାର୍ଯ୍ୟକୁ ଜୋରଦାର କରିଛି ପୁଲିସ୍ ।
ଗତ ସୋମବାର ଓମିୟା ଏଣ୍ଟରପ୍ରାଇଜେସର ଡେଲିଭରି ଏଜେଣ୍ଟ ପଟେଲ ସଜ୍ଜନ କୁମାର ନିଜ ସହଯୋଗୀଙ୍କ ସହ ୨ ଲକ୍ଷ ଟଙ୍କା ଟଙ୍କା ଭର୍ତ୍ତି ବ୍ୟାଗ ଧରି ଗୁରୁଗ୍ରାମ ଅଭିମୁଖେ ଯାଉଥିଲେ। ସେମାନେ ଲାଲକିଲାରୁ ଓଲା କ୍ୟାବ ବୁକ କରି ରିଙ୍ଗ ରୋଡ ଦେଇ ଟନେଲ ଭିତରକୁ ଯାଇଥିଲେ। ଏହି ସମୟରେ ୪ ଯୁବକ ବାଇକରେ ସେମାନଙ୍କ ପିଛା କରିବା ସହ ବାଙ୍କ ପାଖରେ ଗାଡ଼ିକୁ ଓଭର ଟେକ୍ କରି ବିଚ୍ ରାସ୍ତାରେ ଅଟକାଇ ଦେଇଥିଲେ। ଏହାପରେ ବନ୍ଧୁକ ଦେଖାଇ ଟଙ୍କା ଭର୍ତ୍ତି ବ୍ୟାଗକୁ ନେଇ ଯାଇଥିଲେ। ଲୁଟ ବେଳର ଭିଡିଓ ଭାଇରାଲ ହେବା ପରେ ଏହାକୁ ନେଇ ରାଜଧାନୀବାସୀ ଆତଙ୍କିତ ହୋଇ ପଡ଼ିଥିଲେ।
ଏନେଇ ତିଲକ ମାର୍ଗ ପୁଲିସ୍ ଷ୍ଟେସନରେ ଅଭିଯୋଗ ହେବା ପରେ ପୁଲିସ୍ ଅଭିଯୁକ୍ତଙ୍କୁ ଧରିବା କାର୍ଯ୍ୟକୁ ଜୋରଦାର କରିଥିଲା। ଏହାପରେ ଏହି ଘଟଣାର ୨ ଅଭିଯୁକ୍ତ ଗିରଫ ହୋଇଥିବା ବେଳେ ଅନ୍ୟ ୨ ଜଣଙ୍କ ସନ୍ଧାନ ଜାରି ରଖିଛି ପୁଲିସ୍। ତେବେ ଲୁଟ୍ ଟଙ୍କା ଉଦ୍ଧାର ହୋଇଛି ନା ନାହିଁ ସେ ନେଇ କିଛି ଜଣାପଡ଼ିନି ।
Also Read
। ଲୁଟ ବେଳର ଭିଡିଓ ଭାଇରାଲ ହେବା ପରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଉପ ରାଜ୍ୟପାଳ ଭିକେ ସକ୍ସେନାଙ୍କୁ ଟାର୍ଗେଟ କରି ତାଙ୍କ ଇସ୍ତଫା ଦାବି କରିଥିଲେ ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
