ଆପ୍ ନେତା ତଥା ଦିଲ୍ଲୀର ପୂର୍ବତନ ସ୍ୱାସ୍ଥ୍ୟ ମନ୍ତ୍ରୀ ସତ୍ୟେନ୍ଦ୍ର ଜୈନଙ୍କୁ ମିଳିଥିବା ମେଡିକାଲ ବେଲ୍ ଅବଧିକୁ ଆଜି ସୁପ୍ରିମକୋର୍ଟ ବୃଦ୍ଧି କରିଛନ୍ତି। ଆସନ୍ତା ୨୫ ତାରିଖ ଯାଏ ଏହା ବଢ଼ାଇ ଦିଆଯାଇଛି।
ମନିଲଣ୍ଡରିଂ ମାମଲାରେ ଇଡି ଶ୍ରୀ ଜୈନଙ୍କୁ ଗିରଫ କରିଥିଲା। ତେବେ ଜେଲ ରହଣି ବେଳେ ଅସୁସ୍ଥ ହୋଇ ପଡ଼ିଥିଲେ। ତେଣୁ ତାଙ୍କୁ ସୁପ୍ରିମକୋର୍ଟ ଜାମିନ ଦେଇଥିଲେ। ଏବେ ଏହାକୁ ବୃଦ୍ଧି କରାଯାଇଛି।
Also Read
ଆଜି ଜଷ୍ଟିସ ଏଏସ୍ ବୋପାନ୍ନା ଓ ଜଷ୍ଟିସ ବେଲା ଏମ ତ୍ରିବେଦୀ ଶୁଶାଣି ପାଇଁ ଆସିବା କ୍ଷଣି ଇଡି ପକ୍ଷରୁ ଅତିରିକ୍ତ ସଲିସିଟର ଜେନେରାଲ ଏସଭି ରାଜୁ ପକ୍ଷ ରଖିଥିଲେ। ସେ ମାମଲାର ଶୁଣାଣିକୁ ସ୍ଥଗିତ ରଖିବା ପାଇଁ ପ୍ରସ୍ତାବ ଦେବା ସହ ଅନ୍ତରୀଣ ଜାମିନ ଅବଧିକୁ ବୃଦ୍ଧି କରିବାକୁ କହିଥିଲେ।
ଏହାକୁ ଗ୍ରହଣ କରି ଖଣ୍ଡପୀଠ ଜାମିନ ଅବଧିକୁ ୨୫ ତାରିଖ ଯାଏ ବଢ଼ାଇ ଦେଇଥିଲେ। ଏବେ ଏହା ଉପରେ ଶୁଶାଣି ୨୫ ତାରିଖରେ ଅନୁଷ୍ଠିତ ହେବ।
ମେ’ ୨୬ରେ ମେରୁଦଣ୍ଡ ଅପରେସନ ପାଇଁ ସର୍ବୋଚ୍ଚ ଅଦାଲତ ଜୈନଙ୍କୁ ୬ ସପ୍ତାହର ଜାମିନ ଦେଇଥିଲେ। ଏହାପରେ ଏହାକୁ ପର୍ଯ୍ୟାୟକ୍ରମେ ବୃଦ୍ଧି କରାଯାଇଛି। ଆଜିକୁ ମିଶାଇ ତୃତୀୟ ଥର ପାଇଁ ତାଙ୍କ ଜାମିନ ଅବଧିକୁ ସୁପ୍ରିମକୋର୍ଟ ବଢ଼ାଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
