କର୍ଣ୍ଣାଟକାରେ ଭୋଟ ଗଣତି ଚାଲିଥିବା ବେଳେ କଂଗ୍ରେସ ବହୁତ ଆଗରେ ରହିଛି। କ୍ଷମତାସୀନ ବିଜେପି ୨୦୧୮ ତୁଳନାରେ ଏଥର ନୈରାଶ୍ୟଜନକ ପ୍ରଦର୍ଶନ କରିଛି। ଏବେକାର ଟ୍ରେଣ୍ଡ ଅନୁଯାୟୀ, କଂଗ୍ରେସ ୧୧୯ଟି ଆସନରେ ଆଗରେ ଥିବା ବେଳେ ବିଜେପି ୭୩ଟି, ଜେଡିଏସ୍ ୨୫ ଓ ଅନ୍ୟାନ୍ୟ ଦଳ ୭ଟି ଆସନରେ ଲିଡ କରୁଛନ୍ତି।
ଏସବୁ ଭିତରେ ନିର୍ବାଚନ କମିଶନଙ୍କ ପକ୍ଷରୁ କେଉଁ ଦଳର ଭୋଟ ଶେୟାର କେତେ ରହିଛି, ତା’ର ତଥ୍ୟ ସାର୍ବଜନୀନ କରାଯାଇଛି। କଂଗ୍ରେସ ୪୨.୯% ଭୋଟ ପାଇଥିବା ବେଳେ ବିଜେପି ୩୬.୨% ଓ ଜେଡିଏସ୍ ୧୨.୯୭% ଭୋଟ ପାଇଛି।
ଏହାବାଦ ଏଏଏପି ୦.୫୭%, ଏଆଇଏଫବି ଆଦୌ ଭୋଟ ପାଇନି, ଏଆଇଏମଆଇଏମ ୦.୦୨%, ବିଏସ୍ପି ୦.୨୮%, ସିପିଆଇ ୦.୦୨%, ସିପିଆଇ(ଏମ) ୦.୦୫%, ସିପିଆଇଏମ(ଏମଏଲ) ଆଦୌ ଭୋଟ ପାଇନାହିଁ।
ଅନ୍ୟପକ୍ଷରେ ଚଳିତ ବର୍ଷ କର୍ଣ୍ଣାଟକାରେ ରେକର୍ଡ ସଂଖ୍ୟକ ଭୋଟ ହୋଇଥିଲା। ୭୨.୭% ଲୋକ ଏଥର ଭୋଟ ଦେଇଥିଲେ। ସହରାଞ୍ଚଳ ଅପେକ୍ଷା ଗ୍ରାମାଞ୍ଚଳରେ ଭୋଟ ଭାଗ ଅଧିକ ରହିଥିଲା। ୨୦୧୮ରେ ୭୨.୫୬%, ୨୦୧୩ରେ ୭୨.୩୧%, ୨୦୦୮ରେ ୬୬.୧% ଓ ୨୦୦୪ରେ ୬୬.୪୯% ଭୋଟିଂ ହୋଇଥିଲା।