ସୁପ୍ରସିଦ୍ଧ ଊର୍ଦ୍ଦୁ କବି ମୁନବ୍ବର ରାଣାଙ୍କ ସ୍ୱର ନୀରବି ଯାଇଛି। ୭୧ ବର୍ଷ ବୟସରେ ସେ ଶେଷ ନିଃଶ୍ୱାସ ତ୍ୟାଗ କରିଛନ୍ତି। ଲକ୍ଷ୍ନୌସ୍ଥିତ ସଞ୍ଜୟ ଗାନ୍ଧୀ ପିଜିଆଇ ହସ୍ପିଟାଲରେ ସେ ଗତ ରାତିରେ ଶେଷ ନିଃଶ୍ୱାସ ତ୍ୟାଗ କରିଛନ୍ତି।
ଦୀର୍ଘ ଦିନ ଧରି ସେ କିଡନୀ ଓ ହୃଦରୋଗ ସମ୍ବନ୍ଧୀୟ ରୋଗରେ ପୀଡ଼ିତ ଥିଲେ। ମୁନବ୍ବର ରାଣାଙ୍କ ମୃତ୍ୟୁ ଖବର ପ୍ରଚାରିତ ହେବା ପରେ ତାଙ୍କ ପ୍ରଶଂସକଙ୍କୁ ଶକ୍ତ ଝଟକା ଲାଗିଛି।
ମୁନବ୍ବରଙ୍କ ଝିଅଙ୍କଠୁ ମିଳିଥିବା ସୂଚନା ଅନୁଯାୟୀ, ଗତ ରାତିରେ ତାଙ୍କ ପିତାଙ୍କ ମୃତ୍ୟୁ ହୋଇଥିବା ବେଳେ ଆଜି ଶେଷକୃତ୍ୟ ସମ୍ପନ୍ନ ହେବ। ମୁନବ୍ବରଙ୍କ ପରିବାରରେ ପତ୍ନୀ, ୪ ଝିଅ ଓ ଗୋଟିଏ ପୁଅ ଅଛନ୍ତି।
Also Read
ମୁନବ୍ବରଙ୍କ ପୁଅଙ୍କଠୁ ମିଳିଥିବା ସୂଚନା ଅନୁଯାୟୀ, ଅସୁସ୍ଥତା ହେତୁ ପ୍ରାୟ ୧୫ ଦିନ ହେବ ସେ ମେଡିକାଲରେ ଭର୍ତ୍ତି ହୋଇଥିଲେ। ପ୍ରଥମେ ତାଙ୍କୁ ମେଦାନ୍ତ ହସ୍ପିଟାଲ ଓ ପରେ ଏସଜିପିଜିଆଇରରେ ଭର୍ତ୍ତି କରାଯାଇଥିଲା। ସେଠାରେ ତାଙ୍କୁ ଭେଣ୍ଟିଲେଟରରେ ରଖା ଯାଇଥିଲା। ମାତ୍ର ଡାକ୍ତରଙ୍କ ଶତଚେଷ୍ଟା ସତ୍ତ୍ୱେ ସେ ଗତ ରାତିରେ ଆଖି ବୁଜିଛନ୍ତି।
ମା’ମାନଙ୍କୁ ପ୍ରଶଂସାରେ ପୋତି ପକାଇବା ସହ ସେମାନଙ୍କ କଷ୍ଟ, ପରିଶ୍ରମକୁ ସମ୍ମାନ ଜଣାଇ ମୁନବ୍ବର ମା’ମାନଙ୍କ ଉପରେ ଅଗଣିତ ଶାୟରୀ ଲେଖିଛନ୍ତି।
ଜୀବନକାଳରେ ବିଭିନ୍ନ ପ୍ରସଙ୍ଗରେ ନିଜ ଟିପ୍ପଣୀ ପାଇଁ ବିବାଦରେ ଛନ୍ଦି ହୋଇଥିଲେ ମୁନବ୍ବର। ୨୦୧୧ ମସିହାରେ ଉତ୍ତର ପ୍ରଦେଶରେ ହୋଇଥିବା ବିଧାନସଭା ନିର୍ବାଚନ ପୂର୍ବରୁ ସେ ବିବାଦୀୟ ବୟାନ ଦେଇଥିଲେ। କହିଥିଲେ ଯୋଗୀ ଆଦିତ୍ୟନାଥ ପୁଣି ଥଣେ ୟୁପିର ମୁଖ୍ୟମନ୍ତ୍ରୀ ହେଲେ ୟୁପି ଛାଡ଼ିଦେବି। ସେ ରାଜ୍ୟରେ ଭେଦଭାବ ବିସ୍ତାର କରାଇଥିବା ସେ ଅଭିଯୋଗ କରିଥିଲେ।
ଗତ ୨୦୨୧ ମସିହାରେ ମୁନବ୍ବରଙ୍କ ପୁଅ ତବରେଜଙ୍କ ଉପରକୁ ଫାୟାରିଂ ହୋଇଥିଲା। ଏହାପରେ ନିଜ ସୁରକ୍ଷାକୁ ନେଇ ପ୍ରଶ୍ନ ଉଠାଇଥିଲେ ମୁନବ୍ବର।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
