'ଏଲ୍ଜି ମୋତେ ଗାଳି ଦେଇଛନ୍ତି। ମୋ ବିଷୟରେ ଅନେକ ଖରାପ କଥା କହିଛନ୍ତି।' ଦିଲ୍ଲୀ ଉପରାଜ୍ୟପାଳ ବିନୟ ସାକ୍ସେନାଙ୍କ ବିରୋଧରେ ଏଭଳି କିଛି ଅଭିଯୋଗ ଆଣିଛନ୍ତି ଦିଲ୍ଲୀ ଆମ୍ ଆଦ୍ମୀ ପାର୍ଟି ନେତା ତଥା ଜଳ ମନ୍ତ୍ରୀ ଆତୀଶି।
ଦିଲ୍ଲୀ ଜଳ ମନ୍ତ୍ରୀ ଆତୀଶି ଓ ଉପରାଜ୍ୟପାଳ ଭିକେ ସାକ୍ସେନାଙ୍କ ମଧ୍ୟରେ ଆରମ୍ଭ ହୋଇଛି ଟ୍ୱିଟ୍ ଓ୍ୱାର୍। ଦିଲ୍ଲୀ ଜଳ ସଙ୍କଟକୁ ନେଇ ବୁଧବାର ସୋଶାଲ ମିଡିଆ ହ୍ୟାଣ୍ଡେଲ Xରେ ଆତୀଶି ଓ ଉପରାଜ୍ୟପାଳ ପରସ୍ପରକୁ ଟାର୍ଗେଟ କରିଛନ୍ତି। ସୋସିଆଲ ମିଡିଆ ପ୍ଲାଟଫର୍ମ 'ଏକ୍ସ'ରେ ଆତିଶି କହିଛନ୍ତି ଯେ ଆଜି ଏଲ୍ଜିଙ୍କ କାର୍ଯ୍ୟାଳୟରୁ ସମସ୍ତ ସାମ୍ବାଦିକଙ୍କୁ ଏକ ବିଜ୍ଞପ୍ତି ଜାରି କରାଯାଇଛି। ଏଥିରେ ଏଲ୍ଜି ମୋତେ ବହୁତ ଗାଳି ଦେଇଛନ୍ତି। ମୋ ବିଷୟରେ ବହୁତ ଖରାପ କଥା କୁହାଯାଇଛି। ଉପରାଜ୍ୟପାଳ ଓ ବିଜେପି 'ଆପ୍'କୁ ଘୃଣା କରୁଛି। କାରଣ ଦିଲ୍ଲୀବାସୀ ବାରମ୍ବାର ଅରବିନ୍ଦ କେଜ୍ରିଓ୍ୱାଲଙ୍କୁ ମୁଖ୍ୟମନ୍ତ୍ରୀ କରି ଆସୁଛନ୍ତି।
Also Read
ଆମକୁ ଘୃଣା କରୁଥିବାବେଳେ ଆପଣ ଦିଲ୍ଲୀର ଲୋକଙ୍କୁ ଘୃଣା କରିବା ଆରମ୍ଭ କରି ଦେଇଛନ୍ତି। ଆପଣ ଯେତେ ଇଚ୍ଛା ସେତେ ଆମକୁ ଦୁର୍ବ୍ୟବହାର କରନ୍ତୁ। ଆପଣ ଆମକୁ ଯାହା ଖରାପ କିମ୍ବା ଭଲ ଚାହୁଁଛନ୍ତି ତାହା କହିପାରିବେ। କିନ୍ତୁ ଆମ ପ୍ରତି ତୁମର ଘୃଣା ହେତୁ ଦିଲ୍ଲୀର ଲୋକଙ୍କ ଅଧିକାରର ପାଣି ବନ୍ଦ କରନ୍ତୁ ନାହିଁ। ଜଳ ଅଭାବରୁ ଦିଲ୍ଲୀର ଲୋକମାନେ ବହୁତ ଅସୁବିଧାରେ ପଡ଼ିଛନ୍ତି। ଯଦି ହରିଆଣାର ବିଜେପି ସରକାର ଦିଲ୍ଲୀକୁ ଜଳ ଯୋଗାଏ ତେବେ ଦିଲ୍ଲୀବାସୀଙ୍କୁ ଆଶ୍ୱସ୍ତି ମିଳିବ ବୋଲି ଆତୀଶି କହିଛନ୍ତି।
मा. मंत्रीजी,
— Raj Niwas Delhi 🇮🇳 (@RajNiwasDelhi) June 12, 2024
LG साहब ने आपको कोई गाली नहीं दी। LG कार्यालय ने आपके द्वारा कल उनको दी गयी गालियों व सफ़ेद झूठ का बकायदा साक्ष्य समेत खंडन कर, आदतन दिल्ली के लोगों को भ्रमित करने का पर्दाफाश किया।
उन्हे अभी भी आशा है कि आप दिल्ली में पानी की चोरी व बर्बादी रोक लोगों को पानी देंगी। https://t.co/iC1UeK800a
ସେପଟେ ଏଲ୍ଜି ଏହାର ଜବାବ ଦେଇଛନ୍ତି। ଏଲ୍ଜିଙ୍କ ଅଫିସିଆଲ ହ୍ୟାଣ୍ଡେଲରେ ପୋଷ୍ଟ କରି କୁହାଯାଇଛି ଯେ, 'ମନ୍ତ୍ରୀ ଜୀ, ଏଲ୍ଜି ସାର୍ ଆପଣଙ୍କୁ ଗାଳି ଦେଇ ନହାନ୍ତି।' ମନ୍ତ୍ରୀ ଆତୀଶି ଆଣିଥିବା ଅଭିଯୋଗକୁ ମଧ୍ୟ ଏଲ୍ଜି କାର୍ଯ୍ୟାଳୟ ତରଫରୁ ଖଣ୍ଡନ କରାଯାଇଛି। ଦିଲ୍ଲୀବାସୀଙ୍କୁ ଆଣପ ବିଭ୍ରାନ୍ତି କରୁଥିବା ଅଭ୍ୟାସର ପର୍ଦ୍ଦାଫାଶ ହୋଇଛି ବୋଲି କୁହାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
