ପଡ଼ିଆରେ ଫୁଟ୍ବଲ୍ ଖେଳୁଥିଲେ ପିଲା। ହଠାତ ଖସି ପଡ଼ିଲା ଟିଣ ସେଡ୍। ଏଥିରେ ୭ରୁ ୮ ଜଣ ପିଲା ଗୁରୁତର ହୋଇଛନ୍ତି। ସମସ୍ତଙ୍କୁ ଚିକିତ୍ସା ପାଇଁ ନିକଟସ୍ତ ହସ୍ପିଟାଲରେ ଭର୍ତ୍ତି କରାଯାଇଛି। ମୁମ୍ବାଇର ଥାନେ ଅଞ୍ଚଳରେ ଘଟିଛି ଏଭଳି କିଛି ଘଟଣା।
ମୁମ୍ବାଇରେ ପହଞ୍ଚି ସାରିଛି ମୌସୁମୀ। ଏଠାକାର ବିଭିନ୍ନ ସ୍ଥାନରେ ପ୍ରବଳ ବର୍ଷା ଲାଗି ରହିଛି। ବର୍ଷା ହେତୁ ଲୋକେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି। ସେପଟେ ବର୍ଷା ଯୋଗୁ ଅନେକ ଦୁର୍ଘଟଣା ମଧ୍ୟ ଘଟୁଛି। ମୁମ୍ବାଇ ନିକଟସ୍ଥ ଥାନେରେ ପିଲାମାନେ ପ୍ରବଳ ବର୍ଷା ଭିତରେ ଫୁଟବଲ୍ ଖେଳୁଥିଲେ। ଏହି ସମୟରେ ବର୍ଷା ଓ ପବନ ଯୋଗୁ ଏକ ଟିଣ ସେଡ୍ ଖସି ପଡିଥିଲା। ଏହି ଦୁର୍ଘଟଣାରେ ୭ରୁ ୮ ଜଣ ପିଲା ଗୁରୁତର ହୋଇଛନ୍ତି। ସେମାନଙ୍କୁ ଉଦ୍ଧାର କରି ନିଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଛି।
Also Read
ଏହି ଦୁର୍ଘଟଣା ବେଳର ଭିଡିଓ ମଧ୍ୟ ସାମ୍ନାକୁ ଆସିଛି, ଯେଉଁଥିରେ ବଡ ଟିଣ ସେଡ୍ ତଳେ ପଡିଥିବା ଦେଖିବାକୁ ମିଳିଛି। ଟିଣ ତଳେ ଫସି ରହିଥିବା ପିଲାଙ୍କୁ ପାଖରେ ଥିବା ଅନ୍ୟ ଖେଳାଳିମାନେ ବାହାରକୁ ଆଣିବାକୁ ଚେଷ୍ଟା କରୁଛନ୍ତି। ଅନ୍ୟ କିଛି ପିଲା ଆହତ ହୋଇଥିବା ମଧ୍ୟ ଭିଡିଓରେ ନଜର ଆସିଛନ୍ତି।
#WATCH ठाणे (महाराष्ट्र): फुटबॉल टर्फ क्लब में एक अन्य इमारत की शेड गिरने से कई बच्चे घायल हुए। अधिक जानकारी की प्रतीक्षा है। pic.twitter.com/J0db87BwGL
— ANI_HindiNews (@AHindinews) June 21, 2024
ସେପଟେ ଏହି ଘଟଣା ପରେ ଶିବସେନା ଏକନାଥ ସିନ୍ଧେ ଗୋଷ୍ଠୀର ବିଧାୟକ ପ୍ରତାମ ସରନାଏକ ମୁଖ୍ୟମନ୍ତ୍ରୀଙ୍କ ତରଫରୁ ଆହତମାନଙ୍କୁ ସହାୟତା କରିବାକୁ ଆଶ୍ୱାସନା ଦେଛନ୍ତି। ପ୍ରତାପ ସାରନାକ ଆହତମାନଙ୍କୁ ଡାକ୍ତରଖାନାରେ ଭେଟିଛନ୍ତି। ଆହତଙ୍କ ମଧ୍ୟରୁ ଅନେକ ପିଲାଙ୍କ ଅବସ୍ଥା ଗୁରୁତର ଥିବା କୁହାଯାଉଛି।
୧୭ରୁ ୧୮ ପିଲା ଫୁଟବଲ ଖେଳିବାକୁ ଯାଇଥିଲେ। ପବନ ଯୋଗୁ ଅନ୍ୟ ଏକ ସୋସାଇଟି ବିଲ୍ଡିଂର ଏକ ଟିଣସେଡ୍ ଖସି ପିଲାମାନଙ୍କ ଉପରେ ପଡ଼ିଥିଲା ଏହି ସମସ୍ତ ପିଲା ନବମ ଏବଂ ଦଶମ ଶ୍ରେଣୀର ଛାତ୍ର ବୋଲି କୁହାଯାଉଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
