ଆଇ-ଫୋନକୁ ଆସିଲା ଆଲର୍ଟ ମେସେଜ, ସରକାର ଫୋନ୍ ହ୍ୟାକ୍ କରୁଥିବା ଅଭିଯୋଗ

ଆଇ-ଫୋନ୍‌କୁ ଆସିଲା ଆଲର୍ଟ ମେସେଜ। ଏହାପରେ ହଡବଡେଇ ଗଲେ ବିରୋଧୀ। ସରକାର ତାଙ୍କ ଫୋନ୍‌ ଓ ଇ-ମେଲ୍‌ ହ୍ୟାକ୍ କରିନେଉଥିବା ଆଣିଲେ ଅଭିଯୋଗ। କ୍ୟାସ୍‌ ଫର୍ କ୍ୱେରି ମାମଲାରେ ଫସିଥିବା ଟିଏମ୍‌ସି ସାଂସଦ ମହୁଆ ମୋଇତ୍ରା ମୋଦି ସରକାରଙ୍କ ବିରୋଧରେ ଏଭଳି କିଛି ସଙ୍ଗୀନ ଅଭିଯୋଗ ଆଣିଛନ୍ତି। ସରକାର ତାଙ୍କ ଫୋନ୍ ଓ ଇ-ମେଲ୍‌କୁ ହ୍ୟାକ୍‌ କରିବାକୁ ଚେଷ୍ଟା କରୁଥିବା ସେ ଦାବି କରିଛନ୍ତି।

ମହୁଆ କହିଛନ୍ତି, 'APPLE ରୁ ମୁଁ ଏକ ଆଲର୍ଟ ମେସେଜ ଏବଂ ଇମେଲ୍ ପାଇଛି। ସରକାର ମୋ ଫୋନ୍ ଏବଂ ଇମେଲ୍ ହ୍ୟାକ୍ କରିବାକୁ ଚେଷ୍ଟା କରୁଛନ୍ତି।' ମହୁଆଙ୍କ ବ୍ୟତୀତ କଂଗ୍ରେସ ସାଂସଦ ଶଶି ଥରୁର, ପୱନ ଖେଡା ଏବଂ ଶିବସେନା ସାଂସଦ ପ୍ରିୟଙ୍କା ଚାର୍ତୁବେଦୀ ମଧ୍ୟ ନିଜ ଫୋନକୁ ଆସିଥିବା ଏଭଳି ଆଲର୍ଟ ମେସେଜର ସ୍କ୍ରିନସଟ ସେୟାର କରିଛନ୍ତି। ଏମାନେ ମଧ୍ୟ ସମାନ ଅଭିଯୋଗ ଆଣିଛନ୍ତି।

ଫୋନ୍‌କୁ ଆସିଥିବା ଏହି ଆଲର୍ଟ ମେସେଜରେ କୁହାଯାଇଛି, 'ଯଦି ଆପଣଙ୍କ ଡିଭାଇସ୍‌ ସହ କୌଣସି ରାଜ୍ୟ ପ୍ରାୟୋଜିତ ଆକ୍ରମଣକାରୀଙ୍କ ଦ୍ୱାରା ହ୍ୟାକ୍‌ କରାଯାଇଛି, ତେବେ ସେମାନେ ହୁଏତ ଆପଣଙ୍କ ଫୋନ୍‌ରୁ ସମ୍ବେଦନଶୀଳ ତଥ୍ୟ, ଯୋଗାଯୋଗ କିମ୍ବା କ୍ୟାମେରା ଏବଂ ମାଇକ୍ରୋଫୋନ୍ ଆକ୍ସେସ୍ କରିପାରିବେ।'

ଆପଲ୍‌ କମ୍ପାନୀ ନିଜେ ଏହି ମେସେଜ ପଠାଇ ଫୋନ୍‌ ହ୍ୟାକ୍‌ କରିବାକୁ ଉଦ୍ୟମ କରାଯାଉଥିବା ନେଇ ସୂଚନା ଦେଇଛି ବୋଲି ଏହି ନେତାମାନେ ଦାବି କରିଛନ୍ତି। ସୂତ୍ରରୁ ପ୍ରକାଶ ଯେ କଂଗ୍ରେସ ସାଂସଦ ରାହୁଲ ଗାନ୍ଧୀଙ୍କ କାର୍ଯ୍ୟାଳୟରେ ତିନି ଜଣଙ୍କୁ ମଧ୍ୟ ସମାନ ମେସେଜ ମିଳିଛି। କେବଳ ସେତିକି ନୁହେଁ ଆପ୍‌ ସାଂସଦ ରାଘବ ଚଡ୍ଡାଙ୍କ ଫୋନ୍‌କୁ ମଧ୍ୟ ଏହି ସତର୍କ ମେସେଜ ଆସିଛି।

Early this morning I received a concerning notification from Apple, warning me about a potential state-sponsored spyware attack on my phone. The notification states that, “If your device is compromised by a state-sponsored attacker, they may be able to remotely access your… pic.twitter.com/JrVD9Zh9im

— Raghav Chadha (@raghav_chadha) October 31, 2023

ଏହି ମେସେଜ ଆସିବା ପରେ ସରକାରଙ୍କୁ ବିରୋଧୀ ଟାର୍ଗେଟ୍‌ କରିଛନ୍ତି। ଟିଏମ୍‌ସି ସାଂସଦ ମହୁଆ ମୋଇତ୍ରା ଗୃହମନ୍ତ୍ରୀଙ୍କୁ ଏହି ମେସେଜର ସ୍କ୍ରିନ୍‌ ସଟ୍‌ ଟ୍ୟାଗ୍‌ କରି ଲେଖିଛନ୍ତି, ଆଦାନୀ ଏବଂ ପିଏମଓ ଲୋକ, ଯେଉଁମାନେ ମୋତେ ଭୟଭୀତ କରିବାକୁ ଚେଷ୍ଟା କରୁଛନ୍ତି। ତୁମର ଭୟକୁ ଦେଖି ମୋତେ ଦୟା ଲାଗୁଛି। ସେ କହିଛନ୍ତି, ଶିବସେନା ସାଂସଦ ପ୍ରିୟଙ୍କା ଚାତୁର୍ବେଦୀ, ମୁଁ ଏବଂ INDIA ମିଳିତ ମଞ୍ଚର ଅନ୍ୟ ତିନିଜଣ ନେତାଙ୍କୁ ଏହି ସମାନ ସତର୍କ ସୂଚନା ମିଳିଛି।

So far list of INDIAns that @HMOIndia have tried to hack have been myself, @yadavakhilesh,@raghav_chadha@ShashiTharoor@priyankac19@SitaramYechury@Pawankhera & others in office of @RahulGandhi .

This is worse than Emergency. India is being run by low life Peeping Toms.

— Mahua Moitra (@MahuaMoitra) October 31, 2023

ସେପଟେ ଫୋନ୍‌ ହ୍ୟାକ୍ ଅଭିଯୋଗ ଆସିବା ପରେ ସରକାରୀ ସୂତ୍ରରୁ କୁହାଯାଇଛି ଯେ,ଆପଲର ଆଲଗୋରିଦମରେ ତ୍ରୁଟି ହେତୁ ଏହି ସତର୍କ ତଥା ଆଲର୍ଟ ମେସେଜ ଆସିଛି। ସରକାର ଖୁବ ଶୀଘ୍ର ଏ ସମ୍ପର୍କରେ ନିଜର ବିବୃତ୍ତି ଜାରି କରିବେ।