ଆର୍ମି ଯବାନ ତଥା ଏନଡିଆରଏଫ ଟିମ୍ଙ୍କ ଦୀର୍ଘ ୧୦ ଘଣ୍ଟାର ପରିଶ୍ରମ ପରେ ବୋରୱେଲରୁ ଉଦ୍ଧାର ପାଇଥିବା ୩ ବର୍ଷୀୟା ଶିଶୁ ଶେଷରେ ମେଡିକାଲରେ ଆଖି ବୁଜିଛି। ଏପରି ଏକ ଦୁଃଖଦ ଘଟଣା ଗୁଜରାଟ ଦ୍ୱାରକାରେ ଘଟିଛି।
ଗୁଜରାଟର ଦ୍ୱାରକା ଜିଲ୍ଲାର କଲ୍ୟାଣପୁର ରଣ ଗାଁରେ ଗତକାଲି ଝିଅଟି ଘର ନିକଟରେ ଖେଳୁଥିଲା। ମାତ୍ର ଅପରାହ୍ନ ପ୍ରାୟ ୧ଟା ବେଳେ ୩୦ ବୋରୱେଲ ଭିତରକୁ ଶିଶୁଟି ଖସି ପଡ଼ିଥିଲା।
Also Read
ଏହାପରେ ଶିଶୁକୁ ଉଦ୍ଧାର କରିବା ପାଇଁ ଯୁଦ୍ଧକାଳୀନ ଭିତ୍ତିରେ ଆରମ୍ଭ ହୋଇଥିଲା ଅପରେସନ । ଜିଲ୍ଲା ପ୍ରଶାସନ ଟିମ୍ ତୁରନ୍ତ ଘଟଣାସ୍ଥଳରେ ପହଞ୍ଚି ଅପରେସନ ଆରମ୍ଭ କରିଥିଲ। ମାତ୍ର ଏହାପରେ ସେନା ଓ ଏନଡିଆରଏଫର ସହାୟତା ଲୋଡ଼ା ଯାଇଥିଲା। ଯୁଦ୍ଧକାଳୀନ ଭିତ୍ତିରେ ଉଦ୍ଧାର କାର୍ଯ୍ୟ ଚାଲିଥିବା ବେଳେ ରାତି ପ୍ରାୟ ୯ଟା ୩୦ରେ ଶିଶୁଟିକୁ ଅଚେତ ଅବସ୍ଥାରେ ଉଦ୍ଧାର କରାଯାଇଥିଲା। ଏହାପରେ ତୁରନ୍ତ ପିଲାଟିକୁ ନିକଟସ୍ଥ ହସ୍ପିଟାଲ ନିଆଯାଇଥିଲା।
ସେଠାରେ ଚିକିତ୍ସାଧୀନ ଥିବା ବେଳେ ଗତକାଲି ବିଳମ୍ବିତ ରାତିରେ ପିଲାଟିର ମୃତ୍ୟୁ ହୋଇଥିବା ଜଣାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
