କେନିୟାରେ ପ୍ରବଳ ହିଂସା, ଆଡଭାଇଜରୀ ଜାରି କଲା ଭାରତ

କେନିୟାରେ ଜାରି ରହିଛି ହିଂସା। ବିକ୍ଷୋଭକାରୀ ଦେଶର ସଂସଦକୁ ଧସେଇ ପଶିବାକୁ ଉଦ୍ୟମ କରିବା ସହ ନିଆଁ ଲଗାଇ ଦେଇଛନ୍ତି। ଏହାପରେ ବିକ୍ଷୋଭକାରୀଙ୍କ ଉପରକୁ ପୁଲିସ ଗୁଳିମାଡ଼ କରିବା ସହ ଲୁହା ବୁହା ଗ୍ୟାସ୍‌ ପ୍ରୟୋଗ କରିଛି। ମଙ୍ଗଳବାର ଦିନ କେନିୟା ରାଷ୍ଟ୍ରପତି ୱିଲିୟମ୍ ରୁଟୋ ହିଂସା ଏବଂ ଅରାଜକତା ବିରୋଧରେ କଠୋର ଆଭିମୁଖ୍ୟ ଗ୍ରହଣ କରିବାକୁ ନିର୍ଦ୍ଦେଶ ଦେଇଛନ୍ତି। ଏହାରି ଭିତରେ ଭାରତ କେନିୟାରେ ରହୁଥିବା ଭାରତୀୟ ନାଗରିକମାନଙ୍କୁ ପାଇଁ ଆଡଭାଇଜରୀ ଜାରି କରିଛି।

ଭାରତ ପକ୍ଷରୁ ସୋଶାଲ ମିଡିଆ ହ୍ୟାଣ୍ଡେଲ ଏକ୍ସରେ ଏକ ଆଡଭାଇଜାରୀ ପୋଷ୍ଟ କରାଯାଇଛି। ଏଥିରେ ଅତ୍ୟଧିକ ସତର୍କତା ଅବଲମ୍ବନ କରିବାକୁ ତଥା ଅତ୍ୟାବଶ୍ୟକୀୟ ଆନ୍ଦୋଳନରୁ ଦୂରେଇ ରହିବାକୁ କେନିୟାରେ ଥିବା ଭାରତୀୟ ନାଗରିକଙ୍କୁ ପରାମର୍ଶ ଦିଆଯାଇଛି।

ଏଥିସହିତ ଭାରତୀୟ ଉଚ୍ଚ ଆୟୋଗ କହିଛନ୍ତି ଯେ କେନିୟାରେ ରହୁଥିବା ଭାରତୀୟ ନାଗରିକମାନେ ଅପ୍‌ଡେଟ୍‌ ପାଇଁ ସ୍ଥାନୀୟ ଖବର ଅନୁସରଣ କରିବା ଉଚିତ ଏବଂ ମିଶନର ୱେବସାଇଟ୍ ଓ ସୋସିଆଲ ମିଡିଆ ପାଳନ କରିବା ଉଚିତ୍। ଭାରତ ସରକାର ପରିସ୍ଥିତି ଉପରେ ନଜର ରଖିଛନ୍ତି। ଏକ ସରକାରୀ ଆକଳନ ଅନୁଯାୟୀ, ବର୍ତ୍ତମାନ କେନିୟାରେ ପ୍ରାୟ ୨୦,୦୦୦ ଭାରତୀୟ ରହୁଛନ୍ତି।

ମଙ୍ଗଳବାର ଟିକସ ବୃଦ୍ଧି ବିଲ୍‌କୁ ବରୋଧ କରି ବିକ୍ଷୋଭକାରୀମାନେ କେନିୟାର ସଂସଦରେ ପ୍ରବେଶ କରିବାକୁ ଚେଷ୍ଟା କରିଥିଲେ। ସଂସଦ ବିଲ୍ଡିଂରେ ନିଆଁ ଲଗାଇଦେଇଥିଲେ। ଏହାପରେ ପୁଲିସ ବିକ୍ଷୋଭକାରୀଙ୍କ ଉପରକୁ ଗୁଳିମାଡ଼ କରିବା ସହ ଲୁହ ବୁହା ଗ୍ୟାସ୍‌ ପ୍ରୟୋଗ କରିଥିଲା। ଏଥିରେ ଅତି କମରେ ୫ ଜଣ ବିକ୍ଷୋଭକାରୀଙ୍କୁ ମୃତ୍ୟୁ ହୋଇଥିବା ବେଳେ ୩୦ରୁ ଅଧିକ ଆହତ ହୋଇଛନ୍ତି। ଆମେରିକାର ପୂର୍ବତନ ରାଷ୍ଟ୍ରପତି ବାରାକ ଓବାମାଙ୍କ ସାବତ ଭଉଣୀ ନାଇରୋବି ଓବାମା ମଧ୍ୟ ଏହି ବିକ୍ଷୋଭକାରୀଙ୍କ ମଧ୍ୟରେ ସାମିଲ ଥିଲେ, ଯେଉଁମାନଙ୍କ ଉପରେ ପୋଲିସ ଲୁହବୁହା ଗ୍ୟାସ ପ୍ରୟୋଗ କରିଥିଲା।