ଆଜିଠୁ ଆରମ୍ଭ ହୋଇଛି ଲୋକସଭାର ସ୍ୱତନ୍ତ୍ର ଅଧିବେଶନ। ଲୋକସଭାର କାମଚଳା ବାଚସ୍ପତି ଭାବେ ଭତ୍ତୃହରି ମହତାବ ଶପଥ ନେବା ପରେ ଜଣକ ପରେ ଜଣେ କରି ସାଂସଦ ଶପଥ ନେଉଛନ୍ତି। ଏହି କ୍ରମରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଲଗାତର ତୃତୀୟ ଥର ପାଇଁ ସାଂସଦ ଭାବେ ଶପଥ ନେଇଛନ୍ତି। ବାଚସ୍ପତି ଭର୍ତ୍ତୃହରି ମହତାବ ତାଙ୍କୁ ଶପଥ ପାଠ କରାଇଛନ୍ତି।
Also Read
#WATCH | Prime Minister Narendra Modi takes oath as a member of the 18th Lok Sabha. pic.twitter.com/3tjFrbOCJ0
— ANI (@ANI) June 24, 2024
ଶପଥ ନେବେ ପୂର୍ବରୁ ଆଜି ମିଡିଆକୁ ସମ୍ବୋଧନ ବେଳେ ବିଭିନ୍ନ ଗୁରୁତ୍ୱପୂର୍ଣ୍ଣ ପ୍ରସଙ୍ଗରେ ପ୍ରତିକ୍ରିୟା ରଖିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ତୃତୀୟ ପାଳିରେ ଏନଡିଏ ସରକାର ୩ ଗୁଣା ଅଧିକ ପରିଶ୍ରମ କରିବ ବୋଲି କହିଛନ୍ତି ପ୍ରଧାନମନ୍ତ୍ରୀ ମୋଦି।
ଏହା ସହ ସେ କହିଛନ୍ତି ଯେ, 'ଆମକୁ ସମସ୍ତଙ୍କୁ ସାଥୀରେ ନେଇ ଚାଲିବାକୁ ହେବ। ଦେଶ ଚଳାଇବା ପାଇଁ ସହମତି ନିହାତି ଜରୁରୀ। ଏହା ଆମ ପାଇଁ ଭବ୍ୟ ବିଜୟ। ୩ ଗୁଣା ଅଧିକ ପରିଶ୍ରମ କରିବୁ।'
ସେପଟେ ଜରୁରୀକାଳିନ ପ୍ରସଙ୍ଗ ଉଠାଇ ମୋଦି ବିରୋଧୀଙ୍କୁ ଟାର୍ଗେଟ କରିଛନ୍ତି। ସେ କହିଛନ୍ତି, ଜୁନ ୨୫ ଗଣତନ୍ତ୍ର ପାଇଁ କଳା ଦିବସ ଥିଲା। ଏମର୍ଜେନ୍ସୀକୁ ୫୦ ବର୍ଷ ପୂରିବ। ଏହା ନ ଭୁଲିବା ଭଳି ଦିନ। ଏମର୍ଜେନ୍ସୀରେ ଲୋକଙ୍କୁ ଜେଲ୍ରେ ଭର୍ତ୍ତି କରାଯାଇଥିଲା।
#WATCH | PM Narendra Modi says, "Tomorrow is 25th June. 25th June marks 50 years of the blot that was put on the democracy of India. The new generation of India will never forget that the Constitution of India was completely rejected, every part of the Constitution was torn to… pic.twitter.com/FelYrEut2s
— ANI (@ANI) June 24, 2024
ଏହାସହ ଦାୟିତ୍ୱବାନ ହେବାକୁ ବିରୋଧୀ ଦଳକୁ ଅପିଲ୍ କରିଛନ୍ତି ମୋଦି। ସଂସଦର ଗାରିମା ବଜାୟ ରଖିବାକୁ ସେ କହିଛନ୍ତି। ଆମେ ସମସ୍ତଙ୍କୁ ନେଇ ସମ୍ବିଧାନର ସୀମା ଅନୁସରଣ କରି ନିଷ୍ପତ୍ତିଗୁଡ଼ିକୁ ତ୍ୱରାନ୍ୱିତ କରିବାକୁ ଚାହୁଁଛୁ। ଯଦି ବିରୋଧୀ ଏଥିରେ ସହମତ ନ ହୁଅନ୍ତି ତେବେ ବିକାଶ ବାଧାପ୍ରାପ୍ତ ହେବ।
୧୮ତମ ଲୋକସଭାରେ ଆମ ପାଇଁ ଖୁସିର ବିଷୟ ଯେ ଯୁବ ସାଂସଦଙ୍କ ସଂଖ୍ୟା ବହୁତ ଅଧିକ ରହିଛି। ଆମେ ଭାରତର ପରମ୍ପରା ଜାଣୁ, ଆମେ ଭାରତର ସାଂସ୍କୃତିକ ଐତିହ୍ୟ ସହିତ ପରିଚିତ। ଆମେ ଜାଣୁ ଯେ ଏଠାରେ ୧୮ ନମ୍ବରର ବହୁ ସଂଖ୍ୟାରେ ସାତ୍ତ୍ୱିକ ମୂଲ୍ୟ ରହିଛି। ଗୀତାର ୧୮ ଅଧ୍ୟାୟ ଅଛି। ଏଠାରେ ପୁରାଣ ଏବଂ ଉପ-ପୁରାଣ ସଂଖ୍ୟା ମଧ୍ୟ ୧୮। ୧୮ର ମୂଳ ଅଙ୍କ ହେଉଛି ୯ ଏବଂ ୯। ଏହା ପୂର୍ଣ୍ଣତାର ଗ୍ୟାରେଣ୍ଟି ଦିଏ। ଆମେ ୧୮ ବର୍ଷ ବୟସରେ ଭୋଟ ଦେବାର ଅଧିକାର ପାଇଥାଉ। ୧୮ ତମ ଲୋକ ସଭା ଭାରତ ପାଇଁ ଏକ ଭଲ ସଙ୍କେତ ବୋଲି ମୋଦି କହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
