କୋବି ମାଞ୍ଚୁରିଆନ୍। ଏହାକୁ ଖାଇବା ପାଇଁ ଅନେକ ଲୋକେ ପସନ୍ଦ କରନ୍ତି। ଅନେକ ଭେଜିଟେରିଆନ୍ମାନଙ୍କ ଫେଭରେଟ୍ ହୋଇଥାଏ କୋବି ମାଞ୍ଚୁରିଆନ। ଏବେ କିନ୍ତୁ ଆଉ ଏହି ଖାଦ୍ୟ ମିଳିବ ନାହିଁ। ଫୁଡ୍ ପ୍ରେମୀ ଆଉ ଖାଇପାରିବେନି କୋବି ମାଞ୍ଚୁରିଆନ୍। ଏହି ଭାରତୀୟ ଡିସ୍ ଉପରେ ଲାଗିଛି ବ୍ୟାନ୍।
ଗୋଆରେ କୋବି ମାଞ୍ଚୁରିଆନକୁ ନେଇ ସୃଷ୍ଟି ହୋଇଛି ହଙ୍ଗାମା। ଏବେ ଏଠାକାର ଆଉ କୌଣସି ବି ଲୋକେ କୋବି ମାଞ୍ଚୁରିଆନ୍ର ମଜା ନେଇପାରିବେ ନାହିଁ। ଏଠାକାର ରେଷ୍ଟୁରାଣ୍ଟ ତଥା ଫାଷ୍ଟଫୁଡ୍ ଷ୍ଟଲ ତଥା ଉଠା ଦୋକାନୀ ଆଉ କେଉଁଠି ମଧ୍ୟ ଲୋକେ କୋବି ମାଞ୍ଚୁରିଆନ୍ ପାଇପାରିବେ ନାହିଁ। ଗୋଆର ଏକ ସହର ଏହି କୋବି ମାଞ୍ଚୁରିଆନ୍ ଉପରେ ଲଗାଇଛି ପ୍ରତିବନ୍ଧକ।
Also Read
ପ୍ରକୃତରେ ଗତ ମାସରେ ଗୋଆର ମାପୁସା ମହାନଗର ପରିଷଦର ଅଧ୍ୟକ୍ଷ ତାରକ ଆରୋଲକର୍ ବୋଦଗେଶ୍ୱର ମନ୍ଦିରରେ ଆୟୋଜିତ ହୋଇଥିବା ଏକ ଭୋଜିରେ ଏହି କୋବି ମାଞ୍ଚୁରିଆନ୍ ଉପରେ ବ୍ୟାନ୍ ଲଗାଇବା ପାଇଁ ପରାମର୍ଶ ଦେଇଥିଲେ। ଏହାପରେ ମହାନଗର ପରିଷଦର ଅନ୍ୟ ସଦସ୍ୟମାନେ ମଧ୍ୟ ସମର୍ଥନ ଜଣାଇଥିଲେ। ଏହାପର ଠାରୁ ସମସ୍ତ ରେଷ୍ଟୁରାଣ୍ଟ, ଫୁଡ୍ ଷ୍ଟଲ୍ ଓ ଭୋଜି ଭାତରେ ଆଉ କୋବି ମାଞ୍ଚୁରିଆନ୍ ପରଷା ଯାଉନାହିଁ।
କୋବି ମାଞ୍ଚୁରିଆନ୍ ଉପରେ ବ୍ୟାନ୍ ଲଗାଇବାର ମୁଖ୍ୟ କାରଣ ହେଉଛି ସ୍ୱଚ୍ଛତା ଏବଂ ଏଥିରେ ବ୍ୟବହୃତ ହେଉଥିବା ରସାୟନ ରଙ୍ଗ। ସିନ୍ଥେଟିକ୍ ବା ରସାୟନ ରଙ୍ଗ ବ୍ୟବହାର କରି କୋବିକୁ ଲାଲ ରଙ୍ଗରେ ରଙ୍ଗା ଯାଇଥିଲା। ଯାହା ସ୍ୱାସ୍ଥ୍ୟ ଉପରେ ପ୍ରଭାବ ପକାଇଥାଏ।
କୋବି ମଞ୍ଚୁରିଆନ ଉପରେ ବ୍ୟାନ୍ ଲଗାଇବାରେ ଗୋଆରେ ମାପୁସା ମହାନଗର ପରିଷଦ ପ୍ରଥମ ନାଗରିକ ସଂଗଠନ ନୁହେଁ। ୨୦୨୨ ମସିହାରେ, ଶ୍ରୀ ଦାମୋଦର ମନ୍ଦିରରେ ଭାସ୍କୋ ଶପଥ ମେଳାରେ ଖାଦ୍ୟ ଏବଂ ଡ୍ରଗ୍ସ ଆଡମିନିଷ୍ଟ୍ରେସନ (ଏଫଡିଏ) କୋବି ମଞ୍ଚୁରିଆନ ବିକ୍ରୟ କରୁଥିବା ଷ୍ଟଲ ଉପରେ ପ୍ରତିବନ୍ଧକ ଲଗାଇବା ପାଇଁ ମର୍ମୁଗାଓ ମହାନଗର ପରିଷଦକୁ ନିର୍ଦ୍ଦେଶ ଦେଇଥିଲା।
ମୁମ୍ବାଇରେ ଚାଇନାର ଜଣେ ପ୍ରଖ୍ୟାତ ରୋଷେୟା ନେଲସନ ୱାଙ୍ଗ କ୍ରିକେଟ୍ କ୍ଲବ ଅଫ୍ ଇଣ୍ଡିଆରେ କ୍ୟାଟରିଂ କରୁଥିବା ବେଳେ ୧୯୭୦ ଦଶକରେ ଚିକେନ୍ ମଞ୍ଚୁରିଆନ୍ ବାହାର କରିଥିଲେ। ତା'ପରେ ଏହି ମଞ୍ଚୁରିୟାନର ଭେଜ୍ ଆଇଟମ ମଧ୍ୟ ପ୍ରସ୍ତୁତ କରାଯାଇଥିଲା। ଲୋକଙ୍କୁ ଏହା ଏତେ ଭଲ ଲାଗିଲା ଯେ ଧୀରେ ଧୀରେ କୋବି ମଞ୍ଚୁରିଆନର ବି ଚାହିଦା ବଢ଼ିବାକୁ ଲାଗିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
