ତାମିଲନାଡୁର ରାଜ୍ୟ ସଂଗୀତ ତାମିଲ ଥାଇ ଭାଝୁଥୁରେ ଦ୍ରାବିଡ ଶବ୍ଦକୁ ଅଣଦେଖା କରାଯାଇଥିବାରୁ ରାଗି ଉଠିଛନ୍ତି ମୁଖ୍ୟମନ୍ତ୍ରୀ ଏମକେ ଷ୍ଟାଲିନ। ସେ ଏଥିପାଇଁ ରାଜ୍ୟପାଳ ଆରଏନ ରବିଙ୍କୁ ଏହି ପଦରୁ ହଟାଇବାକୁ ଦାବି କାରିବା ସହ ତାଙ୍କୁ ତୀବ୍ର ସମାଲୋଚନା କରିଛନ୍ତି।
ଚେନ୍ନାଇରେ ଆୟୋଜିତ ହିନ୍ଦୀ ମାସ ସମାପନ ସମାରୋହରେ ରାଜ୍ୟପାଳ ଯୋଗ ଦେଇଥିବା ବେଳେ ସେଠାରେ ତାମିଲନାଡୁର ରାଜ୍ୟ ସଂଗୀତ ପରିବେଷଣ କରାଯାଇଥିଲା। ହେଲେ ଏଥିରୁ ଦ୍ରାବିଡ ଶବ୍ଦକୁ ଉଚ୍ଚାରଣ କରାଯାଇ ନଥିଲା। ରାଜ୍ୟପାଳ ଯେହେତୁ ଏହି କାର୍ଯ୍ୟକ୍ରମରେ ଯୋଗ ଦେଇଥିଲେ, ତେଣୁ ତାଙ୍କୁ ଷ୍ଟାଲିନ ଟାର୍ଗେଟ କରିଛନ୍ତି। ତାଙ୍କ ଇସାରରେ ଏପରି କରାଯାଇଥିବା ସେ ଅଭିଯୋଗ କରିଛନ୍ତି।
Also Read
ହେଲେ ରାଜ୍ୟପାଳଙ୍କ ଅଫିସ ତରଫରୁ ମୁଖ୍ୟମନ୍ତ୍ରୀଙ୍କ ଅଭିଯୋଗକୁ ଖଣ୍ଡନ କାଯାଇଛି। ତାଙ୍କ ଅଫିସ ତରଫରୁ କୁହାଯାଇଛି ଯେ ରାଜ୍ୟପାଳ କେବଳ କାର୍ଯ୍ୟକ୍ରମରେ ଯୋଗ ଦେଇଥିଲେ। ଯେଉଁ ଟ୍ରୁପ ରାଜ୍ୟ ସଂଗୀତକୁ ପରିବେଷଣ କରୁଥିଲା ସେମାନେ ଦ୍ରାବିଡ ଶବ୍ଦକୁ ଭୁଲି ଯାଇଛନ୍ତି।
ତେବେ ଷ୍ଟାଲିନ ରାଜ୍ୟପାଳଙ୍କୁ ଚ୍ୟାଲେଞ୍ଜ ଦେଇ କହିଛନ୍ତି ଯେ ଦେଶର ଜାତୀୟ ସଂଗୀତରୁ କ’ଣ ଏସ ରବି ଏହି ଦ୍ରବିଡ ଶବ୍ଦକୁ ହଟାଇବାକୁ ସାହାସ କରିବେ? ରାଜ୍ୟର ଜାତୀୟ ସଂଗୀତରୁ ଦ୍ରାବିଡ ଶବ୍ଦକୁ ହଟାଇବା ରାଜ୍ୟ ପ୍ରତି ଓ ତାମିଲ ଭାଷା ପ୍ରତି ଅପମାନ। ଏଥିପାଇଁ ସେ ତୁରନ୍ତ ରାଜ୍ୟପାଳଙ୍କୁ ହଟାଇବା ପାଇଁ କେନ୍ଦ୍ରକୁ କହିଛନ୍ତି। ଦ୍ରାବିଡଙ୍କ ପ୍ରତି ରାଜ୍ୟପାଳଙ୍କ ଘୃଣା ଭାବ ରହିଛି ବୋଲି ସେ ଅଭିଯୋଗ କରିଛନ୍ତି।
ସେ ଆହୁରି କହିଛନ୍ତି ଯେ ଦ୍ରାବିଡ ଶବ୍ବକୁ ହଟାଇବା ଓ ତାମିଲ ଥାଇ ଶୁଭେଚ୍ଛା ଦେବା ତାମିଲନାଡୁ ଆଇନ ବିରୋଧୀ। ଆଇନ ଅନୁସାରେ ଯେଉଁ ବ୍ୟକ୍ତି କାମ କରୁ ନାହାନ୍ତି ଓ ନିଜ ଇଚ୍ଛାରେ କାମ କରୁଛନ୍ତି, ସେ ରାଜ୍ୟପାଳ ପଦରେ ରହିବାକୁ ଯୋଗ୍ୟ ନୁହନ୍ତି। ରାଜ୍ୟପାଳ ଭାରତର ଏକତାକୁ ଅପମାନିତ କରୁଛନ୍ତି ଓ ଏହି ମାଟିରେ ରହୁଥିବା ବିଭିନ୍ନ ପ୍ରକାରର ଲୋକଙ୍କୁ ସମ୍ମାନ ଦେଉ ନାହାନ୍ତି ବୋଲି ସେ କହିଛନ୍ତି।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
