NDTV and IndiaToday 
କଂଗ୍ରେସର ବରିଷ୍ଠ ନେତା ରାହୁଲ ଗାନ୍ଧୀଙ୍କ ଉପରେ ବର୍ଷିଲେ ଆଇପିଏଲ୍ର ପୂର୍ବତନ ମୁଖ୍ୟ ଲଳିତ ମୋଦି। ସେ ରାହୁଲଙ୍କ ବିରୋଧରେ କୋର୍ଟକୁ ଯିବେ ବୋଲି କହିଲେ। ମୋଦି ସାଙ୍ଗିଆକୁ ନେଇ ରାହୁଲ ଗାନ୍ଧୀ ଦେଇଥିବା ଆପତ୍ତିଜନକ ଟିପ୍ପଣୀକୁ ବିରୋଧ କରି ଇଂଲଣ୍ଡର ଅଦାଲତାରେ ମକଦ୍ଦମା କରିବେ ବୋଲି ଟ୍ୱିଟ୍ କରି ଧମକ ଦେଇଛନ୍ତି ଆଇପିଏଲ୍ର ପୂର୍ବତନ ମୁଖ୍ୟ।
୨୦୧୯ରେ କର୍ଣ୍ଣାଟକର କୋଲାରରେ ଏକ ନିର୍ବାଚନ ରାଲିରେ ରାହୁଲ ଗାନ୍ଧୀ ଲଲିତ ମୋଦି ଏବଂ ପଳାତକ ହୀରା ବ୍ୟବସାୟୀ ନୀରବ ମୋଦିଙ୍କୁ ଟାର୍ଗେଟ୍ କରି, ସମସ୍ତ ଚୋରମାନଙ୍କ ନାଁ ମୋଦି କିଭଳି ହୋଇପାରେ...? ବୋଲି ମନ୍ତବ୍ୟ ଦେଇଥିଲେ।
Also Read
ଏବେ ରାହୁଲଙ୍କ ଏହି ମନ୍ତବ୍ୟକୁ ସମାଲୋଚନା କରି ଲଳିତ ମୋଦି ଟ୍ୱିଟ୍ କରି କହିଛନ୍ତି, ମୁଁ ବିଚାର ବ୍ୟବସ୍ଥାର ପଳାତକ ବୋଲି ସାଧାରଣ ଜନତା ଓ ଗାନ୍ଧୀଙ୍କ ସହଯୋଗୀମାନେ ବାରମ୍ବାର କହୁଛନ୍ତି। କେଉଁ ଦୃଷ୍ଟିରୁ ମୁଁ ପଳାତକ? ମୁଁ କୌଣସି ଅପରାଧରେ ଦୋଷୀ ସାବ୍ୟସ୍ତ ହୋଇନାହିଁ।
i see just about every Tom dick and gandhi associates again and again saying i ama fugitive of justice. why ?How?and when was i to date ever convicted of same. unlike #Papu aka @RahulGandhi now an ordinary citizen saying it and it seems one and all oposition leaders have nothing…
— Lalit Kumar Modi (@LalitKModi) March 30, 2023
ଲଳିତ ମୋଦ ଦାବି କରିଛନ୍ତି ଯେ, ସେ ବିଶ୍ୱରେ ଆୟୋଜନ କରିଥିବା ବୃହତ୍ତମ କ୍ରୀଡ଼ା କାର୍ୟ୍ୟକ୍ରମ ପ୍ରାୟ ୧୦ ବିଲିୟନ୍ ଡଲାର୍ ଆୟ କରିଛି। ଗାନ୍ଧୀ ପରିବାରଠାରୁ ତାଙ୍କ ପରିବାର ଭାରତ ପାଇଁ ବହୁତ କିଛି ଅଧିକ କରିଛି। ଅଭିଯୋଗକୁ ସତ୍ୟ ପ୍ରମାଣିତ କରିବା ଲାଗି ରାହୁଲ୍ଙ୍କୁ ଚାଲେଞ୍ଜ କରି ସେ କହିଛନ୍ତି, ଅଦାଲତରେ ରାହୁଲଙ୍କୁ ଅପଦସ୍ଥ କରିବାକୁ ସେ ଅପେକ୍ଷା କରିଛନ୍ତି।
addresses and photos etc. lets not fool the people of india who are the real crooks. #Gandhifamily who have made it as if they the entitled ones to rule our country. yes i will return as soon as u pass stringent liable laws. 🙏 jai-hind
— Lalit Kumar Modi (@LalitKModi) March 30, 2023
ଅନେକ କଂଗ୍ରେସ ନେତାଙ୍କ ବିଦେଶରେ ସମ୍ପତ୍ତି ଥିବା ଲଳିତ ମୋଦି ଅଭିଯୋଗ କରିଛନ୍ତି। ଏ ସବୁର ଠିକଣା ଓ ଫଟୋ ଯୋଗାଇ ଦେଇପାରିବେ ବୋଲି ଦାବି କରିଛନ୍ତି ପୂର୍ବତନ ଆଇପିଏଲ୍ ମୁଖ୍ୟ। ଏଥିସହ କଠୋର ମାନହାନୀ ଆଇନ ପ୍ରଣୟନ ହେବା ମାତ୍ରେ ସେ ଭାରତକୁ ଫେରିବେ ବୋଲି କହିଛନ୍ତି।
ସୂଚନାଯୋଗ୍ୟ, ଆଇପିଏଲ୍ରେ ଆର୍ଥିକ ହେର୍ଫେର୍ ଅଭିଯୋଗରେ ସମ୍ମୁଖୀନ ହେବା ପରେ ୨୦୧୦ରୁ ଲଣ୍ଡନରେ ଅଛନ୍ତି ଲଳିତ ମୋଦି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
