ହରିୟାଣାରେ ଚାଲିଛି କାଣ୍ଟେକା ଟକ୍କର୍। ବିଧାନସଭା ନିର୍ବାଚନର ଭୋଟ୍ ଗଣତି ଜାରି ରହିଛି। ପ୍ରାରମ୍ଭିକ ଟ୍ରେଣ୍ଡରେ ପ୍ରଥମେ କଂଗ୍ରେସ ଆଗୁଆ ରହିଥିବା ବେଳେ ଏବେ ବିଜେପି ତାକୁ କ୍ରସ୍ କରି ଆଗକୁ ବଢ଼ିଛି। ବିଜେପି ଆଗୁଆ ହେବା ପରେ ପରେ ବଡ଼ ଇଚ୍ଛା ଜାହିର କରିଛନ୍ତି ବରିଷ୍ଠ ନେତା ଅନିଲ ବିଜ୍। ରେଜଲ୍ଟ ନ ଆସୁଣୁ ସେ ମୁଖ୍ୟମନ୍ତ୍ରୀ ହେବାକୁ ଇଚ୍ଛା ପ୍ରକାଶ କରିଛନ୍ତି।
ଭୋଟ ଗଣତି ଭିତରେ ହରିୟାଣାର ଅମ୍ବାଲା ଛାବନିରୁ ବିଜେପିର ପ୍ରାର୍ଥୀ ଥିବା ଅନିଲ ବିଜ କହିଛନ୍ତି, 'ଯଦି ଦଳର ହାଇକମାଣ୍ଡ ଚାହିଁବେ ତେବେ ସେ ହରିୟାଣାର ପରବର୍ତ୍ତୀ ମୁଖ୍ୟମନ୍ତ୍ରୀ ହେବେ।' ମିଡିଆ ସାମ୍ନାକୁ ଆସି ସେ କହିଛନ୍ତି, 'ଜନତାର ଫଇସଲା ଠିକ୍ ଦଳକୁ ଯିବ। କଂଗ୍ରେସ ଘୃଣାର ରାଜନୀତି କରେ। ସେମାନେ ପ୍ରେମର ଦୋକାନରେ ଘୃଣାର ସାମଗ୍ରୀ ବିକ୍ରି କରନ୍ତି ...।'
ଅନୀଲ ବିଜ୍ ହରିୟାଣାରେ ଭୋଟ୍ ହେବା ପରେ ଦ୍ୱିତୀୟ ଥର ପାଇଁ ମୁଖ୍ୟମନ୍ତ୍ରୀ ହେବାକୁ ଇଚ୍ଛା ପ୍ରକାଶ କରିଛନ୍ତି। ଏହାପୂର୍ବରୁ ସେ ମୁଖ୍ୟମନ୍ତ୍ରୀ ହେବାକୁ ଇଚ୍ଛା ପ୍ରକାଶ କରି କହିଥିଲେ ଯେ ସେ ହେଉଛନ୍ତି ବରିଷ୍ଠ ନେତା। ତେବେ ଅନିଲ ବିଜ୍ଙ୍କ ପାଇଁ ମୁଖ୍ୟମନ୍ତ୍ରୀ ଚେୟାରରେ ବସିବା ସହଜ ହେବ ନାହିଁ। ବର୍ତ୍ତମାନର ରାଜ୍ୟ ମୁଖ୍ୟମନ୍ତ୍ରୀ ନାୟବ ସିଂହ ସୈନିଙ୍କ ନେତୃତ୍ୱରେ ଦଳ ଏହି ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିଛି। ଏଭଳି ପରିସ୍ଥିତିରେ ଯଦି ବିଜେପି ଜିତେ ତେବେ ମୁଖ୍ୟମନ୍ତ୍ରୀ ଆସନ ଉପରେ ସବୁଠାରୁ ଅଧିକ ଦାବିଦାର ତାଙ୍କର ରହିବ।
#WATCH अंबाला: अंबाला कैंट विधानसभा क्षेत्र से भाजपा उम्मीदवार अनिल विज ने कहा, "मुझे लगता है कि जनता का फैसला ठीक आएगा। कांग्रेस नफरत की राजनीति करती है। वो मोहब्बत की दुकान से नफरत का सामान बेचते हैं..." pic.twitter.com/evBMU8OVAt
— ANI_HindiNews (@AHindinews) October 8, 2024
ହରିୟାଣାରେ ଭାରତୀୟ ଜନତା ପାର୍ଟି ଲଗାତର ତୃତୟ ଥର ପାଇଁ ସରକାର ଗଠନ କରିପାରେ। ରାଜ୍ୟର ୯୦ଟି ଆସନରେ ଅକ୍ଟୋବର ୫ ତାରିଖରେ ଭୋଟ୍ ହୋଇଥିଲା। ତେବେ ଭୋଟ ଗଣତିର ପ୍ରାରମ୍ଭିକ ଟ୍ରେଣ୍ଡରେ କଂଗ୍ରେସ ଆଗୁଆ ରହିଥିଲା। ଏବେ କିନ୍ତୁ ବିଜେପି ତାକୁ ପଛରେ ପକାଇ ଆଗକୁ ବଢ଼ିଛି। ବିଜେପି ୪୮ଟି ଆସନରେ ଆଗୁଆ ଥିବା ବେଳେ କଂଗ୍ରେସ ୩୪, ଆଇଏନ୍ଏଲ୍ଡି ୩ ଓ ଅନ୍ୟାନ୍ୟ ୫ ସିଟ୍ରେ ଆଗୁଆ ଅଛି।