ଜମ୍ମୁ-କଶ୍ମୀରର ଶ୍ରୀନଗରରେ ଆଜି ଆତଙ୍କବାଦୀମାନେ ପ୍ରବାସୀ ଶ୍ରମିକଙ୍କୁ ଟାର୍ଗେଟ କରି ଗୁଳିମାଡ଼ କରିଛନ୍ତି। ଏଥିରେ ଜଣେ ପ୍ରବାସୀ ଶ୍ରମିକଙ୍କ ମୃତ୍ୟୁ ଘଟିଥିବା ବେଳେ ଆଉ ଜଣେ ଆହତ ହୋଇଛନ୍ତି।
ପ୍ରାଣ ହରାଇଥିବା ଶ୍ରମିକ ଜଣଙ୍କ ହେଲେ ପଞ୍ଜାବର ଅମୃତସରର ମୂଳବାସିନ୍ଦା ଅମରିତପାଲ ସିଂହ। ତେବେ ଆହତ ଶ୍ରମିକଙ୍କ ପରିଚୟ ମିଳି ପାରି ନାହିଁ। ଅମରିତପାଲ ସିଂହ ଶ୍ରୀନଗରରେ ହକର ଭାବେ କାମ କରୁଥିଲେ।
Also Read
ପୁଲିସ୍ କହିଛି ଯେ ଶହୀଦ ଗୁଞ୍ଜ ଅଞ୍ଚଳରେ ଘଟଣା ଘଟିଛି। ଘଟଣା ପରେ ପୁଲିସ୍ ପକ୍ଷରୁ ପୂରା ଅଞ୍ଚଳକୁ କର୍ଡନ କରାଯାଇ ସର୍ଚ୍ଚ ଅପରେସନ କରାଯାଉଛି। ସେହିପରି ଆହତ ଶ୍ରମିକଙ୍କୁ ଘଟଣା ସ୍ଥଳରୁ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରାଯାଇଛି। ତାଙ୍କ ଅବସ୍ଥା ସଙ୍କଟାପନ୍ନ ଥିବା ପୁଲିସ୍ ପକ୍ଷରୁ କୁହାଯାଇଛି।
ଏହାପୂର୍ବରୁ ଅକ୍ଟୋବର ମାସରେ ଉତ୍ତର ପ୍ରଦେଶର ଜଣେ ଶ୍ରମିକଙ୍କୁ ପୁଲୱାମାରେ ହତ୍ୟା କରାଯାଇଥିଲା। ୨୪ ଘଣ୍ଟା ମଧ୍ୟରେ ଏହା ଦ୍ୱିତୀୟ ଘଟଣା ଥିଲା। ଉକ୍ତ ଘଟଣା ପୂର୍ବରୁ ଇନସପେକ୍ଟର ମସରୁର ଅହମଦ ୱାନିଙ୍କୁ ୩ ରାଉଣ୍ଡ ଗୁଳି ଚଳାଇ ହତ୍ୟା କରାଯାଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
