India Today 
ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ କାପୁରୁଷ କହି ବର୍ଷିଛନ୍ତି ତାଙ୍କ ଆସାମ ପ୍ରତିପକ୍ଷ ହିମନ୍ତ ବିଶ୍ୱଶର୍ମା। କିଛି ଦିନ ତଳେ କେଜ୍ରିୱାଲ ତାଙ୍କୁ ଦିଲ୍ଲୀ ବାସଭବନରେ ଚା’ ଓ ଲଞ୍ଚ କରିବାକୁ ନିମନ୍ତ୍ରଣ କରିଥିଲେ। ହେଲେ ହିମନ୍ତ ବିଶ୍ୱଶର୍ମା ଆମ ଆଦମୀ ପାର୍ଟି (ଆପ) ମୁଖ୍ୟଙ୍କୁ କାପୁରୁଷ କହି ସମାଲୋଚନା କରିଛନ୍ତି।
କେଜ୍ରିୱାଲଙ୍କ ଚା’ ନିମନ୍ତ୍ରଣର ଜବାବ ଦେଇ ହିମନ୍ତ କହିଛନ୍ତି, “ଆମେ ଆମ ଅତିଥିମାନଙ୍କୁ ଭଗବାନ ଭାବେ ବିବେଚନା କରୁ। କିନ୍ତୁ ଔରଙ୍ଗଜେବ ଯେତେବେଳେ ଆସାମ ଆସିଥିଲେ ଲଚିତ ବାରଫୁକନ ତାଙ୍କୁ କୌଣସି ପ୍ରକାରର ଆତିଥ୍ୟ ଦେଇ ନଥିଲେ। ଏବେ ଆପଣ ଆସାମରେ ମିଛ କହିବାକୁ ଆସିଛନ୍ତି। କାହିଁକି ମୁଁ ଆପଣଙ୍କୁ ଅତିଥି ବୋଲି ବିବେଚନା କରିବି?
ତଥାପି ମୁଁ ଆପଣଙ୍କୁ ସୁରକ୍ଷା ଦେଇଛି। ମୁଁ କରୋନା ବେଳେ ଅନେକ ଟ୍ୱିଟ କରିଥିଲି। ହେଲେ ଆପଣ ଗୋଟିଏର ବି ଜବାବ ଦେଇ ନଥିଲେ। ଦୟା କରି ଆମକୁ ଏକା ଛାଡ଼ି ଦିଅନ୍ତୁ। ଆମକୁ ଆମ ଆଦମୀ ହେବାର ନାହିଁ, ଆମେ ଖାସ ଆଦମୀ ହୋଇ ରହିବୁ। ଆସାମ ବିକାଶର ରାସ୍ତାରେ ଯାଉଛି। ଏଥିପାଇଁ ଆମକୁ ଆମ ଆଦମୀର ଆବଶ୍ୟକ ନାହିଁ। ଆମେ ଖାସ ଆଦମୀ ଭାବେ ରହିବୁ ଓ ବିକାଶ କରିବୁ। ମୁଁ ରାଜ୍ୟର ୩.୫ କୋଟି ଖାସ ଆଦମୀଙ୍କୁ ଆଗକୁ ନେବି।”
Also Read
କେଜ୍ରିୱାଲ ଦିଲ୍ଲୀ ଆସିବା ପାଇଁ କରିଥିବା ନିମନ୍ତ୍ରଣ ଉପରେ ଶର୍ମା ଆହୁରି କହିଛନ୍ତି, “ମୁଁ ଆସାମର ୫୦ ଜଣଙ୍କୁ ପଠାଇବି। ସେମାନଙ୍କ ମଧ୍ୟରେ ଅଧିକାଂଶ ସାମ୍ବାଦିକ ରହିବେ। କେଜ୍ରିୱାଲ ସେମାନଙ୍କୁ ଦିଲ୍ଲୀର ବିଭିନ୍ନ ସ୍ଥାନକୁ ନେବେ। ଆମେ ଚାହୁଁଥିବା ସ୍ଥାନଗୁଡ଼ିକୁ ସେ ସମସ୍ତଙ୍କୁ ନେବେ। ସେ ଚାହୁଁଥିବା ସ୍ଥାନକୁ ନୁହେଁ। ଏହି ସର୍ତ୍ତରେ ମୁଁ ଆସାମ ଲୋକଙ୍କୁ ପଠାଇବି। ଦିଲ୍ଲୀର ୬୦% ଲୋକ ନର୍କରେ ରହୁଛନ୍ତି। କିନ୍ତୁ ଆସାମର ୯୫% ଲୋକ ସ୍ୱର୍ଗରେ ରହୁଛନ୍ତି।”
Did Lachit Barphukan provide any hospitality to Aurangzeb? So what kind of hospitality was Arvind Kejriwal expecting in Assam? pic.twitter.com/JJs15rofnu
— Himanta Biswa Sarma (@himantabiswa) April 2, 2023
ବ୍ୟକ୍ତିଗତ ସ୍ତରକୁ ଯାଇ ମଧ୍ୟ ଆପ୍ ମୁଖ୍ୟଙ୍କୁ ହିମନ୍ତ ବିଶ୍ୱଶର୍ମା ସମାଲୋଚନା କରିଛନ୍ତି। ସେ କହିଛନ୍ତି, “କେଜ୍ରିୱାଲଙ୍କ ହିରୋଗିରି କେବଳ ବିଧାନସଭା ଭିତରେ ରହିଛି। ସେ ସେଠାକାର ସ୍ୱାଧିକାର ଦ୍ୱାରା ସୁରକ୍ଷାବଳୟରେ ରହି ଯାଉଛନ୍ତି।”
ଆସାମରେ ପ୍ରଥମ ରାଜନୀତିକ ରାଲିରେ ସମ୍ବୋଧନ କରି କେଜ୍ରିୱାଲ ରାଜ୍ୟର ମୁଖ୍ୟମନ୍ତ୍ରୀ ହିମନ୍ତ ବିଶ୍ୱଶର୍ମାଙ୍କୁ ଟାର୍ଗେଟ କରିଥିଲେ। ସେହିପରି ଦିଲ୍ଲୀ ବିଧାନସଭା ଭିତରେ ହିମନ୍ତ ବିଶ୍ୱଶର୍ମାଙ୍କୁ ନେଇ କେଜ୍ରିୱାଲ କିଛି ବୟାନ ଦେଇଥିଲେ। ବିଶ୍ୱଶର୍ମା ଏହାକୁ ବିରୋଧ କରିବା ସହ ମାନହାନୀ ମାମଲା କରିବାକୁ ଧମକ ଦେଇଥିଲେ। ହେଲେ ତାଙ୍କ ଚେତାବନୀକୁ କେଜ୍ରିୱାଲ ତାଚ୍ଛଲ୍ୟ କରିବା ସହ ତାଙ୍କୁ ଚା’ ଓ ଲଞ୍ଚ ପାଇଁ ଦିଲ୍ଲୀ ଆସିବାକୁ ନିମନ୍ତ୍ରଣ କରିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
