ଆମ ଆଦମୀ ପାର୍ଟିର ବରିଷ୍ଠ ନେତା ତଥା ଅଭିନେତ୍ରୀ ପରିଣୀତି ଚୋପ୍ରାଙ୍କ ସ୍ୱାମୀ ରାଘବ ଚଡ୍ଡାଙ୍କୁ ନେଇ ବଡ଼ ଖବର ସାମ୍ନାକୁ ଆସିଛି। ଦେଶରେ ନିର୍ବାଚନ ପର୍ବ ଚାଲିଥିବା ବେଳେ ରାଘବ ଆପ୍ ପାଇଁ ପ୍ରଚାର କରିବା ଦେଖାଯାଉ ନାହିଁ। ନିର୍ବାଚନ ପ୍ରଚାର ଠାରୁ ରାଘବ ଚଡ୍ଡା କାହିଁକି ଦୂରରେ ରହିଛନ୍ତି, ସେ ବିଷୟରେ ଗୋଟିଏ ତଥ୍ୟ ସାମ୍ନାକୁ ଆସିଛି।
ରାଘବ ବର୍ତ୍ତମାନ ଆଖି ଜନିତ ଜଟିଲ ସମସ୍ୟାରେ ପଡ଼ିଛନ୍ତି। ତାଙ୍କ ଆଖି ସମସ୍ୟା ଏତେ ବଢ଼ି ଯାଇଛି ଯେ ବ୍ରିଟେନରେ ତାଙ୍କର ଚିକିତ୍ସା ଚାଲିଛି। ସେଠାରେ ତାଙ୍କ ଆଖିର ଅପରେସନ ହେବ। ଏପରି କି ସେ ଦୃଷ୍ଟି ଶକ୍ତି ମଧ୍ୟ ହରାଇବାର ଆଶଙ୍କା ରହିଛି।
Also Read
ଏ ସମ୍ପର୍କରେ ଆପ୍ର ନେତା ତଥା ମନ୍ତ୍ରୀ ସୌରଭ ଭରଦ୍ୱାଜ ସୂଚନା ଦେଇଛନ୍ତି। ସେ କହିଛନ୍ତି, “ରାଘବ ଆଖିରେ ସମସ୍ୟା ଅନୁଭବ କରିବାକୁ ଚିକିତ୍ସା ପାଇଁ ବ୍ରିଟେନ ଯାଇଛନ୍ତି। ମୋତେ କୁହାଯାଇଛି ଯେ ତାଙ୍କ ଆଖି ସମସ୍ୟା ବେଶ ଗୁରୁତର। ଯଦି ଠିକଣା ସମୟରେ ଏହାର ଚିକିତ୍ସା ଓ ଅପରେସନ ନ ହୋଇ ପାରିବ, ତା’ହେଲେ ସେ ଦୃଷ୍ଟି ଶକ୍ତି ମଧ୍ୟ ହରାଇ ପାରନ୍ତି। ଏବେ ସେଠାରେ ତାଙ୍କର ଅପରେସନ ହେବ। ମୁଁ ତାଙ୍କ ଦ୍ରୁତ ଆରୋଗ୍ୟ କାମନା କରୁଛି। ସେ ସୁସ୍ଥ ହେବା ମାତ୍ରେ ଭାରତ ଆସିବେ ଓ ଦଳର ପ୍ରଚାର କରିବେ।”
ବ୍ରିଟେନରେ ଥାଇ ମଧ୍ୟ ରାଘବ ଏପ୍ରିଲ ୧୮ରେ ତାଙ୍କ ଏକ୍ସରେ ଦଳର ପ୍ରଚାର କରିଥିଲେ ଓ ଅରବିନ୍ଦ କେଜ୍ରିୱାଲଙ୍କ ଗିରଫଦାରୀ ବିରୋଧରେ ପୋଷ୍ଟ କରିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
