ଘରେ ଲାଗିଲା ନିଆଁ। ଭୟଙ୍କର ଅଗ୍ନିକାଣ୍ଡ ଘଟି ଜଳିଗଲେ ଗୋଟିଏ ପରିବାରର ୫ ଜଣ। ରାଜସ୍ଥାନର ଜୟପୁରରେ ଘଟିଛି ଏଭଳି କିଛି ଦୁର୍ଘଟଣା।
ଜୟପୁରର ବିଶ୍ୱକର୍ମାର ଜୈସଲ୍ୟ ଗାଁରେ ଏକ ଘରେ ନିଆଁ ଲାଗି ଭୟଙ୍କର ଅଗ୍ନିକାଣ୍ଡ ଘଟିଛି। ଫଳରେ ୩ ପିଲାଙ୍କ ସମେତ ଗୋଟିଏ ପରିବାରର ୫ ଜଣଙ୍କ ମୃତ୍ୟୁ ହୋଇଛି। ତେବେ କେଉଁ କାରଣରୁ ଘରେ ନିଆଁ ଲାଗିଛି ସେ ନେଇ କୌଣସି ସ୍ପଷ୍ଟ ସୂଚନା ମିଳିନାହିଁ। ସମସ୍ତ ମୃତକ ବିହାରର ବୋଲି କୁହାଯାଉଛି।
Also Read
ମଧୁବନୀ ବିହାରର ଏକ ପରିବାରର ଜୈସଲ୍ୟ ଗାଁରେ ଭଡା ଘରେ ରହୁଥିଲେ। କୁହାଯାଉଛି ଯେ, ରାତିରେ ପୂରା ପରିବାର ଶୋଇଥିବା ଅବସ୍ଥାରେ ଘରେ ନିଆଁ ଲାଗିଥିଲା। ଫଳରେ ସେମାନେ ଜୀବନ ବଞ୍ଚାଇ ଘରୁ ଆଉ ବାହାରକୁ ବାହାରି ପାରିନଥିଲେ। ଫଳରେ ନିଆଁ ଲାଗି ସମସ୍ତେ ଜୀବନ୍ତ ଜଳି ଯାଇଛନ୍ତି। ନିଆଁ ଲାଗିଥିବା ନେଇ ପଡୋଶୀ ସୂଚନା ଦେବା ପରେ ଘଟଣାସ୍ଥଳରେ ଦମକଳ ଗାଡି ପହଞ୍ଚି ନିଆଁକୁ ଆୟତ୍ତ କରିଛି।
ଅଗ୍ନିଶମ ବିଭାଗର ଅଧିକାରୀ ଜଳି ଯାଇଥିବା ପୂରା ପରିବାରର ମୃତଦେହକୁ ବାହାରକୁ ଆଣି ବ୍ୟବଚ୍ଛେଦ ପାଇଁ ପଠାଯାଇଛି। ସେପଟେ ଘଟଣାସ୍ଥଳରେ ଏଫଏସ୍ଏଲ୍ ଟିମ୍ ପହଞ୍ଚି ଛାନ୍ ଭିନ୍ ଜାରି ରଖିଛି। କେଉଁ କାରଣରୁ ନିଆଁ ଲାଗିଲା ସେ ନେଇ ତଦନ୍ତ ଜାରି ରହିଛି। ତେବେ ଗ୍ୟାସ୍ ସିଲିଣ୍ଡର ଫାଟି ନିଆଁ ଲାଗିଥିବା ସନ୍ଦେହ କରାଯାଉଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
