ବିଦ୍ୟୁତ ସଙ୍କଟରେ ଦିଲ୍ଲୀ ବାସିନ୍ଦା। ପ୍ରବଳ ଗୁଳୁଗୁଳି ଓ ଗରମରେ ଦିଲ୍ଲୀର ଅଧିକାଂଶ ସ୍ଥାନରେ କରେଣ୍ଟ ନାହିଁ। ଉତ୍ତର ପ୍ରଦେଶର ମାଣ୍ଡୋଲା ସ୍ଥିତ ଏକ ସବ୍-ଷ୍ଟେସନରେ ନିଆଁ ଲାଗି ଯାଇଥିବାରୁ ସହରର ଅଧିକାଂଶ ସ୍ଥାନରେ ବିଦ୍ୟୁତ୍ ସଙ୍କଟ ଦେଖାଦେଇଛି।
ଏନେଇ ଆପ୍ ମନ୍ତ୍ରୀ ଆତିଶି କହିଛନ୍ତି ଯେ, ମଙ୍ଗଳବାର ଦିଲ୍ଲୀର ଅନେକ ସ୍ଥାନରେ ଦିନ ୨.୧୧ରୁ କରେଣ୍ଟ କଟିଯାଇଛି। ଉତ୍ତର ପ୍ରଦେଶର ମାଣ୍ଡୋଲା ସ୍ଥିତ ପାୱାର ଗ୍ରୀଡ କର୍ପୋରେସନ ଅଫ ଇଣ୍ଡିଆ ଲିମିଟେଡ (PGCIL)ର ସବ୍-ଷ୍ଟେସନରେ ନିଆଁ ଲାଗିଥିବାରୁ ଏହି ସଙ୍କଟ ଦେଖାଦେଇଛି।
Also Read
ସେ ଆହୁରି କହିଛନ୍ତି ଯେ, ମଣ୍ଡୋଲା ସବ୍-ଷ୍ଟେସନରୁ ଦିଲ୍ଲୀକୁ ୧,୨୦୦ ମେଗାୱାଟ ବିଦ୍ୟୁତ୍ ଆସିଥାଏ। ସେଠାରେ ଅଗ୍ନିକାଣ୍ଡ ଘଟିଥିବାରୁ ବିଦ୍ୟୁତ ଯୋଗାଣ ବାଧାପ୍ରାପ୍ତ ହୋଇଛି। ଏହି କାରଣରୁ ଦିଲ୍ଲୀର ଅନେକ ସ୍ଥାନରେ କରେଣ୍ଟ ନାହିଁ।
ବିଦ୍ୟୁତ୍ ପୁନଃସଂଯୋଗ ପ୍ରକ୍ରିୟା ଆରମ୍ଭ ହୋଇଛି, ଧୀରେ ଧୀରେ ବିଭିନ୍ନ ଅଞ୍ଚଳକୁ ବିଦ୍ୟୁତ୍ ସଂଯୋଗ ହେଉଛି। ରାଜଧାନୀରେ ବିଦ୍ୟୁତ ସଙ୍କଟ ଅତ୍ୟନ୍ତ ଚିନ୍ତାଜନକ। ଏଭଳି ପରିସ୍ଥିତି ଯେପରି ଆଗକୁ କେବେ ନ ଉପୁଜେ, ସେଥିପାଇଁ ମୁଁ କେନ୍ଦ୍ରୀୟ ଶକ୍ତି ମନ୍ତ୍ରୀ ଏବଂ PGCILର ଅଧ୍ୟକ୍ଷଙ୍କ ସହ କଥାବାର୍ତ୍ତା କରିବି ବୋଲି ଆତିଶି କହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
