ଭାରତୀୟ ବାୟୁସେନାର ଗୋଟିଏ କିରଣ ଟ୍ରେନର ଏୟାରକ୍ରାଫ୍ଟ କର୍ଣ୍ଣାଟକାର ସାପ୍ପାୟାନାପାଲୟା ଗାଁରେ ଦୁର୍ଘଟଣାଗ୍ରସ୍ତ ହୋଇଛି। ଦୁର୍ଘଟଣା ବେଳେ ଏଥିରେ ୨ ଜଣ ପାଇଲଟ ରହିଥିଲେ। ସବୁଦିନ ଭଳି ଆଜି ବିମାନଟି ନିୟମିତ ଉଡ଼ାଣ ଭରିଥିଲା।
ତେବେ କିଛି ସମୟ ପରେ ଏହା କ୍ରାଶ କରି ଯାଇଥିଲା। ବିମାନରେ ତେଜପାଲ ଓ ଭୂମିକା ନାମରେ ଦୁଇ ଜଣ ପାଇଲଟ ଥିଲେ। କ୍ରାଶ ଯୋଗୁ ବିମାନଟିରେ ନିଆଁ ଲାଗିଯିବା ସହ ଏହା ସଂପୂର୍ଣ୍ଣ ଭାବେ ଧ୍ୱଂସ ହୋଇଯାଇଛି। କିନ୍ତୁ ଦୁଇ ପାଇଲଟ ସୁରକ୍ଷିତ ଭାବେ ଅବତରଣ କରି ଯାଇଛନ୍ତି।
Also Read
ଦୁର୍ଘଟଣାର କାରଣ ଜଣାପଡ଼ି ନଥିଲେ ହେଁ ବାୟୁସେନା ପକ୍ଷରୁ କୋର୍ଟ ଅଫ ଇନକ୍ୱାରୀ ନିର୍ଦ୍ଦେଶ ଦିଆଯାଇଛି। ସ୍ଥାନୀୟ ପ୍ରଶାସନର ସୂଚନା ଅନୁସାରେ, ଗାଁ ନିକଟରେ ବିମାନଟି କ୍ରାଶ କରିବାରୁ ଏଥିରେ ନିଆଁ ଲାଗି ଯାଇଥିଲା। ବିମାନଟି ସଂପୂର୍ଣ୍ଣ ଭାବେ ନଷ୍ଟ ହୋଇଯାଇଥିବା ବେଳେ ଏହାର ଧ୍ୱଂସାବଶେଷକୁ ବାୟୁସେନା ପକ୍ଷରୁ ସଂଗ୍ରହ କରାଯାଇଛି।
ଦୁର୍ଘଟଣାରେ ଆହତ ହୋଇଥିବା ଦୁଇ ପାଇଲଟଙ୍କୁ ତୁରନ୍ତ ଉଦ୍ଧାର କରାଯାଇଥିଲା ଓ ହେଲିକପ୍ଟର ଯୋଗେ ବେଙ୍ଗାଲୁରୁକୁ ପଠାଯାଇଛି। ବିମାନ କ୍ରାଶ ପରେ ପ୍ରବଳ ଲୋକ ଘଟଣା ସ୍ଥଳରେ ଭିଡ଼ ଜମାଇଥିଲେ ଓ ପୁଲିସ୍କୁ ଉଦ୍ଧାର କାର୍ଯ୍ୟରେ ସହାୟତା ମଧ୍ୟ କରିଥିଲେ।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
