ଏଣିକି ହରିୟାଣାରେ ଥିବା ରେଷ୍ଟୁରାଣ୍ଟ ୨୪ ଘଣ୍ଟା ଖୋଲା ରହିବ । ରାତି ଅଧରେ ବି ମିଳିବ ଖାଦ୍ୟ। ଏପରି ନିଷ୍ପତ୍ତି ସମ୍ପର୍କରେ ହରିୟାଣାର ଉପମୁଖ୍ୟମନ୍ତ୍ରୀ ଦୁଷ୍ୟନ୍ତ ଚୌଟାଲା ଘୋଷଣା କରିଛନ୍ତି ।
ଗତ କିଛି ଦିନ ତଳେ ହରିୟାଣା ରାଜ୍ୟର ରେଷ୍ଟୁରାଣ୍ଟ ୟୁନିୟନ ଉପମୁଖ୍ୟମନ୍ତ୍ରୀଙ୍କୁ ସାକ୍ଷାତ କରି ରାତିରେ ବି ରେଷ୍ଟୁରାଣ୍ଟ ଖୋଲିବାକୁ ଅନୁମତି ଦେବାକୁ ଦାବି କରିଥିଲେ। ଫଳରେ ରାତି ଅଧରେ ବି ଭୋକିଲା ଲୋକେ ଖାଦ୍ୟ ପାଇପାରିବେ ବୋଲି ସେମାନେ କହିଥିଲେ।
ରେଷ୍ଟୁରାଣ୍ଟ ୟୁନିୟନର ଦାବି ସମ୍ପର୍କରେ ଏକ ଉଚ୍ଚସ୍ତରୀୟ ବୈଠକରେ ଆଲୋଚନା କରାଯାଇ ଏପରି ନିଷ୍ପତ୍ତି ନିଆଯାଇଥିବା ଉପମୁଖ୍ୟମନ୍ତ୍ରୀ ସୂଚନା ଦେଇଛନ୍ତି। ଏଥିରେ ଖାଦ୍ୟ ଓ ଯୋଗାଣ ବିଭାଗ ବିଭାଗ ମନ୍ତ୍ରୀ ଉପସ୍ଥିତ ଥିଲେ।
ଏହି ନିଷ୍ପତ୍ତି ଘୋଷଣା ହେବା ପରେ ଆଉ କେହି ରାତିରେ ରେଷ୍ଟୁରାଣ୍ଟ ବନ୍ଦ କରିବାକୁ ଧମକ ଦେଇ ପାରିବେନି । ଏନେଇ ଖାଦ୍ୟ ଓ ଯୋଗାଣ ବିଭାଗକୁ ନିର୍ଦ୍ଦେଶ ଦିଆଯାଇଥିବା ଉପମୁଖ୍ୟମନ୍ତ୍ରୀ ଚୌଟାଲା କହିଛନ୍ତି।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।