କେରଳର ଜଣେ ମହିଳାଙ୍କର ବସରେ ପ୍ରସବ ହୋଇଛି। କାମ କରିବାକୁ ସରକାରୀ ବସରେ ଯାତ୍ରା କରୁଥିବା ସମୟରେ ସେ ଏକ ଶିଶୁ ସନ୍ତାନକୁ ଜନ୍ମ ଦେଇଛନ୍ତି। ତାଙ୍କର ପ୍ରସବ ଯନ୍ତ୍ରଣା ହେବାରୁ ଡାକ୍ତର ଓ ନର୍ସ ପହଞ୍ଚି ବସ୍ ଭିତରେ ହିଁ ପ୍ରସବ କରାଇଛନ୍ତି।
ସୂଚନା ଅନୁସାରେ, ୩୭ ବର୍ଷୀୟା ଗର୍ଭବତୀ ମହିଳା KSRTC ସରକାରୀ ବସ୍ ଯୋଗେ ଥୋଟ୍ଟିଲପାଲମ ଜିଲ୍ଲାରୁ ଅଙ୍ଗାମାଲୀକୁ କାମ କରିବାକୁ ଯାଉଥିଲେ। ଏହି ସମୟରେ ତାଙ୍କର ପ୍ରସବ ଯନ୍ତ୍ରଣା ହେବାରୁ ତାଙ୍କୁ ତୁରନ୍ତ ଥ୍ରୀସୁରର ଅମାଲା ଡାକ୍ତରଖାନାକୁ ନିଆଯାଇଥିଲୀ।
Also Read
ଡାକ୍ତରଖାନାରେ ବସ୍ ପହଞ୍ଚିବା ପରେ ମଧ୍ୟ ତାଙ୍କୁ ହସ୍ପିଟାଲ୍ ବେଡକୁ ନିଆଯାଇ ପାରିନଥିଲା। କାରଣ ମହିଳାଙ୍କୁ ବସ୍ ଭିତରୁ ବାହାରକୁ ଆଣିବା କଷ୍ଟକର ଥିଲା। ତେଣୁ ଡାକ୍ତର ଓ ନର୍ସମାନେ ବସ୍ ଭିତରେ ହିଁ ପ୍ରସବ କରାଇଥିଲେ।
ମହିଳା ଜଣକ ଏକ କନ୍ୟା ସନ୍ତାନକୁ ଜନ୍ମ ଦେଇଛନ୍ତି। ଶିଶୁକୁ NICU (ନିଓ-ନାଟାଲ୍ ଇଣ୍ଟେନ୍ସିଭ୍ କେୟାର ୟୁନିଟ୍)କୁ ସ୍ଥାନାନ୍ତର କରାଯାଇଥିବା ବେଳେ ମାଆକୁ ସ୍ୱତନ୍ତ୍ର ୱାର୍ଡରେ ରଖାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
