ଆଜି ସକାଳେ ଭାରତରେ ମୋବାଇଲ୍ ବ୍ୟବହାରକାରୀମାନେ ହଠାତ୍ ଏକ ହ୍ୱାଟସ୍ ଆପ୍ ଆଲର୍ଟ ପାଇଥିଲେ। କଣ ପାଇଁ ଏପରି ବାର୍ତ୍ତା ପ୍ରେରଣ କରାଯାଇଛି ଭାବି ସମସ୍ତେ ଭୟଭୀତ ହୋଇଯାଇଥିଲେ। “Emergency Alert: Severe” ଭାରତ ସରକାରଙ୍କ ଟେଲିକମ୍ୟୁନିକେସନ ବିଭାଗର ଏହା ଏକ ଟେଷ୍ଟ ଆଲର୍ଟ ଲେଖାଯାଇ ଏହି ମେସେଜ୍ ଆସିଥିଲା।
ଏହି ମେସେଜ୍ ହଠାତ୍ ବ୍ୟବହାରକାରୀଙ୍କୁ ଆଶ୍ଚର୍ଯ୍ୟ କରିଦେଇଥିଲା। ଏହିପରି ବିଜ୍ଞପ୍ତିର ଉଦ୍ଦେଶ୍ୟ ଏବଂ କାରଣ କଣ ବୋଲି ଅନେକ ଜାଣିବାକୁ ଚେଷ୍ଟା କରିଥିଲେ। ବିଭିନ୍ନ ସର୍ଚ୍ଚ ଇଞ୍ଜିନ୍ ପ୍ଲାଟଫର୍ମ ଉପରେ ଅନୁସନ୍ଧାନ ପରେ ଉପଭୋକ୍ତାମାନେ ଜାଣିବାକୁ ପାଇଲେ ଯେ, ଏହି ଆଲର୍ଟଗୁଡିକ ମୁଖ୍ୟତଃ ଖରାପ ପାଣିପାଗ ବିଷୟରେ ଜନସାଧାରଣଙ୍କୁ ଜଣାଇବା ପାଇଁ ଜାରି କରାଯାଇଛି। ଅନେକ ସେଲ୍ ଫୋନ୍ ବ୍ୟବହାରକାରୀ ଦ୍ୱନ୍ଦ୍ୱରେ ରହି ମେସେଜ୍ ଡିଲିଟ୍ କରିଦେଇଥିଲେ।
ଜଣେ ସଂପୃକ୍ତ ମୋବାଇଲ୍ ବ୍ୟବହାରକାରୀ କହିଛନ୍ତି, “ବୋଧହୁଏ ଭୟଭୀତ ହେବାର କୌଣସି କାରଣ ନାହିଁ, କାରଣ ପ୍ରବଳ ଝଡ଼ ଏବଂ ଅନ୍ୟାନ୍ୟ ପ୍ରାକୃତିକ ବିପର୍ଯ୍ୟୟ ଯୋଗୁଁ ଘଟିଥିବା ଜରୁରୀକାଳୀନ ପରିସ୍ଥିତିକୁ ଅନୁକରଣ କରିବା ପାଇଁ ଏହା ଏକ ପରୀକ୍ଷା ହୋଇପାରେ, ଯାହା ଏକ ନିର୍ଦ୍ଦିଷ୍ଟ ଭୌଗୋଳିକ କ୍ଷେତ୍ରରେ କ୍ଷତି ପହଞ୍ଚାଇପାରେ।" ପ୍ରତ୍ୟେକ ପ୍ରାକୃତିକ ବିପର୍ଯୟ ସମୟରେ ସତର୍କତା ନିହାତି ଜରୁରୀ। ସେ ଦୃଷ୍ଟିରୁ ସରକାରଙ୍କ ଦ୍ୱାରା କାର୍ଯ୍ୟକାରୀ ହୋଇଥିବା ବିପର୍ଯ୍ୟୟ ପ୍ରସ୍ତୁତି ଏବଂ ପ୍ରତିକ୍ରିୟା ରଣନୀତିର ଏକ ଅବିଚ୍ଛେଦ୍ୟ ଅଙ୍ଗ। ପ୍ରକୃତ ସଙ୍କଟ ସମୟରେ ନାଗରିକଙ୍କ ପାଇଁ ଗୁରୁତ୍ୱପୂର୍ଣ୍ଣ ତଥ୍ୟର ପ୍ରଭାବଶାଳୀ ବିସ୍ତାରକୁ ସୁନିଶ୍ଚିତ କରିବା ପାଇଁ ଏପରି ମକ୍ ଜରୁରୀକାଳୀନ ଆଲର୍ଟଗୁଡିକ ଗୁରୁତ୍ୱପୂର୍ଣ୍ଣ ଅଭ୍ୟାସ ଭାବରେ କାର୍ଯ୍ୟ କରିଥାଏ।