OR 
ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନ୍ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଭିତରେ ଆଜି ୟୁକ୍ରେନ୍କୁ ନେଇ ଫୋନ୍ରେ ଆଲୋଚନା ହୋଇଛି। କ୍ରେମଲିନ ଏନେଇ ସୂଚନା ଦେଇଛି। ଅଲୋଚନା ବେଳେ ଦୁଇନେତା ସାଙ୍ଘାଇ ସହଯୋଗ ସଂଗଠନ ତଥା ଜି-୨୦ ଭିତରେ ସହଯୋଗ ନେଇ ଆଲୋଚନା କରିଥିଲେ। ଦୁଇପକ୍ଷ ପରସ୍ପର ସହ ସହଯୋଗ ନେଇ ମଧ୍ୟ ଅଲୋଚନା କରିଥିଲେ। ସେହିପରି ୨୪ ଜୁନ୍ରେ ରୁଷରେ ଦେଖାଦେଇଥିବା ବିଦ୍ରୋହ, ବର୍ତ୍ତମାନ ଶୃଙ୍ଖଳା ବ୍ୟବସ୍ଥା ଓ ଭାରତୀୟ ନାଗରିକଙ୍କ ସୁରକ୍ଷା ନେଇ ଆଲୋଚନା କରିଥିଲେ।
ୟୁକ୍ରେନ୍ ସ୍ଥିତି ନେଇ ପୁଟିନ୍ କହିଛନ୍ତି ଯେ ଏହି ଯୁଦ୍ଧ ରାଜନୈତିକ କିମ୍ବା କୁଟନୈତିକ ଉଦ୍ୟମରେ ସମାଧାନ ହୋଇପାରିବ ନାହିଁ।
Also Read
ସେହିପରି ଭାରତ-ରୁଷ ଭିତରେ ସାମରିକ ସହଯୋଗ, ପ୍ରମୁଖ ସମନ୍ୱୟ ପରିଯୋଜନାକୁ କାର୍ଯ୍ୟକାରୀ କରିବା ନେଇ ଅଲୋଚନା ହୋଇଥିଲା। ୨୦୨୨ ଭଳି ଚଳିତ ବର୍ଷ ମଧ୍ୟ ବ୍ୟବସାୟରେ ବୃଦ୍ଧି ନେଇ ସନ୍ତୋଷ ପ୍ରକାଶ କରିଥିଲେ। ସେହିପରି ମୋଦି ଅନ୍ତଃରାଷ୍ଟ୍ରୀୟ ସମ୍ପର୍କ ଓ ଗତ ବିଦେଶଗସ୍ତ ବିଷୟ ପୁଟିନ୍ଙ୍କୁ କହିଥିଲେ। ଦୁଇଦେଶ ନିଜନିଜ ଭିତରେ ସମ୍ପର୍କକୁ ମଜଭୁତ କରିବାକୁ ବିଶେଷ ଭାବେ ଅଲୋଚନା ହୋଇଥିବା କ୍ରେମଲିନ୍ ପକ୍ଷରୁ କୁହାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
