ପୂର୍ବରୁ ମଧ୍ୟାହ୍ନ ଭୋଜନରେ ରୁଟି ସହ ଲୁଣ ଦିଆଯାଉଥିବା ଖବର ଆସିଥିଲା। ଏବେ ମଧ୍ୟାହ୍ନ ଭୋଜନରେ ଛୋଟ ପିଲାଙ୍କୁ କେବଳ ଭାତରେ ସାମାନ୍ୟ ହଳଦୀ ପକାଇ ଦିଆଯାଇଛି।
ଛତିଶଗଡ଼ର ଗୋଟିଏ ସ୍କୁଲରୁ ଏଭଳି ଦୃଶ୍ୟ ସାମ୍ନାକୁ ଆସିଛି। ପିଲାମାନଙ୍କୁ କେବଳ ସାଦା ଭାତରେ ହଳଦୀ ପକାଇ ଖାଇବାକୁ ଦିଆଯାଉଛି। ଏଥିରେ କୌଣସି ପରିବା ନାହିଁ। ପିଲାଙ୍କୁ ଖେଚୁଡ଼ି ନାଁରେ କେବଳ ଭାତ ଓ ହଳଦୀ ଦିଆଯାଇଥିବା ଅଭିଯୋଗ ହୋଇଛି।
Also Read
ରାଜ୍ୟ ଶିକ୍ଷା ବିଭାଗ ତା’ର ମଧ୍ୟାହ୍ନ ଭୋଜନ ମେନ୍ୟୁରେ ପିଲାଙ୍କ ପାଇଁ ଅନେକ ପ୍ରକାରର ପୁଷ୍ଟିକର ଖାଦ୍ୟ ଦିଆଯିବାର ବ୍ୟବସ୍ଥା କରିଛି। କିନ୍ତୁ ବାସ୍ତବ ଚିତ୍ର କିଛି ଭିନ୍ନ କଥାକୁ ଦର୍ଶାଇଛି। ଛତିଶଗଡ଼ରେ ଅପପୁଷ୍ଟି ହାର ୨୦୨୨ରେ ୧୭.୭୬% ରହିଥିଲା।
ବଳରାମପୁର ଅନ୍ତର୍ଗତ ପଟେଲ ପଡ଼ାରେ ରହିଛି ବିଜାକୁରା ପ୍ରାଥମିକ ସ୍କୁଲ। ଏଠାରେ ୪୩ ଜଣ ପିଲାଙ୍କୁ ମଧ୍ୟାହ୍ନ ଭୋଜନ ଦିଆଯାଏ। କିନ୍ତୁ ସପ୍ତାହ ହେଲାଣି ଏଠାକୁ ଅଧିକାରୀମାନେ କୌଣସି ପ୍ରକାରର ପରିବା ଉଠାଉ ନାହାନ୍ତି। ତେଣୁ ପିଲାଙ୍କୁ ଶୁଖିଲା ଭାତ ସହ ଡାଲି କିମ୍ବା ଭାତ ଉପରେ କିଛି ମାତ୍ରାରେ ହଳଦୀ ପକାଇ ଦିଆଯାଉଛି।
ସ୍କୁଲର ହେଡ ସାରଙ୍କ କହିବା କଥା ଯେ ମଧ୍ୟାହ୍ନ ଭୋଜନ ଦାୟିତ୍ୱ ନେଇଥିବା ସଂସ୍ଥା ପରିବା ପଠାଉ ନାହିଁ। ଏହାର ଉତ୍ତରରେ ସଂସ୍ଥା କହିଛି ଯେ ସରକାରଙ୍କ ପକ୍ଷରୁ ସେମାନଙ୍କର ବାକି ଟଙ୍କା ଦିଆଯାଇ ନାହିଁ। ଏହି ଦୋଷ ଲଦାଲଦି ଭିତରେ ପିଲାମାନେ କେବଳ ଭାତ ଓ ହଳଦୀ ଖାଉଛନ୍ତି।
ଘଟଣା ସାମ୍ନାକୁ ଆସିବା ପରେ ଜିଲ୍ଲା ଶିକ୍ଷା ଅଧିକାରୀ ତୁରନ୍ତ ତଦନ୍ତ ନିର୍ଦ୍ଦେଶ ଦେଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
