କୃଷକ ଦିଲ୍ଲୀ ଚଲୋ ଆନ୍ଦୋଳନର ଆଜି ହେଉଛି ଦ୍ୱିତୀୟ ଦିନ। ଉଭୟ କେନ୍ଦ୍ର ଏବଂ କୃଷକ ନେତାମାନେ ନିଜ ନିଜ ଜିଦରେ ଅଟଳ। ଏଥିପାଇଁ କୃଷକଙ୍କ ଦାବିରେ କୌଣସି ସମାଧାନ ହୋଇପାରିଲା ନାହିଁ, ଯାହା ପରେ କୃଷକମାନେ ବିରୋଧ କରିବାକୁ ନିଷ୍ପତ୍ତି ନେଇଛନ୍ତି। ଏହାରି ଭିତରେ ଆନ୍ଦୋଳନରତ କୃଷକମାନଙ୍କୁ ଚେତାବନୀ ଦେଇଛନ୍ତି କେନ୍ଦ୍ର କୃଷି ମନ୍ତ୍ରୀ।
ସେମାନଙ୍କ ବିରୋଧ ଯୋଗୁଁ ସାଧାରଣ ଲୋକେ ଯେପରି କୌଣସି ଅସୁବିଧାର ସମ୍ମୁଖୀନ ନ ହେବେ ସେଥିପାଇଁ କେନ୍ଦ୍ର କୃଷି ମନ୍ତ୍ରୀ ଅର୍ଜୁନ ମୁଣ୍ଡା କୃଷକମାନଙ୍କୁ ପରାମର୍ଶ ଦେଇଛନ୍ତି। ଏଥିସହିତ ତରବରିଆ ଭାବେ ଏଭଳି କୌଣସି ନିଷ୍ପତ୍ତି ନିଆଯାଇପାରି ନାହିଁ ଯେଉଁଥିପାଇଁ ଭବିଷ୍ୟତରେ ସମାଲୋଚାନା ହୋଇପାରେ। ଏଥିପାଇଁ କୃଷକ ସଂଗଠନ ବୁଝିବା ଆବଶ୍ୟକ।
ସେ ଆହୁରି କହିଛନ୍ତି, 'ସମସ୍ତ ଦିଗକୁ ଧ୍ୟାନରେ ରଖି ଆମେ ଏହା ଉପରେ ଆଲୋଚନା କରିବା ଉଚିତ। ସାଧାରଣ ଜୀବନ ଯେପରି ବ୍ୟାଘାତ ନହୁଏ ସେଥିପାଇଁ କୃଷକମାନେ ନିଶ୍ଚିତ ହେବା ଆବଶ୍ୟକ। ମୁଁ ଭାବୁଛି ସାଧାରଣ ଲୋକଙ୍କ ପାଇଁ ଅସୁବିଧା ସୃଷ୍ଟି କରିବା ପରି କେହି ପଦକ୍ଷେପ ନେବେ ନାହିଁ। ଅସୁବିଧା ଉପୁଜିଲେ ସମାଧାନର ରାସ୍ତା ମିଳିପାରିବ ନାହିଁ। ଆଲୋଚନା ପାଇଁ ଏକ ଅନୁକୂଳ ପରିବେଶ ବଜାୟ ରଖିବା ପାଇଁ ମୁଁ ଅପିଲ କରୁଛି। ରାଜନୀତି ଠାରୁ ଚାଷୀମାନେ ଦୂରେଇ ରହିବା ଉଚିତ। ସେମାନେ କୃଷକମାନେ ହେଉଛନ୍ତି ଆମର ଅନ୍ନଦାତା। କୃଷକଙ୍କ କଲ୍ୟାଣ ପାଇଁ ସରକାର ପ୍ରତିବଦ୍ଧ ବୋଲି କୃଷି ମନ୍ତ୍ରୀ କହିଛନ୍ତି।'
ପଞ୍ଜାବ ଓ ହରିଆଣାର ବିଭିନ୍ନ ସଙ୍ଗଠନର ହଜାର ହଜାର କୃଷକ ବିଭିନ୍ନ ଦାବି ଦେଇ ବିକ୍ଷୋଭ ପ୍ରଦର୍ଶନ କରି ଦିଲ୍ଲୀ ଚଲୋ ଡାକରା ଦେଇଛନ୍ତି। ସେମାନଙ୍କୁ ଅଟକାଇବା ପାଇଁ ପୁଲିସ ବ୍ୟାପକ ବନ୍ଦୋବୋସ୍ତ କରିଛି। ଦିଲ୍ଲୀର ସମସ୍ତ ସୀମା ସିଲ୍ କରାଯାଇଛି। ଅଭେଦ ଦୁର୍ଗରେ ପରିଣତ ହୋଇଛି ଦିଲ୍ଲୀର ସମସ୍ତ ସୀମା।