କେରଳ ମୁଖ୍ୟମନ୍ତ୍ରୀଙ୍କ ପୂର୍ବତନ ମୁଖ୍ୟ ସଚିବ ଗିରଫ

ତାଙ୍କୁ ତିନି ଦିନ ଜେରା ପରେ ଗିରଫ କରାଯାଇଛି।

M Sivasankar Photoindiatoday

M Sivasankar

Tapas Behera
  • Published: Wednesday, 15 February 2023
  • Updated: 15 February 2023, 11:46 AM IST

ଲାଇଫ୍ ମିଶନ ସ୍କାମ ମାମଲାରେ ପ୍ରବର୍ତ୍ତନା ନିର୍ଦ୍ଦେଶାଳୟ(ଇଡି) କେରଳର ମୁଖ୍ୟମନ୍ତ୍ରୀ ପିନାରାଇ ବିଜୟନଙ୍କୁ ପୂର୍ବତନ ମୁଖ୍ୟ ସଚିବ ଏମଶିବ ଶଙ୍କରଙ୍କୁ ଗିରଫ କରିଥିବା ଜଣାଯାଇଛି। ଖବର ଅନୁଯାୟୀ ତାଙ୍କୁ ତିନି ଦିନ ଜେରା ପରେ ଗିରଫ କରାଯାଇଛି। ଲାଇଫ୍ ମିଶନ୍ ହେଉଛି ଗରିବଙ୍କ ଉଦ୍ଦେଶ୍ୟରେ କେରଳ ସରକାରଙ୍କ ଏକ ଜନହିତକାରୀ ଯୋଜନା। ଯେଉଁଥିରେ ଭୂମିହୀନମାନଙ୍କ ପାଇଁ ଘର ନିର୍ମାଣ କରାଯାଇଥାଏ। ୟୁଏଇର କନସୁଲେଟ୍ ଜରିଆରେ ରେଡ୍ କ୍ରେସେଣ୍ଟ ପକ୍ଷରୁ ଘର ନିର୍ମାଣ ପାଇ ୨୦ କୋଟି ଟଙ୍କା ଦିଆଯାଇଥିଲା। ସେଥିରୁ ୧୪.୫୦ କୋଟି ଟଙ୍କା ଖର୍ଚ୍ଚ କରି ଲାଇଫ୍ ମିଶନ ଯୋଜନା ମାଧ୍ୟମରେ ରେ ୧୪୦ ପରିବାର ପାଇଁ ଗୃହ ନିର୍ମାଣ ପାଇଁ ଏହି ପ୍ରକଳ୍ପ ଲକ୍ଷ୍ୟ ରଖାଯାଇଥିଲା ।

ଅବଶିଷ୍ଟ ଅର୍ଥ ଏକ ଡାକ୍ତରଖାନା ନିର୍ମାଣ ପାଇଁ ବ୍ୟବହୃତ ହେବ ବୋଲି ଚୁକ୍ତିରେ କୁହାଯାଇଛି। ସମାଜ ତଥା ମାନବୀୟ ସେବା ଉଦ୍ଦେଶ୍ୟରେ ତିଆରି ହୋଇତିବା ରେଡ୍ କ୍ରେସେଣ୍ଟ ହେଉଛି ଏକ ଏନଜିଓ(ଅଣଲାଭଜନକ ସଙ୍ଗଠନ) ସଂସ୍ଥା। କେରଳରେ ଘର ନିର୍ବାଆଣ ପାଇଁ UNITAC ବିଲଡର୍ସ ସହ ଚୁକ୍ତି ହୋଇଥିଲା । ତେବେ ୟୁନିଟ୍ୟାକ୍ ପରିଚାଳନା ନିର୍ଦ୍ଦେଶକ ସନ୍ଥୋଶ ଇପେନ୍ କହିଛନ୍ତି ଯେ, ସମସ୍ତ ଅଭିଯୁକ୍ତ ଏହି ପ୍ରକଳ୍ପ ପାଇଁ ୪.୪୮ କୋଟି ଟଙ୍କା ଲାଞ୍ଚ ନେଇଛନ୍ତି।

ପରେ ରାଜ୍ୟ ସରକାର ଏହି ମାମଲାର ତଦନ୍ତ ନିର୍ଦ୍ଦେଶ ଦେଇଥିଲେ। ଏହି ଦୁର୍ନୀତିରେ ସ୍ୱପ୍ନା ସୁରେଶ ଏବଂ ସରିଥ ପିଏସ ସିଭାସାନକର ସମ୍ପୃକ୍ତ ଥିବା ଜଣାପଡ଼ିଛି।ଲାଞ୍ଚ ଅଭିଯୋଗ ପରେ ଥ୍ରୀସୁରରେ ଥିବା ଲାଇଫ୍ ମିଶନ୍ କମ୍ପ୍ଲେକ୍ସ ସନ୍ଦେହ ଘେରକୁ ଆସିଥିଲା। ତେବେ ଏହାରି ଭିତରେ ଇଡି ରେଡ୍‌ କରିଛି।

Also Read

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos