ଧାରା ୩୭୦ ଉଚ୍ଛେଦ ନିଷ୍ପତ୍ତିକୁ ସୁପ୍ରିମକୋର୍ଟ ବୈଧ ବୋଲି ଘୋଷଣା କରିବା ପରେ ପ୍ରତିକ୍ରିୟା ରଖିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ଖୁସିବ୍ୟକ୍ତ କରିବା ସହ ଜମ୍ମୁ କଶ୍ମୀର ଏବଂ ଲଦାଖରେ ଥିବା ଭାଇ ଓ ଭଉଣୀମାନଙ୍କ ପାଇଁ ଏହା ଆଶା, ପ୍ରଗତି ଏବଂ ଏକତାର ଏକ ଘୋଷଣାନାମା ବୋଲି କହିଛନ୍ତି।
ପ୍ରଧାନମନ୍ତ୍ରୀ ଏନେଇ ଏକ ଏକ୍ସ ପୋଷ୍ଟ କରି କହିଛନ୍ତି, "ଧାରା ୩୭୦ ରଦ୍ଦ କରିବା ଉପରେ ଆଜି ସୁପ୍ରିମକୋର୍ଟ ପ୍ରକାଶ କରିଥିବା ରାୟ ଐତିହାସିକ ଏବଂ ଅଗଷ୍ଟ ୫, ୨୦୧୯ରେ ସଂସଦ ନେଇଥିବା ନିଷ୍ପତ୍ତିକୁ ସାମ୍ବିଧାନିକ ଭାବେ ସମର୍ଥନ ମିଳିଛି। ଏହା ଜମ୍ମୁ, କାଶ୍ମୀର ଏବଂ ଲଦାଖରେ ଥିବା ଆମର ଭାଇ ଓ ଭାଇମାନଙ୍କ ପାଇଁ ଆଶା, ପ୍ରଗତି ଏବଂ ଏକତାର ଏକ ଘୋଷଣାନାମା। କୋର୍ଟ ଏହି ମହତ୍ୱପୂର୍ଣ୍ଣ ରାୟ ଦେଇ ଭାରତର ଏକତାକୁ ମଜବୁତ କରାଇଛନ୍ତି।"
Also Read
Today's Supreme Court verdict on the abrogation of Article 370 is historic and constitutionally upholds the decision taken by the Parliament of India on 5th August 2019; it is a resounding declaration of hope, progress and unity for our sisters and brothers in Jammu, Kashmir and…
— Narendra Modi (@narendramodi) December 11, 2023
ଆଜିର ନିଷ୍ପତ୍ତି କେବଳ ଆଇନଗତ ନିଷ୍ପତ୍ତି ନୁହେଁ; ଏହା ଏକ ଆଶାର କିରଣ, ଉଜ୍ଜ୍ୱଳ ଭବିଷ୍ୟତର ପ୍ରତିଜ୍ଞା ଏବଂ ଏକ ମଜବୁତ ନିର୍ମାଣ ପାଇଁ ଆମର ସାମୂହିକ ସଂକଳ୍ପର ପ୍ରମାଣ ବୋଲି ପ୍ରଧାନମନ୍ତ୍ରୀ କହିଛନ୍ତି।
ଏଥିସହ ପ୍ରଧାନମନ୍ତ୍ରୀ ଆହୁରି କହିଛନ୍ତି, "ମୁଁ ଜମ୍ମୁ କଶ୍ମୀର ଏବଂ ଲଦାଖ ବାସୀଙ୍କୁ କହିବାକୁ ଚାହୁଁଛି, ଆପଣଙ୍କ ସ୍ୱପ୍ନକୁ ସାକାର କରିବା ପାଇଁ ଆମର ପ୍ରତିବଦ୍ଧତା ନିରନ୍ତର ରହିବ। ପ୍ରଗତିର ସୁଫଳ କେବଳ ଆପଣଙ୍କ ପାଖରେ ପହଞ୍ଚିବ ନାହିଁ, ବରଂ ଯେଉଁମାନେ ଧାରା ୩୭୦ କାରଣରୁ ପ୍ରଭାବିତ ହେଉଥିଲେ ସେମାନଙ୍କ ନିକଟରେ ବି ପହଞ୍ଚିବ, ଏଥିପାଇଁ ଆମେ ପ୍ରତିଶ୍ରୁତିବଦ୍ଧ।"
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
