ଇ-ମେଲ ଯୋଗେ ବଡ଼ ବିସ୍ଫୋରଣର ଧମକ ଦେଇଛନ୍ତି ଦୁର୍ବୃତ୍ତ। ଶନିବାର ବେଙ୍ଗାଲୁରୁରେ ବିସ୍ଫୋରଣ କରାଯିବ ବୋଲି ସରକାରଙ୍କୁ ମିଳିଛି ଧମକ। ଶନିବାର ଦିନ ୨.୪୮ ମିନିଟରେ ହେବାକୁ ଥିବା ବିସ୍ଫୋରଣରେ ପୂରା ବେଙ୍ଗାଲୁରୁ ସହର ଦୋହଲିଯିବ ବୋଲି ଇ-ମେଲ ଯୋଗେ ଧମକ ଆସିଛି।
ଧମକପୂର୍ଣ୍ଣ ଇ-ମେଲ କର୍ଣ୍ଣାଟକା ମୁଖ୍ୟମନ୍ତ୍ରୀ ସିଦ୍ଦରମୈୟା, ଉପ ମୁଖ୍ୟମନ୍ତ୍ରୀ ଡିକେ ଶିବକୁମାର, ରାଜ୍ୟର ଗୃହ ମନ୍ତ୍ରୀ ଓ ବେଙ୍ଗାଲୁରୁ ପୁଲିସ୍ କମିଶନରଙ୍କ ପାଖକୁ ପଠାଯାଇଛି। ଶାହିଦ ଖାନ ନାମକ କେହି ଦୁର୍ବୃତ୍ତ ଏପରି ଧମକପୂର୍ଣ୍ଣ ଇ-ମେଲ ପଠାଇଛି।
Also Read
ଇ-ମେଲରେ କୁହାଯାଇଛି ଯେ ଶନିବାର ବେଙ୍ଗାଲୁରୁର ଜନଗହଳୀପୂର୍ଣ୍ଣ ଅଞ୍ଚଳ ଯଥା ରେଷ୍ଟୁରାଣ୍ଟ, ମନ୍ଦିର, ବସ କିମ୍ବା ଟ୍ରେନରେ ବିସ୍ଫୋରଣ କରାଯିବ। ବିଭିନ୍ନ ସାଧାରଣ ସଭାରେ ମଧ୍ୟ ବୋମା ଖଞ୍ଜା ଯିବ ବୋଲି ମଧ୍ୟ ଇ-ମେଲ ପ୍ରେରଣକାରୀ କହିଛି।
ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଲା, ଇ-ମେଲ ପଠାଇଥିବା ଶାହିନ ଖାନ ବିସ୍ଫୋରଣ ରୋକିବା ପାଇଁ ସରକାରଙ୍କ ଆଗରେ ସର୍ତ୍ତ ମଧ୍ୟ ରଖିଛି। ଯଦି ସରକାର ବିସ୍ଫୋରଣ ଚାହୁଁ ନାହାନ୍ତି, ତା’ହେଲେ ତୁରନ୍ତ ୨.୫ ମିଲିୟନ ଡଲାର ବା ୨୦ କୋଟିରୁ ଅଧିକ ଟଙ୍କା ପଠାନ୍ତୁ।
ତେବେ ଏହି ଇ-ମେଲରେ କେତେ ସତ୍ୟତା ଅଛି, ସେକଥା ଜଣାପଡ଼ିନି। ପୁଲିସ୍ ନିଜ ଆଡ଼ୁ ମାମଲାକୁ ଗୁରୁତ୍ୱର ସହ ନେଇ ମାମଲା ରୁଜୁ କରିଛି। ଏଥିସହ ଆଇପି ଠିକଣା ଦ୍ୱାରା ପ୍ରେରଣକାରୀ ପାଖରେ ପହଞ୍ଚିବାକୁ ଚେଷ୍ଟା କରୁଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
