ଆଦିବାସୀ ଓ ଅଣ ଆଦିବାସୀଙ୍କ ସଂଘର୍ଷ ଯୋଗୁ ଅଶାନ୍ତ ମଣିପୁରରେ ପହଞ୍ଚି ସ୍ଥିତି ପରଖିଛନ୍ତି କଂଗ୍ରେସ ନେତା ରାହୁଲ ଗାନ୍ଧି। ହିଂସା ଦ୍ୱାରା ସବୁଠାରୁ ଅଧିକ କ୍ଷତିଗ୍ରସ୍ତ ହୋଇଥିବା ଚୁରାଚାନ୍ଦପୁରରେ ରାହୁଲ ବିଭିନ୍ନ ରିଲିଫ କ୍ୟାମ୍ପ ବୁଲିଛନ୍ତି।
ହିଂସା ଦ୍ୱାରା ବିସ୍ଥାପିତ ହୋଇଥିବା ଲୋକମାନଙ୍କୁ ରିଲିଫ କ୍ୟାମ୍ପରେ ରଖାଯାଇଛି। ଆଜି ସେମାନଙ୍କ ହାଲଚାଲ ରାହୁଲ ବୁଝିବା ସହ ରିଲିଫ କ୍ୟାମ୍ପରେ ରହୁଥିବା ଛୋଟ ପିଲାମାନଙ୍କ ସହ ମିଶି ଲଞ୍ଚ କରିଛନ୍ତି।
Also Read
ରାହୁଲ ଗାନ୍ଧି ଆଜି ଇମ୍ଫାଲରେ ପହଞ୍ଚିବା ପରେ ସଡ଼କ ପଥରେ ଚୁରାଚାନ୍ଦପୁର ଯାଉଥିଲେ। କିନ୍ତୁ ବିଷ୍ଣୁପୁର ନିକଟରେ ରାହୁଲଙ୍କ କନଭୟକୁ ପୁଲିସ୍ ଆଗକୁ ଛାଡ଼ି ନଥିଲା।
ଫଳରେ ରାହୁଲ ପୁଣି ଇମ୍ଫାଲ ଫେରିଥିଲେ ଓ ହେଲିକପ୍ଟର ଯୋଗୁ ଚୁରାଚାନ୍ଦପୁରରେ ପହଞ୍ଚିଥିଲେ। ରାଜ୍ୟ ସରକାରଙ୍କ ପକ୍ଷରୁ ରାହୁଲ ଗାନ୍ଧିଙ୍କୁ ମିଳିଥିବା ହେଲିକପ୍ଟର୍ରେ ସେ ଉକ୍ତ ଜିଲ୍ଲାରେ ପହଞ୍ଚି କ୍ଷତିଗ୍ରସ୍ତ ଲୋକଙ୍କ କଥା ବୁଝିଛନ୍ତି।
VIDEO | Congress leader Rahul Gandhi shares lunch with children at a relief camp set up at a school in Churachandpur, Manipur. pic.twitter.com/ikzNZGJXG6
— Press Trust of India (@PTI_News) June 29, 2023
ରିଲିଫ କ୍ୟାମ୍ପରେ ରାହୁଲ ପିଲାଙ୍କ ସହ ଲଞ୍ଚ କରିବା ଠାରୁ ଆରମ୍ଭ କରି ଲୋକଙ୍କ ସହ ଆଲୋଚନା କରିଛନ୍ତି। ସେମାନଙ୍କୁ ଆଶ୍ୱସନା ଦେବା ସହ ଭଲ ମନ୍ଦ ମଧ୍ୟ ପଚାରି ବୁଝିଛନ୍ତି। ରିଲିଫ କ୍ୟାମ୍ପରେ ଥିବା ଅଧିକାରୀମାନଙ୍କ ସହ ମଧ୍ୟ ରାହୁଲ ଆଲୋଚନା କରୁଥିବା ବେଳର ଭିଡିଓ ଏବଂ ଫଟୋ ସାମ୍ନାକୁ ଆସିଛି।
ବିଷ୍ଣୁପୁର ଠାରେ ରାହୁଲଙ୍କ କନଭୟକୁ ପୁଲିସ୍ ସୁରକ୍ଷା ଦୃଷ୍ଟିରୁ ଅଟକାଇଥିଲେ। ଏହି ସମୟରେ ରାହୁଲ ଟ୍ୱିଟ କରି ମଣିପୁରର କ୍ଷମତାସୀନ ବିଜେପି ସରକାରଙ୍କୁ ସମାଲୋଚନା କରିଥିଲେ।
ସେ କହିଥିଲେ, “ମୁଁ ଏଠାକୁ ମୋର ମଣିପୁର ଭାଇ ଓ ଭଉଣୀଙ୍କ କଥା ଶୁଣିବାକୁ ଆସିଛି। ସବୁ ସଂପ୍ରଦାୟର ଲୋକମାନେ ବେଶ ସ୍ୱାଗତ କରିବା ସହ ଭଲ ପାଇବା ଦେଇଛନ୍ତି। ସରକାର ମୋତେ ଅଟକାଇବା ଅତ୍ୟନ୍ତ ଦୁର୍ଭାଗ୍ୟର ବିଷୟ। ମଣିପୁର ସହାୟତା ଚାହେଁ। ଶାନ୍ତି ପ୍ରତିଷ୍ଠା ଆମମାନଙ୍କର ଲକ୍ଷ୍ୟ ହେବା ଦରକାର।”
I came to listen to all my brothers and sisters of Manipur.
— Rahul Gandhi (@RahulGandhi) June 29, 2023
People of all communities are being very welcoming and loving. It’s very unfortunate that the government is stopping me.
Manipur needs healing. Peace has to be our only priority. pic.twitter.com/WXsnOxFLIa
ମେ’ ୩ରୁ ମଣିପୁରରେ ହିଂସା ଆରମ୍ଭ ହୋଇଥିବା ବେଳେ ୧୦୦ ଜଣଙ୍କ ଜୀବନ ଯାଇଛି। ୫୦ ହଜାରରୁ ଅଧିକ ଲୋକ ହିଂସା ଦ୍ୱାରା ପ୍ରଭାବିତ ହୋଇ ରିଲିଫ କ୍ୟାମ୍ପରେ ରହୁଛନ୍ତି। ପୂରା ରାଜ୍ୟରେ ୩୦୦ରୁ ଅଧିକ ରିଲିଫ କ୍ୟାମ୍ପ ପ୍ରସ୍ତୁତ କରାଯାଇ ଲୋକଙ୍କୁ ରଖାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
