ଫିଲ୍ମ ପୁଷ୍ପା-୨। ଏହାର କ୍ରେଜ୍ ଏବେ ଚାରିଆଡେ। ଏହି ଫିଲ୍ମକୁ ଦେଖିବା ପାଇଁ ପ୍ରତିଦିନ ହଲ୍ ହେଉଛି ହାଉସ୍ଫୁଲ୍। ଲୋକେ ଫିଲ୍ମ ଦେଖିବାକୁ ପାଗଳ। ହଲ୍ ଭିତରେ ଜମୁଛି ଭିଡ। ଏହାରି ଭିତରେ ପୁଷ୍ପ-୨ର ସ୍କ୍ରିନିଂ ବେଳେ ହଲ୍ ଭତରେ ଦେଖିବାକୁ ମିଳିଛି ମାର୍ପିଟ୍। ପରସ୍ପର ଉପରକୁ ଲାତ ଗୋଇଠା ବର୍ଷା କରିଛନ୍ତି ଦର୍ଶକ। ଉତ୍ତରପ୍ରଦେଶର ଲକ୍ଷ୍ନୌରୁ ସାମ୍ନାକୁ ଆସିଛି ଏଭଳି କିଛି ଦୃଶ୍ୟ।
ଲକ୍ଷ୍ନୌର ରିଙ୍ଗ ରୋଡ୍ ସ୍ଥିତ ଏକ ମଲ୍ଟିପ୍ଲେକ୍ସ ହଲ୍ ଭିତରେ ଫିଲ୍ମ ପୁଷ୍ପା-୨ର ନାଇଟ୍ ଶୋ' ଚାଲିଥିଲା। ଏହି ସମୟରେ କିଛି ଲୋକେ ହୁଟିଂ କରିବା ଆରମ୍ଭ କରିଥିଲେ। ଏହାକୁ ନେଇ ଦୁଇ ଗୋଷ୍ଠୀ ମଧ୍ୟରେ ପ୍ରବଳ ଗାଳିଗୁଲଜ ହେବା ସହ ଓ ଆରମ୍ଭ ହୋଇଥିଲା ମାର୍ପିଟ୍। ବର୍ଷିଥିଲା ଲାତ ଗୋଇଠା। ଏଥିରେ କିଛି ମହିଳା ଓ ଛୋଟ ପିଲା ଆହତ ହୋଇଥିଲେ।
Also Read
ପରେ ସିନେମା ହଲ୍ର ମ୍ୟାନେଜର ଏହି ଘଟଣା ବିଷୟରେ ବିକାଶ ନାଗର ପୁଲିସକୁ ସୂଚନା ଦେଇଥିଲେ। ପୁଲିସ ଘଟଣାସ୍ଥଳରେ ପହଞ୍ଚି ପରିସ୍ଥିତିକୁ ନିୟନ୍ତ୍ରଣ କରିଥିଲା। ଝଗଡ଼ା କରୁଥିବା ୬ ଜଣଙ୍କୁ ପୁଲିସ ଗିରଫ କରି ଜେଲକୁ ପଠାଇଥିଲା। ଏଥିସହ ଆହତଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି। ମଲ୍ଟିପ୍ଲେକ୍ସର ମ୍ୟାନେଜରଙ୍କ ଅଭିଯୋଗ ଅଧାରରେ ପୁଲିସ ଏକ ମାମଲା ରୁଜୁ କରି ତଦନ୍ତ ଜାରି ରଖିଛି।
ପୁଲିସ ଗିରଫ କରିଥିବା ସମସ୍ତ ଅଭିଯୁକ୍ତ ଶ୍ରମିକ ବୋଲି ଜଣାପଡିଛି। ସମସ୍ତଙ୍କ ବୟସ ୧୮ରୁ ୨୪ ବର୍ଷ ରହିଛି। ଏମାନେ ସମସ୍ତ ୟୁପିର ଭିନ୍ନ ଭିନ୍ନ ଜିଲ୍ଲାରୁ ଆସି ଲକ୍ଷ୍ନୌରେ ଶ୍ରମିକ ଭାବେ କରୁଥିଲେ। ସମସ୍ତଙ୍କୁ ଶାନ୍ତି ଭଙ୍ଗ କରିବା ଅଭିଯୋଗରେ ଗିରଫ କରାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
