୧୦ ମହଲାରୁ ଖସି ପଡ଼ିଳେ ମହିଳା, ଆଉ ଘଟଣାସ୍ଥଳରେ ଚାଲିଗଲା ଜୀବନ । ଏପରି ଏକ ଅଭାବନୀୟ ଘଟଣା ଉତ୍ତରପ୍ରଦେଶ ରାଜଧାନୀ ଲକ୍ଷ୍ନୌରେ ଘଟିଛି।
ମହିଳାଜଣକ ଜଣେ ଅବସରପ୍ରାପ୍ତ ବିଚାରପତିଙ୍କ ଝିଅ ବୋଲି ଜଣାଯାଇଛି। ବିବାହ ପରେ ସେ ନିଜ ସ୍ୱାମୀ ଓ ଦୁଇ ପିଲାଙ୍କ ସହ ଲକ୍ଷ୍ନୌର ଏକ ଫ୍ଲାଟରେ ରହୁଥିଲେ। ତେବେ ଗତକାଲି ସନ୍ଧ୍ୟା ସମୟରେ ମହିଳାଜଣକ ନିଜ ଫ୍ଲାଟରୁ ତଳକୁ ଖସି ପଡ଼ିଥିଲେ।
ସ୍ଥାନୀୟ ଲୋକେ ତୁରନ୍ତ ମହିଳାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ମେଡିକାଲରେ ଭର୍ତ୍ତି କରିଥିଲେ। ମାତ୍ର ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
Also Read
ଏହା ଏକ ଦୁର୍ଘଟଣା ନୁହେଁ, ଜ୍ୱାଇଁ ହିଁ ଝିଅକୁ ଠେଲି ମାରିଦେଇଥିବା ଅବସରପ୍ରାପ୍ତ ବିଚାରପତି ଅଭିଯୋଗ କରିଛନ୍ତି। ବିବାହ ପରେ ଜ୍ୱାଇଁ ସବୁବେଳେ ଅଧିକ ଯୌତୁକ ପାଇଁ ଝିଅକୁ ନିର୍ଯାତନା ଦେଉଥିଲେ। ତେଣୁ ଜ୍ୱାଇଁ ହିଁ ଝିଅକୁ ଠେଲି ହତ୍ୟା କରିଥିବା ସେ ପୁଲିସ୍ ସମ୍ମୁଖରେ କହିଛନ୍ତି ।
ପୁଲିସ୍ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇବା ସହ ଏହି ଘଟଣାର ତଦନ୍ତ ଆରମ୍ଭ କରିଛି।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
