OR 
ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱାଧୀନ କେନ୍ଦ୍ର ସରକାରଙ୍କ ଉପରେ ବର୍ଷିଲେ କଂଗ୍ରେସ ସଭାପତି ମଲ୍ଲିକାର୍ଜୁନ ଖଡ୍ଗେ। ମଣିପୁରର ପରିସ୍ଥିତି ଅତ୍ୟନ୍ତ ଭୟଙ୍କର ଏବଂ ଗଭୀର ବୋଲି ଉଲ୍ଲେଖ କରି ଭାରତର ସୀମାବର୍ତ୍ତି ରାଜ୍ୟମାନଙ୍କ ପ୍ରତି କେନ୍ଦ୍ର ସରକାର ଦାୟିତ୍ୱହୀନ ମନୋଭାବ ଦେଖାଉଥିବା ସେ ଟ୍ୱିଟ କରି ଅଭିଯୋଗ କରିଛନ୍ତି। ଏଥିସହ ଏକ ସର୍ବଦଳୀୟ ପ୍ରତିନିଧୀଙ୍କୁ ଏଠାକୁ ପରିଦର୍ଶନ ପାଇଁ ପଠାଇବାକୁ କହିଛନ୍ତି।
ସେ ଟ୍ୱିଟରେ ମୋଦିଙ୍କୁ ନିଶାନା କରି କହିଛନ୍ତି, ମନକି ବାତ୍ କାର୍ଯ୍ୟକ୍ରମରେ ପ୍ରଥମେ ମନିପୁର କି ବାତ ଯୋଡ଼ା ଯିବା ଉଚିତ୍ ଥିଲା। କାରଣ ଏହି ରାଜ୍ୟରେ ପରିସ୍ଥିତି ଅଶାନ୍ତ ହୋଇଯାଇଛି। ମାତ୍ର ଏ ବାବଦରେ ନା ଗୋଟିଏ ପଦ ମୋଦି କହୁଛନ୍ତି, ନା ସର୍ବଦଳୀୟ ପ୍ରତିନିଧିଙ୍କୁ ଭେଟିଛନ୍ତି। ମଣିପୁର ଦେଶର ଏକ ଅଂଶ ଲାଗିବା ଭଳି ସରକାର କୌଣସି ପଦକ୍ଷେପ ନେଉନି। ଏହା ଗ୍ରହଣୀୟ ନୁହେଁ। ପୂରା ରାଜ୍ୟ ଜଳୁଥିବା ବେଳେ ମୋଦି ସରକାର ଶୋଇଛି। ମୋଦି ତୁରନ୍ତ ରାଜଧର୍ମ ପାଳନ କରନ୍ତୁ। ଶାନ୍ତିକୁ ଭଙ୍ଗ କରୁଥିବା ସମସ୍ତ ଜିନିଷ ବିରୋଧରେ କାର୍ଯ୍ୟାନୁଷ୍ଠାନ ନିଆଯାଉ। ଲୋକଙ୍କ ଭିତରେ ବିଶ୍ୱାସ ଭରି ଦେଇ ସାଧାରଣ ଜୀବନଜୀବିକା ସ୍ୱାଭାବିକ କରିବାକୁ ପଦକ୍ଷେପ ନିଆଯାଉ। ଏଥିସହ ସର୍ବଦଳୀୟ ପ୍ରତିନିଧିଙ୍କୁ ଏଠାକୁ ପଠାଇବାକୁ ଅନୁମତି ଦିଆଯାଉ।
Also Read
.@narendramodi ji,
— Mallikarjun Kharge (@kharge) June 18, 2023
Your ‘𝐌𝐚𝐧𝐧 𝐊𝐢 𝐁𝐚𝐚𝐭’ should have first included ‘𝐌𝐚𝐧𝐢𝐩𝐮𝐫 𝐊𝐢 𝐁𝐚𝐚𝐭’, but in vain.
The situation in the border state is precarious and deeply disturbing.
▫️You have not spoken a word.
▫️You have not chaired a single meeting.
▫️You have…
ସୂଚନା ଯୋଗ୍ୟ ଯେ, ମଣିପୁରରେ ମେଟେଇ ଏବଂ କୁକି ଆଦିବାସୀ ସମ୍ପ୍ରଦାୟର ଲୋକଙ୍କ ମଧ୍ୟରେ ହୋଇଥିବା ଜାତିଗତ ହିଂସା ୪୦ ଦିନ ହେବ ଉଗ୍ରରୂପ ନେଇଛି। ବିଭିନ୍ନ ସ୍ଥାନରେ ହିଂସାକାଣ୍ଡରେ ୧୦୦ରୁ ଅଧିକ ଲୋକ ପ୍ରାଣ ହରାଇଛନ୍ତି। ବର୍ତ୍ତମାନ ରାଜ୍ୟ ପୁଲିସ ବାହିନୀ ବ୍ୟତୀତ ମଣିପୁରରେ ପ୍ରାୟ ୩୦ ହଜାର କେନ୍ଦ୍ରୀୟ ସୁରକ୍ଷା ଫୋର୍ସ ନିୟୋଜିତ ହୋଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
