Aaj Tak 
ସଜେଇ ହୋଇଥିଲା ମଣ୍ଡପ। ପାଖରେ ଥିଲେ ସାଙ୍ଗ ସାଥୀ ଓ ପରିବାର ଲୋକେ। ବନ୍ଧୁ ଅତିଥି ଗଣ ମଧ୍ୟ ଉପସ୍ଥିତ ଥିଲେ। ମଣ୍ଡପ ଉପରେ ସଜେଇ ହୋଇଥିଲେ ବର-କନ୍ୟା। ଆରମ୍ଭ ହୋଇଥିଲା ବିବାହ ରୀତିନୀତି। ବର କନ୍ୟାଙ୍କ ସରିଲା ବରଣମାଳା। ଏହାପରେ ହଠାତ୍ ମଣ୍ଡପ ଉପରେ ହିଁ ଟଳି ପଡ଼ିଲା ବର। କେହି କିଛି ଭାବିବା ଆଗରୁ କନିଆଁ ସାମ୍ନାରେ ହିଁ ବରର ଉଡ଼ିଗଲା ପ୍ରାଣ ବାୟୁ। ଏଭଳି କିଛି ଚକିତ କଲା ଖବର ସାମ୍ନାକୁ ଆସିଛି ବିହାରରୁ।
ବିହାରର ସୀତାମଢ଼ି ଅଞ୍ଚଳରେ। ବୁଧବାର ରାତିରେ ଇନ୍ଦରବା ଗାଁର ଯୁବତୀଙ୍କୁ ବିବାହ କରିବାକୁ ବରଯାତ୍ରୀ ନେଇ ପହଞ୍ଚିଥିଲେ ଧନହା ପଞ୍ଚାୟତର ଗୁଦର ରାୟ। ମଞ୍ଚ ଉପରେ ବରକୁ କନ୍ୟା ନିଜେ ବରଣ କରିଥିଲେ। ଏହାପରେ ଉଭୟ ଉଭୟଙ୍କୁ ବରଣମାଳା ପିନ୍ଧାଇଥିଲେ। କିଛି ସମୟ ଫଟୋସୁଟ ବି ଚାଲିଥିଲା।
Also Read
ଚାରିଆଡ଼େ ଡିଜେ ସାଉଣ୍ଡରେ ଦୁଲୁକୁଥିଲା ମଣ୍ଡପ। ବାସ୍ ଏହି ସମୟରେ ହଠାତ୍ ଅସହଜ ହୋଇପଡିଥିଲା ବର। କିଛି ସମୟ ଷ୍ଟେଜ୍ ଉପରେ ବସିବା ପରେ ଟଳିପଡିଥିଲା। ଏହା ଦେଖିବା ପରେ ଚାରିଆଡେ ଆତଙ୍କ ଖେଳିଯାଇଥିଲା। ବିବାହ ଖୁସିରେ ଲାଗିଯାଇଥିଲା ବ୍ରେକ। ତୁରନ୍ତ ବରକୁ ହସ୍ପିଟାଲ ନିଆଯାଇଥିଲା। ତେବେ ଅଧବାଟରେ ହିଁ ତା’ର ମୃତ୍ୟୁ ହୋଇଥିବା ଜଣାପଡିଛି।
ବର ପାଇଁ ଡିଜେ ସାଉଣ୍ଡ ପାଲଟିଥିଲା କାଳ। ମଣ୍ଡପ ଉପରେ ଡିଜେର ଶବ୍ଦ ଜୋର୍ରେ ବାଜୁଥିଲା। ଏହାକୁ ବନ୍ଦ କରିବାକୁ ବାରମ୍ବାର କହିଥିଲା ବର। କିନ୍ତୁ କେହି ଶୁଣି ନଥିଲେ। ଏହାପରେ ବର ଟଳିପଡିଥିଲା ବୋଲି ସେଠାରେ ଥିବା ସମ୍ପର୍କୀୟମାନେ କହିଛନ୍ତି। ସେପଟେ ବରର ମୃତ୍ୟୁ ପରେ କନିଆଁ ଘରେ ଶୋକର ଛାୟା ଖେଳିଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
