ଘରୋଇ ହିଂସା ଯୋଗୁ ପୁରୁଷମାନଙ୍କ ଆତ୍ମହତ୍ୟା ସଂଖ୍ୟା ବଢ଼ିବାରେ ଲାଗିଛି। ଏହି ସମସ୍ୟାକୁ ରୋକିବା ଓ ନିର୍ଯାତନାରୁ ପୁରୁଷମାନଙ୍କୁ ସୁରକ୍ଷା ଯୋଗାଇ ଦେବା ପାଇଁ ଜାତୀୟ ପୁରୁଷ କମିଶନ ଗଠନ ଦାବିରେ ହୋଇଥିବା ଜନସ୍ୱାର୍ଥ ମାମଲାର ଶୁଣାଣି କରିବେ ସୁପ୍ରିମକୋର୍ଟ। ଆସନ୍ତା ୩ ତାରିଖ ଅର୍ଥାତ ସୋମବାର ସର୍ବୋଚ୍ଚ ଅଦାଲରେ ଏହାର ଶୁଣାଣି ହେବ।
ସୁପ୍ରିମକୋର୍ଟର ୱେବସାଇଟ ଅନୁଯାୟୀ, ଜଷ୍ଟିସ ସୂର୍ଯ୍ୟକାନ୍ତ ଓ ଜଷ୍ଟିସ ଦୀପକଙ୍କର ଦତ୍ତାଙ୍କ ଖଣ୍ଡପୀଠ ଏ ସଂକ୍ରାନ୍ତ ପିଏଆଇଏଲର ଶୁଣାଣି କରିବେ। ଆଇନଜୀବୀ ମହେଶ କୁମାର ତିୱାରୀ ଦାଖଲ କରିଥିବା ପିଆଇଏଲଏଲରେ କହିଛନ୍ତି ଯେ ୨୦୨୧ର ଏନସିଆରବି ତଥ୍ୟ ଅନୁଯାୟୀ, ସେହି ବର୍ଷ ସମଗ୍ର ଦେଶରେ ମୋଟ ୧,୬୪,୦୩୩ ଜଣ ଆତ୍ମହତ୍ୟା କରିଥିଲେ।
Also Read
ଏହା ମଧ୍ୟରୁ ୮୧,୦୬୩ ଜଣ ବିବାହିତ ପୁରୁଷ ଓ ୨୮,୬୮୦ ଜଣ ବିବାହିତ ମହିଳା ଥିଲେ। ପ୍ରାୟ ୩୨.୨% ପୁରୁଷ ପାରିବାରିକ ସମସ୍ୟା କାରଣରୁ ଜୀବନ ହାରିଥିଲେ। ସେହିପରି ବିବାହ ଜନିତ ସମସ୍ୟା ଯୋଗୁ ୨୦୨୧ରେ ୪.୮% ପୁରୁଷ ଆତ୍ମହତ୍ୟା କରିଛନ୍ତି। ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଲେ ମୋଟ ୧,୧୮,୯୭୯ ଜଣ ପୁରୁଷ(୭୨%) ଓ ମୋଟ ୪୫,୦୨୬ ଜଣ ମହିଳା(୨୭%) ୨୦୨୧ରେ ଜୀବନ ହାରିଥିଲେ।
ବିବାହିତ ପୁରୁଷମାନେ କରୁଥିବା ଆତ୍ମହତ୍ୟା ସମସ୍ୟାର ମୁକାବିଲା ଓ ଘରୋଇ ହିଂସାର ଶିକାର ହେଉଥିବା ଅଭିଯୋଗକୁ ଗ୍ରହଣ କରିବା ପାଇଁ ଜାତୀୟ ମାନବାଧିକାର କମିଶନଙ୍କୁ ସର୍ବୋଚ୍ଚ ଅଦାଲତ ନିର୍ଦ୍ଦେଶ ଦିଅନ୍ତୁ ବୋଲି ଆବେଦନକାରୀ ଅନୁରୋଧ କରିଛନ୍ତି। ଏବେ ସର୍ବୋଚ୍ଚ ଅଦାଲତ ଏହାର ଶୁଣାଣି ସୋମବାର କରିବାକୁ ରାଜି ହୋଇଛନ୍ତି।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
