ଅପରାଧୀଙ୍କୁ ଧରିବା ଯାହାର ଦାୟିତ୍ୱ ସିଏ ହିଁ ସାଜୁଥିଲେ ପ୍ରତିବନ୍ଧକ । ଫଳରେ ମାମଲାଗୁଡ଼ିକ ୫ ବର୍ଷ, ୧୦ ବର୍ଷ ପଡ଼ି ରହିଥିବା ବେଳେ ନ୍ୟାୟ ପାଇଁ ଦୌଡ଼ୁଥିଲେ ସାଧାରଣ ଲୋକେ। ଏପରି ସାଂଘାତିକ ଘଟଣାର ଖୁଲାସା ହେବା ପରେ ୧୩୪ ପୁଲିସ୍ ଅଧିକାରୀଙ୍କ ବିରୋଧରେ ରୁଜୁ ହୋଇଛି ମାମଲା । ଏପରି ଏକ ଘଟଣା ବିହାରର ମୁଜଫରପୁରରେ ଦେଖିବାକୁ ମିଳିଛି।
ଅପରାଧୀଙ୍କୁ ଧରିବା ସହ ପୀଡ଼ିତଙ୍କୁ ନ୍ୟାୟ ଦେବା ପୁଲିସ୍ର ପ୍ରଥମ କାମ । ମାତ୍ର ନିଜ ଦାୟିତ୍ୱରେ ଖିଲାପ କରୁଥିଲେ ମୁଜଫରପୁରର ୧୩୪ ପୁଲିସ୍ ଅଧିକାରୀ। ଏପରିକି ନିଜ ଟ୍ରାନ୍ସଫର ହେବା ପରେ ପରବର୍ତ୍ତୀ ଅଫିସରଙ୍କୁ ପୁରୁଣା କେସ୍ର ଫାଇଲ୍ ପ୍ରଦାନ କରୁ ନ ଥିଲେ। ଫଳରେ କେବଳ ଏଥିପାଇଁ ୯୪୩ଟି ଫାଇଲ୍ ସମାଧାନ ହୋଇ ନ ପାରି ପ୍ରାୟ ୧୦ ବର୍ଷହେବ ପଡ଼ି ରହିଛି।
ବରିଷ୍ଠ ଅଧିକାରୀଙ୍କ ନିର୍ଦ୍ଦେଶ ସତ୍ତ୍ୱେ ସମ୍ପୃକ୍ତ ଅଧିକାରୀମାନେ ପୁରୁଣା କେସ୍ର ଫାଇଲ୍ ପ୍ରଦାନ କରୁ ନ ଥିଲେ। କିଛି ଦିନ ପୂର୍ବେ ସମାଧାନ ହୋଇ ନ ଥିବା ପୁରୁଣା ମାମଲାଗୁଡ଼ିକର ସମୀକ୍ଷା କରାଯାଉଥିବା ବେଳେ ଏହି ସମସ୍ତ ଅଧିକାରୀଙ୍କ ନାମ ସାମନାକୁ ଆସିଲା। ଏବେ ସେମାନଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ନିଆଯାଇ ୮ଟି ଥାନାରେ ମାମଲା ରୁଜୁ ହୋଇଛି।
Also Read
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
