ଦୁବାଇରେ ଆୟୋଜିତ ଜଳବାୟୁ ସମ୍ମିଳନୀ (ସିଓପି୨୮)କୁ ସମ୍ବୋଧନ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ଏହି ସମୟରେ ୨୦୨୮ରେ ସିଓପି୩୩ ଭାରତ ଆୟୋଜନ କରିବାକୁ ଚାହୁଁଥିବା ସେ ପ୍ରସ୍ତାବ ରଖିଛନ୍ତି।
ସେ କହିଛନ୍ତି, ଜଳବାୟୁ ପରିବର୍ତ୍ତନ ପ୍ରକ୍ରିୟା ଦିଗରେ ମିଳିତ ଜାତିସଂଘ ଧାର୍ଯ୍ୟ କରିଥିବା ନୀତି ପ୍ରତି ଭାରତ ପ୍ରତିଶ୍ରୁତିବଦ୍ଧ। ଖାସ ଏହି କାରଣ ପାଇଁ ଭାରତରେ ୨୦୨୮ ମସିହା ସିଓପି୩୩ ଆୟୋଜନ କରିବା ସକାଶେ ମୁଁ ଷ୍ଟେଜ ଉପରୁ ପ୍ରସ୍ତାବ ରଖୁଛି।”
Also Read
ନଭେମ୍ବର ୩୦ରୁ ଡିସେମ୍ବର ୧୨ ଯାଏ ଦୁବାଇରେ ମିଳିତ ଜାତିସଂଘର ଜଳବାୟୁ ସମ୍ମିଳନୀ ସିଓପି ୨୮ ଆୟୋଜନ କରାଯାଉଛି। ୟୁଏଇ ଏହାର ଆୟୋଜନ କରୁଥିବା ବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ସମ୍ମାନନୀୟ ଅତିଥି ଭାବେ ଯୋଗଦେଇଛନ୍ତି। ଜଳବାୟୁ ପରିବର୍ତ୍ତନ ସମ୍ପର୍କରେ ବିଭିନ୍ନ ଦେଶ ଏହି ସମ୍ମିଳନୀରେ ଭାଗ ନେଇ ଆଲୋଚନା କରିବେ।
ମୋଦି ଆଜି କହିଛନ୍ତି, “ଆଉ ଗୋଟିଏ ପ୍ରୋ ପ୍ଲାନେଟ, ପ୍ରୋ ଆକ୍ଟିଭ ଓ ସକାରାତ୍ମକ ଅଭିଯାନ-ଗ୍ରୀନ କ୍ରେଡିଟ ଅଭିଯାନ ସମ୍ପର୍କରେ ଆଜି ଏହି ମଞ୍ଚରୁ ମୁଁ ଘୋଷଣା କରିବାକୁ ଚାହେଁ। ୨୦୩୦ ଭାରତ ସୁଦ୍ଧା ଖରାପ ଗ୍ୟାସ ନିର୍ଗତ ହେବା ପ୍ରକ୍ରିୟାକୁ ୪୫ %କୁ ହ୍ରାସ କରିବାକୁ ଲକ୍ଷ୍ୟ ରଖିଛି। ୨୦୭୦ ସୁଦ୍ଧା ଏହାକୁ ଶୂନରେ ପହଞ୍ଚାଇବା ଲକ୍ଷ୍ୟ ନେଇ ଆମେ ଆଗକୁ ବଢ଼ୁଛୁ।”
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
