ପୁଣି ବିବାଦ ଘରେରେ ଯୋଗ ଗୁରୁ ବାବା ରାମଦେବ। ତାଙ୍କର ଏକ ଭିଡିଓ ଏବେ ଭାଇରାଲ ହେଉଛି। ଏହି ଭିଡିଓକୁ ନେଇ ବିବାଦ ଉପୁଜିଛି। ରାମଦେବ ଏହି ଭାଇରାଲ ଭିଡିଓରେ ଅନ୍ୟାନ୍ୟ ପଛୁଆ ବର୍ଗ(ଓବିସି)ର ଲୋକଙ୍କ ବିରୋଧରେ ଟିପ୍ପଣୀ କରୁଥିବା ଦେଖିବାକୁ ମିଳିଛି। ଏହାକୁ ନେଇ ବିବାଦ ଜୋର ଧରିବା ପରେ ଏବେ ବାବା ନିଜ ସ୍ୱର ବଦଳାଇଛନ୍ତି। ସେ ଏହାକୁ ନେଇ ଦେଇଛନ୍ତି ସଫେଇ।
ମୋର ଟିପ୍ପଣୀ ‘ଓବିସି’ ନୁହେଁ, ‘ଏଆଇଏମ୍ଆଇଏମ୍’ ନେତା ଅସଦୁଦ୍ଦୀନ ଓୱେସିଙ୍କ ପ୍ରତି ଥିଲା ବୋଲି ଭାଇରାଲ୍ ହୋଇଥିବା ଭିଡିଓ ସଂକ୍ରାନ୍ତରେ ସ୍ପଷ୍ଟୀକରଣ ଦେଇ ଯୋଗ ଗୁରୁ ରାମଦେବ କହିଛନ୍ତି।
Also Read
ନିକଟରେ ରାମଦେବଙ୍କ ଅନ୍ୟାନ୍ୟ ପଛୁଆବର୍ଗ ବା ‘ଓବିସି’ ବିରୁଦ୍ଧରେ ଟିପ୍ପଣୀ ଦେବା ଭଳି ଜଣାପଡୁଥିବା ଏକ ଭିଡିଓ ଭାଇରାଲ୍ ହୋଇଥିଲା। ଏହାକୁ ନେଇ ଏବେ ବିବାଦ ଉପୁଜିଛି। ଉକ୍ତ ଭିଡିଓରେ ରାମଦେବ ତାଙ୍କ ବ୍ରାହ୍ମଣ ସମ୍ପ୍ରଦାୟ ଉପରେ ଗୁରୁତ୍ୱାରୋପ କରି ‘ଓବିସି’ ସମ୍ପ୍ରଦାୟକୁ ଅପମାନିତ କରୁଥିବା ମନେ ହେଉଛି। ‘ଓବିସି’ ସମ୍ପ୍ରଦାୟଙ୍କୁ ଅପମାନିତ କରିଥିବାରୁ ଅନେକ ସାମାଜିକ ଗଣମାଧ୍ୟମରେ ରାମଦେବଙ୍କୁ ସମାଲୋଚନା କରିଛନ୍ତି। ସୋଶାଲ ମିଡିଆରେ ଅନେକ ଲୋକେ #boycottpatanjali ଲେଖି ବାବା ରାମଦେବଙ୍କୁ ବିରୋଧ କରୁଛନ୍ତି।
VIDEO | "I said 'Owaisi' and not 'OBC'," says Ramdev in response to a media query whether he had made any remarks on 'OBC'. pic.twitter.com/oTyDOLTXQI
— Press Trust of India (@PTI_News) January 13, 2024
ଭାଇରାଲ ଭିଡିଓକୁ ନେଇ ହଙ୍ଗାମା ହେବା ପରେ ଆଗକୁ ଆସି ବାବା ରାମଦେବ ଏବେ ସ୍ପଷ୍ଟୀକରଣ ଦେଇଛନ୍ତି। ରାମଦେବ କହିଛନ୍ତି, 'ମୋ ଟିପ୍ପଣୀକୁ ଭୁଲ୍ ଭାବେ ଦର୍ଶାଯାଇଛି। ଲୋକେ ଶୁଣିବାରେ ବି ଭୁଲ୍ ରହିଛି। ମୁଁ ‘ଓବିସି’ ନୁହେଁ, ଓୱେସି କହିଥିଲି। ଓୱେସିଙ୍କ ପୂର୍ବ ପୁରୁଷମାନେ ଦେଶ ବିରୋଧୀ ଥିଲେ। ମୁଁ ଓବିସି ସମ୍ପ୍ରଦାୟକୁ ନେଇ କିଛି କହି ନାହିଁ।'
କେବଳ ସେତିକି ନୁହେଁ ରାମଦେବ ନିଜେ ବ୍ରାହ୍ମଣକୂଳରେ ଜାତ ହୋଇଥିବା କହି ଅଗ୍ନିହୋତ୍ରୀ ବ୍ରାହ୍ମଣ ସମେତ ବିଭିନ୍ନ ସମ୍ପ୍ରଦାୟର ବ୍ରାହ୍ମଣଙ୍କ କଥା ଉଲ୍ଲେଖ କରୁଛନ୍ତି। ସେ କହିଛନ୍ତି, ମୋର ମୂଳ ଗୋତ୍ର ହେଉଛି ବ୍ରହ୍ମା। ମୁଁ ଅଗ୍ନିହୋତ୍ରୀ ବ୍ରାହ୍ମଣ। ଲୋକେ କହୁଛନ୍ତି ବାବାଜି ହେଉଛନ୍ତି ‘ଓବିସି’। ମୁଁ ହେଉଛି ବେଦୀ ବ୍ରାହ୍ମଣ। ଦିୱେଦି ବ୍ରାହ୍ମଣ, ତ୍ରିବେଦୀ ବ୍ରାହ୍ମଣ, ଚତୁର୍ବେଦୀ ବ୍ରାହ୍ମଣ। ମୁଁ ଚାରିବେଦ ପଢ଼ିଛି।
बाबा पाखंडी रामदेव को सार्वजनिक मांफी मांगनी चाहिए,ओबीसी का अपमान करने का अधिकार तुम्हे किसने दिया,
— Sasikant Singh (@SASIKANTSINGH10) January 13, 2024
तुम्हें जो करना है करिये इसमें ओबीसी
को घसीटना गलत है,#Boycott_Patanjali#बाबा_रामदेव_माफ़ी_मांगो https://t.co/2Ep9aSNWqd… pic.twitter.com/d52LwxSAxP
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
