ମୁଲାୟମ ସିଂହ ଯାଦବଙ୍କ ସମେତ ୧୦୬ ଜଣ ପାଇବେ ପଦ୍ମ ପୁରସ୍କାର

Mulayam Singh Yadav

ମୁଲାୟମ ସିଂହ ଯାଦବ

Tapas Behera
  • Published: Wednesday, 25 January 2023
  • Updated: 25 January 2023, 10:10 PM IST

 ୭୪ତମ ସାଧାରଣତନ୍ତ୍ର ଦିବସ ପୂର୍ବରୁ ଦେଶର ମର୍ଯ୍ୟାଦାଜନକ ପଦ୍ମପୁରସ୍କାର ଘୋଷଣା କରାଯାଇଛି। କେନ୍ଦ୍ର ସରକାର ‌ଆଜି ଏହି ପୁରସ୍କାର ଘୋଷଣା କରିଛନ୍ତି। ଚଳିତ ବର୍ଷ ୧୦୬ ଜଣଙ୍କୁ ପଦ୍ମ ପୁରସ୍କାର ପାଇଁ ଘୋଷଣା କରାଯାଇଛି। ଏହି ତାଲିକାରେ ୬ ଜଣଙ୍କୁ ପଦ୍ମ ବିଭୂଷଣ, ୯ ଜଣଙ୍କୁ ପଦ୍ମଭୂଷଣ ଏବଂ ୯୧ ଜଣଙ୍କୁ ପଦ୍ମଶ୍ରୀ ସମ୍ମାନ ପ୍ରଦାନ କରାଯିବ । ସେହିପରି ପୁରସ୍କାର ତାଲିକାରେ ୧୯ ଜଣ ମହିଳା ସ୍ଥାନ ପାଇଥିବା  ବେଳେ ୨ ଜଣ ବିଦେଶୀ ଏବଂ ୭ଟି ମରୋଣତ୍ତର ରହିଛି। ଉତ୍ତରପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ତଥା ସ୍ୱର୍ଗତ ମୁଲାୟମ ସିଂହ ଯାଦବ, ମହାରାଷ୍ଟ୍ରର ଜାକିର ହୁସେନ୍ ଏବଂ କେଏମ ବିର୍ଲାଙ୍କ ସମେତ ମୋଟ ୧୦୬ ଜଣଙ୍କୁ ପଦ୍ମ ପୁରସ୍କାର ପାଇ ମନୋନିତ କରାଯାଇଛି ।

Also Read

ସେହିପରି ବିଭିନ୍ନ କ୍ଷେତ୍ରରେ ଶୀର୍ଷ ସଫଳତା ଲାଭ କରିଥିବା ଓଡ଼ିଶାର ୪ ଜଣ ପରିଚିତ ବ୍ୟକ୍ତିତ୍ୱଙ୍କୁ ପଦ୍ମପୁରସ୍କାର ଲାଗି ମନୋନୀତ କରାଯାଇଛି। ସେମାନେ ହେଲେ କଳାକ୍ଷେତ୍ରରେ ମାଗୁଣି ଚରଣ କୁଅଁର, ସାହିତ୍ୟ ଓ ଶିକ୍ଷାରେ ଅନ୍ତର୍ଯ୍ୟାମୀ ମିଶ୍ର, କଳାକ୍ଷେତ୍ରରେ କୃଷ୍ଣ ପଟେଲ, କୃଷି କ୍ଷେତ୍ରରେ ପଟ୍ଟାୟତ ସାହୁ। ପଦ୍ମ ପୁରସ୍କାର ପ୍ରତି ବର୍ଷ ଗଣତନ୍ତ୍ର ଦିବସ ପୂର୍ବ ସଂଧ୍ୟାରେ ଘୋଷଣା କରାଯାଇଥାଏ । ଏହାର କିଛି ମାସ ପରେ ଅର୍ଥାତ ମାର୍ଚ୍ଚ କିମ୍ବା ଏପ୍ରିଲରେ ରାଷ୍ଟ୍ରପତି ଭବନରେ ଅନୁଷ୍ଠିତ ଏକ ସ୍ୱତନ୍ତ୍ର ଉତ୍ସବରେ ଏହି ପୁରସ୍କାର ପ୍ରଦାନ କରାଯାଇଥାଏ ।

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories