ଇଲେକ୍ଟ୍ରୋନିକ୍ ଭୋଟିଂ ମେସିନ୍ (ଇଭିଏମ୍) ରେ ବ୍ୟବହୃତ ସଫ୍ଟୱେୟାରର ସୋର୍ସ କୋର୍ଡ ଉପରେ ଅଡିଟ୍ ଆବେଦନକୁ ଗ୍ରହଣ କଲେନି ସୁପ୍ରିମକୋର୍ଟ। ଗତକାଲି ସୁପ୍ରିମକୋର୍ଟ ଏ ଉପରେ ହୋଇଥିବା ଏକ ଜନସ୍ୱାର୍ଥ ଆବେନକୁ ଅଗ୍ରାହ୍ୟ କରି ଦେଇଛନ୍ତି। ପ୍ରଧାନ ବିଚାରପତି ଡିୱାଇ ଚନ୍ଦ୍ରଚୂଡଙ୍କ ସମେତ ତିନି ଜଣିଆ ଖଣ୍ଡପୀଠ ବିଚାର କରି ଆବେଦନକୁ ନାମାଞ୍ଜୁର କରିଛନ୍ତି।
ବିଚାରପତି କହିଛନ୍ତି ଯେ, ସୋର୍ସ ବା ଉତ୍ସ କୋଡ୍ ସାର୍ବଜନୀନ କରିବା ଦ୍ୱାରା ମେସିନଗୁଡିକ ହ୍ୟାକିଂ ହେବ, ଯାହା ଅସୁରକ୍ଷିତ। ବେଞ୍ଚ ଆବେଦନକାରୀଙ୍କୁ କହିଛନ୍ତି, 'ଯଦି ଆମେ ସାର୍ବଜନୀନ ଡୋମେନରେ ଉତ୍ସ କୋଡ୍ ବାହାର କରିବା ଆରମ୍ଭ କରୁ, ତେବେ କେଉଁମାନେ ଏହାକୁ ହ୍ୟାକ୍ କରିବାରେ ସମର୍ଥ ହେବେ ଆପଣ ଜାଣନ୍ତି।'
Also Read
ଏକ ସୋର୍ସ କୋଡ୍ ହେଉଛି ଲିଖିତ ସଫ୍ଟୱେର୍ କମାଣ୍ଡର ମାନବ-ପଠନୀୟ ସେଟ୍, ଯାହା କିପରି କାର୍ଯ୍ୟ କରିବ ସେ ସମ୍ବନ୍ଧରେ ଏକ ବୈଦ୍ୟୁତିକ ଉପକରଣର ହାର୍ଡୱେୟରକୁ ନିର୍ଦ୍ଦେଶ ଦେଇଥାଏ। ଅନ୍ୟ ଅର୍ଥରେ କହିବାକୁ ଗଲେ ଏହା ମେସିନର ମସ୍ତିଷ୍କ। ଯଦି ଉତ୍ସ କୋଡ୍ ସାର୍ବଜନୀନ ହୁଏ, ବ୍ୟବହୃତ ସଫ୍ଟୱେରକୁ ଚତୁରତାର ସହ କାର୍ଯ୍ୟକାରୀ କରିବା କଷ୍ଟକର ହୋଇପଡ଼ିବ।
ଆବେଦନକାରୀ, ମୁମ୍ବାଇର ଓକିଲ ସୁନୀଲ ଅହ୍ୟା କୋର୍ଟଙ୍କୁ କହିଛନ୍ତି ଯେ, ସୋର୍ସ କୋଡର ଅଡିଟ୍ ପାଇଁ IEEE1028 ହେଉଛି ଅନ୍ତର୍ଜାତୀୟ ମାନକ, କିନ୍ତୁ ଭାରତ ନିର୍ବାଚନ ଆୟୋଗ ଏହାକୁ କିମ୍ବା ଅନ୍ୟ କୌଣସି ମାନକକୁ ବ୍ୟବହାର କରୁଛନ୍ତି ତାହା ଜଣା ପଡ଼ିନାହିଁ। ଶେଷ ଥର ପାଇଁ ସେ ୨୦୧୮ରେ ସମାନ ପ୍ରସଙ୍ଗ ଉପରେ କୋର୍ଟଙ୍କ ଦ୍ୱାରସ୍ଥ ହୋଇଥିଲେ। ୨୦୧୯ରେ ଯାହାର ଶୁଣାଣି ହୋଇଥିଲା। ବର୍ତ୍ତମାନ ସମାନ ପ୍ରସଙ୍ଗ ଉପରେ ସେ ପୁନର୍ବାର ଆବେଦନ କରିବାକୁ ସୁପ୍ରିମକୋର୍ଟରେ ପହଞ୍ଚିଛନ୍ତି, ମାତ୍ର ଅଦାଲତ ଆବେଦନକୁ ଅଗ୍ରାହ୍ୟ କରି ଦେଇଛନ୍ତି।
୨୦୧୯ରେ ଶୁଣାଣି ସମୟରେ ଇଲେକ୍ସନ୍ କମିଶନ୍ ଅଫ୍ ଇଣ୍ଡିଆ(ଇସିଆଇ) କୋର୍ଟକୁ କହିଥିଲେ ଯେ, ଇସିଆଇର ସୋର୍ସ କୋର୍ଡ ଅଡିଟ୍ କିମ୍ବା ଅନ୍ୟ କୌଣସି ସୂଚନା ଟେକ୍ନିକାଲ୍ ଇଭାଲ୍ୟୁଏସନ୍ କମିଟିରେ ଉପଲବ୍ଧ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
