ନିଜ ସ୍ୱାସ୍ଥ୍ୟଗତ ସମସ୍ୟା ଅସହ୍ୟ ହେବାରୁ ମହିଳାଜଣକ ନେଲେ ଚରମ ପଦକ୍ଷେପ । ନିଜ ଦୁଇ ଛୁଆଙ୍କ ସହ ନିଜ ଜୀବନ ହାରିବାକୁ ନିଷ୍ପତ୍ତି ନେଇ ସେମାନଙ୍କ ସହ କୂଅ ନିକଟରେ ପହଞ୍ଚିଥିଲେ। ମାତ୍ର ଡେଇଁବା ପୂର୍ବରୁ ମା’ ହାତ ଛାଡ଼ି ପୁଅଟି ପଳାଇଥିବା ବେଳେ ନିଜ ଝିଅ ସହ ମହିଳାଜଣକ ଜୀବନ ହାରିଛନ୍ତି। ଏପରି ଏକ ଅଭାବନୀୟ ଘଟଣା ମହାରାଷ୍ଟ୍ରର ଚନ୍ଦ୍ରପୁର ଅଞ୍ଚଳର ଖେଡି ଗାଁରେ ଘଟିଛି।
ଖେଡି ଗାଁରେ ରହୁଥିବା ୩୫ ବର୍ଷୀୟା ଦର୍ଶନା ଦୀପକ ନାମ୍ନୀ ମହିଳା ନିଜର ୧୪ ବର୍ଷୀୟା ଝିଅ ଓ ୧୧ ବର୍ଷର ପୁଅ ସହ ରୁହନ୍ତି । ମାତ୍ର ସେ ଦୀର୍ଘ ଦିନ ହେଲା କିଡ଼ନୀଜନିତ ସମସ୍ୟାରେ ପୀଡ଼ିତ। ଏଥିରେ ଅତିଷ୍ଠ ହୋଇ ସେ ନିଜ ପିଲାଙ୍କ ସହ ଜୀବନ ହାରିବାକୁ ନିଷ୍ପତ୍ତି ନେଇଥିଲେ।
ଏଥିନିମନ୍ତେ ସେ ଉଭୟଙ୍କୁ ଧରି ଗାଁର ଏକ ନିଛାଟିଆ ଜାଗାରେ ଥିବା କୂଅ ନିକଟରେ ପହଞ୍ଚିଥିଲେ। ଏହାଦେଖି ତାଙ୍କ ପୁଅ ମା’ ହାତ ଛାଡ଼ି ଦୌଡ଼ି ପଳାଇଥିଲେ। ଏହାପରେ ମହିଳାଜଣକ ନିଜ ଝିଅ ସହ କୂଅକୁ ଡେଇଁ ପଡ଼ିଥିଲେ।
ବଞ୍ଚି ଯାଇଥିବା ପୁଅଟି ଗାଁ ଲୋକଙ୍କୁ ତୁରନ୍ତ ଡାକି ଆଣିଥିବା ବେଳେ ସେମାନେ ତୁରନ୍ତ ଉଭୟଙ୍କୁ କୂଅରୁ ବାହାର କରିଥିଲେ। ଅଚେତ ଅବସ୍ଥାରେ ଉଭୟଙ୍କୁ ମେଡିକାଲରେ ଭର୍ତ୍ତି କରାଯାଇଥିବା ବେଳେ ସେଠାରେ ଡାକ୍ତର ମା’ଝିଅଙ୍କୁ ମୃତ ଘୋଷଣା କରିଛନ୍ତି। ଏହି ଘଟଣା ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ଖେଳାଇ ଦେଇଛି।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
