ସିନେମା ହଲ୍ରେ ନିଆଁ ଲଗାଇଦେଲେ ଫ୍ୟାନ୍। କ୍ରେଜ୍ ଏତେ କି ହଲ୍ ଭିତରେ ହିଁ ନିଆଁ ଲଗାଇ ତା ଉପରେ ଡେଇଁଲେ। ଏଭଳି କିଛି ଘଟଣା ଆନ୍ଧ୍ରପ୍ରଦେଶ ନାନ୍ଦୟାଲରେ ଘଟିଛି।
ଅଭିନେତା ତଥା ରାଜନେତା ପାୱାରଷ୍ଟାର୍ ପୱନ୍ କଲ୍ୟାଣଙ୍କ ଏକ ପୁରୁଣା ଫିଲ୍ମ ‘କ୍ୟାମେରାମ୍ୟାନ୍ ଗଙ୍ଗାରାମ ଟୁ ରାମବାବୁ’ ସିନେମା ହଲରେ ରି-ରିଲିଜ୍ କରାଯାଇଥିଲା। ତେବେ ଫିଲ୍ମର ଏକ ଆକ୍ସନ୍ ସିନରେ ଫ୍ୟାନ୍ ଏତେ ମଜି ଯାଇଥିଲେ କି ସାଙ୍ଗରେ ଆଣିଥିବା କାଗଜ ଟୁକୁଡ଼ାକୁ ଫୋପାଡ଼ିବାକୁ ଲାଗିଥିଲେ। ଶେଷରେ ଉତ୍ପାତର ସବୁ ସୀମା ଟପିଥିଲା। କାଗଜରେ ନିଆଁ ଲଗାଇ ତା’ ଉପରେ ନାଚିବାକୁ ଲାଗିଥିଲେ। କେହି କିଛି ବୁଝିବା ପୂର୍ବରୁ ନିଆଁ ବ୍ୟାପି ଯାଇଥିଲା। ପାଖରେ ଥିବା ଅନ୍ୟ ଦର୍ଶକ ବାହାରକୁ ଦୌଡ଼ିବାକୁ ଲାଗିଥିଲେ।
Also Read
ପରେ ନିଆଁକୁ ଆୟତ୍ତ କରିବା ସହ ଅଭିଯୁକ୍ତଙ୍କୁ କାବୁ କରିଥିଲା ପୁଲିସ୍। ଫିଲ୍ମ ହଲରେ ଏଭଳି ବାଚଳାମୀ ନୂଆଁ ନୁହେଁ। କିଛି ମାସ ପୂର୍ବରୁ ମହାରାଷ୍ଟ୍ରରେ ସଲମାନଙ୍କ ଫିଲ୍ମ ଟାଇଗର-୩ ରିଲିଜ୍ ବେଳେ ବାଣ ଫୁଟାଇଥିଲେ ଫ୍ୟାନ୍।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
