ପୁଣି ଥରେ ବିୟରର ଦାମ ବୃଦ୍ଧି କରିବାକୁ ଯୋଜନା କରୁଛନ୍ତି ରାଜ୍ୟ ସରକାର। ୨୦୨୪ ଫେବୃଆରୀରେ ସରକାର ବିୟର ଦାମ ୧୦% ବୃଦ୍ଧି କରିଥିଲେ। ଏବେ ପୁଣିଥରେ ଦାମ ବୃଦ୍ଧି କରିବାକୁ କର୍ଣ୍ଣାଟକା ସରକାର ଚିନ୍ତା କରୁଥିବା ଜଣାପଡ଼ିଛି।
୨୦୨୩ରେ ରାଜ୍ୟ ବଜେଟ ଉପସ୍ଥାପନ କରିବା ବେଳେ କର୍ଣ୍ଣାଟକାର କଂଗ୍ରେସ ସରକାର ବିୟର ଦାମ ୧୦% ବୃଦ୍ଧି କରିଥିଲେ। ଫଳରେ ୬୫୦ ମିଲିମିଟର ବିୟର ବୋତଲ ୧୦ରୁ ୧୫ ଟଙ୍କା ମହଙ୍ଗା ହୋଇଥିଲା। ୨୦୨୪ରେ ସରକାର ବିୟର ଦାମ ଆଉ ୧୦% ବଢ଼ାଇଥିଲେ। ଦ୍ୱିତୀୟ ଥର ଦର ବୃଦ୍ଧି ଯୋଗୁ ବିୟର ବୋତଲ ପିଛା ପୁଣି ୧୫ ଟଙ୍କା ମହଙ୍ଗା ହୋଇଯାଇଥିଲା।
Also Read
ଅତିରିକ୍ତ ଭାବେ ସିଦ୍ଦରମୈୟା ସରକାର ୨୦୨୪ ଅଗଷ୍ଟରେ ଷ୍ଟ୍ରଙ୍ଗ ବିୟର ବୋତଲ ଗୁଡ଼ିକ ଉପରେ ଅତିରିକ୍ତ ଅବକାରୀ ଟିକସ ଲାଗୁ କରିବାକୁ ପ୍ରସ୍ତାବ ଦେଇଥିଲେ। ଯଦି ଏହାକୁ ଅନୁମତି ମିଳିବ, ତା’ହେଲେ ବର୍ଷକ ମଧ୍ୟରେ ତୃତୀୟ ଥର ପାଇଁ ବିୟରର ଦାମ ବଢ଼ିବ।
ଅବକାରୀ ମନ୍ତ୍ରୀ ଆରବି ଥିମ୍ମାପୁର କହିଛନ୍ତି, ଦର ବୃଦ୍ଧି ପାଇଁ କଥାବାର୍ତ୍ତା ଚାଲିଛି। କିନ୍ତୁ ଚୂଡ଼ାନ୍ତ ନିଷ୍ପତ୍ତି ହୋଇନାହିଁ। ଆମେ ଏବେ ମଦର ଦାମ ବଢ଼ାଇକୁ ଚିନ୍ତା କରିନାହିଁ। କେବଳ ବିୟରର ଦାମ ବଢ଼ିପାରେ। ତଥାପି ଆମେ ଏସମ୍ପର୍କରେ ମୁଖ୍ୟମନ୍ତ୍ରୀଙ୍କ ସହ କଥାବାର୍ତ୍ତା ହୋଇନାହୁଁ।”
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
