ମିଳିଲାନି ଆମ୍ବୁଲାନ୍ସ; ୨ ମଲା ପୁଅଙ୍କୁ କାନ୍ଧରେ ବୋହି ଘରକୁ ନେଲେ ବାପାମାଆ

ମହାରାଷ୍ଟ୍ର ଅହେରୀ ତାଲୁକ ଅଞ୍ଚଳରେ ବିକାଶର ନଗ୍ନଚିତ୍ର। ଆମ୍ବୁଲାନ୍ସ ନ ମିଳିବାରୁ ଦୁଇ ମୃତ ପୁଅଙ୍କୁ କାନ୍ଧରେ ବୋହି ଘରକୁ ନେଇଛନ୍ତି ବାପାମାଆ। ଏକ କି ଦୁଇ କିଲୋମିଟର ନୁହେଁ, ପୂରା ୧୫ କିଲୋମିଟର କାଦୁଅ ରାସ୍ତାରେ ଚାଲିବାର ଭିଡିଓ ସୋଶାଲ ମିଡିଆରେ ଭାଇରାଲ୍ ହେଉଛି। 

ବିରୋଧୀ ଦଳର ନେତା ବିଜୟ ୱାଦେତିୱାରୀ ସୋଶାଲ ମିଡିଆରେ ଏହି ସମୟର ଭିଡିଓ ଶେଆର କରିଛନ୍ତି। ସେ ଲେଖିଛନ୍ତି ଯେ, ଦୁଇ ଭାଇ ଜ୍ୱରରେ ପୀଡିତ ହୋଇଥିଲେ। ଚିକିତ୍ସା ଅଭାବରୁ ଡାକ୍ତରଖାନାରେ ସେମାନଙ୍କର ମୃତ୍ୟୁ ଘଟିଥିଲା।

ସଠିକ୍ ସମୟରେ ଡାକ୍ତରଖାନା ଅଣାନଯିବାରୁ ଉଭୟଙ୍କ ଜୀବନ ଚାଲି ଯାଇଥିଲା। ଏହା ସତ୍ତ୍ୱେ ବି ମୃତଦେହ ଘରକୁ ପଠାଇବାକୁ ଆମ୍ବୁଲାନ୍ସ ମିଳିନଥିଲା। ଫଳରେ ସେମାନଙ୍କ ବାପାମାଆ ୧୫ କିଲୋମିଟର କାଦୁଅ ରାସ୍ତାରେ କାନ୍ଧରେ ବୋହି ଘରକୁ ନେବାକୁ ବାଧ୍ୟ ହୋଇଥିଲେ।

ଗାଡଚିରୋଲି ସ୍ୱାସ୍ଥ୍ୟସେବାର ବାସ୍ତବ ଚିତ୍ର ପୁଣି ଥରେ ସାମ୍ନାକୁ ଆସିଛି ବୋଲି ବିରୋଧୀ ଦଳ ନେତା ୱାଦେତିୱାରୀ କହିଛନ୍ତି। ଏଥିପାଇଁ ସେ ଶାସକ ଦଳକୁ ଦାୟୀ କରିବା ସହ ଏହା ସ୍ୱାସ୍ଥ୍ୟ ସେବାର ନଗ୍ନଚିତ୍ର ବୋଲି କହିଛନ୍ତି। 

दोन्ही लेकरांचे ‘मृतदेह’ खांद्यावर घेऊन चिखलातून वाट शोधत पुढे जात असलेले हे दाम्पत्य गडचिरोली जिल्ह्यातील अहेरी तालुक्यातील आहे.

आजोळी आलेल्या दोन भावंडांना ताप आला. वेळेत उपचार मिळाले नाही. दोन तासांतच दोघांचीही प्रकृती खालावली व दीड तासांच्या अंतराने दोघांनीही अखेरचा श्वास… pic.twitter.com/ekQBQHXeGu

— Vijay Wadettiwar (@VijayWadettiwar) September 5, 2024