ଜେଲ ଭିତରୁ ପିଲାଙ୍କ ପାଇଁ ବାର୍ତ୍ତା ପଠାଇଲେ ସିସୋଦିଆ, ପଢ଼ିଲେ କେଜ୍ରିୱାଲ

ତଥାକଥିତ ଦିଲ୍ଲୀ ଅବକାରୀ ନୀତି ଦୁର୍ନୀତି ମାମଲାରେ ଗିରଫ ହୋଇ ଜେଲରେ ଥିବା ବରିଷ୍ଠ ଆପ୍‌ ନେତା ମନୀଷ ସିସୋଦିଆ ଶିକ୍ଷାର୍ଥୀଙ୍କ ପାଇଁ ସ୍ୱତନ୍ତ୍ର ବାର୍ତ୍ତା ପଠାଇଛନ୍ତି। ଜେଲ ଭିତରୁ ସିସୋଦିଆ ପଠାଇଥିବା ବାର୍ତ୍ତା ସମ୍ପର୍କରେ ଆଜି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ସମସ୍ତଙ୍କୁ ଅବଗତ କରାଇଛନ୍ତି। ଏଥିସହ ସେ ପିଲାମାନଙ୍କ ଉଦ୍ଦେଶ୍ୟରେ ଉକ୍ତ ବାର୍ତ୍ତାକୁ ମଧ୍ୟ ପଢ଼ିଛନ୍ତି।

ଦିଲ୍ଲୀର ପିଲାମାନଙ୍କ ପାଇଁ ସିସୋଦିଆ ପଠାଇଥିବା ବାର୍ତ୍ତାରେ କହିଛନ୍ତି ଯେ “ମୁଁ ଠିକ୍‌ ଅଛି। ମୁଁ ଯେଉଁଠି ବି ଅଛି ଭଲରେ ଅଛି। ମୋ ପାଇଁ କେହି ଅଦୌ ବ୍ୟସ୍ତ ହୁଅନ୍ତି ନାହିଁ। ସମସ୍ତେ ନିଜ ନିଜର ପାଠପଢ଼ା ଉପରେ ଧ୍ୟାନ ଦିଅନ୍ତୁ।” କେଜ୍ରିୱାଲ ଏହାକୁ ପଢ଼ିବା ପରେ ଦିଲ୍ଲୀର ପିଲାମାନେ ଓ ସାଧାରଣ ଲୋକ କର ତାଳି ମାରି ଏହାକୁ ସ୍ୱାଗତ କରିଥିଲେ।

କେଜ୍ରିୱାଲ କହିଛନ୍ତି, “ଆଜି ଆମ ପାଖରେ ମନୀଷ ଜୀ ନାହାନ୍ତି। କିଛି ଦିନ ତଳେ କିଛି ପିଲା ମୋ ପାଖକୁ ଆସିଥିଲେ ଓ ସେମାନେ ତାଙ୍କୁ ମିସ୍‌ କରୁଥିବା ମୋତେ କହିଥିଲେ। ମୁଁ ସେମାନଙ୍କୁ କହିଥିଲି ଯେ ଶିକ୍ଷକ/ଶିକ୍ଷୟିତ୍ରୀଙ୍କ ସମସ୍ତେ ତାଙ୍କୁ ମିସ କରୁଛନ୍ତି। ପିଲାମାନେ ଏହା ଶୁଣି କହିଥିଲେ ଯେ ମନୀଷ ସିସୋଦିଆଙ୍କୁ ମିଥ୍ୟା କେସରେ ଗିରଡ଼ କରାଯାଇଛି।

ଏହାର ଜବାବରେ ମୁଁ କହିଥିଲି ଯେ ପୂରା ବିଶ୍ୱ ଏକଥା ଜାଣିଛି। ସେ ଏବେ ଜେଲ ଭିତରେ ଅଛନ୍ତି। ସେଠାରେ ବସି ସେ ତୁମ ମାନଙ୍କର ଶିକ୍ଷା ଓ ସ୍ୱାସ୍ଥ୍ୟ ପାଇଁ ବ୍ୟସ୍ତ। ତୁମେମାନେ ସମସ୍ତେ ଭଲ ମାର୍କ ରଖିବ। ଭଗବାନ ତାଙ୍କୀ ପରୀକ୍ଷା ନେଉଛନ୍ତି। କିନ୍ତୁ ସେ ୧୦୦% ମାର୍କ ରଖିବେ ଓ ତୁମମାନଙ୍କ ପାଖକୁ ଆସିବେ।”

.@msisodia ने आपके लिए संदेश भेजा है, कि

"मैं ठीक हूं, आप अपनी पढ़ाई और सेहत का ध्यान रखना।"

भगवान सच्चाई पर चलने वालों की परीक्षा लेते रहते हैं, @msisodia की भी परीक्षा ली जा रही है, वो 💯/💯 लेकर बाहर आएंगे।

आप सभी बच्चे भी उनके लिए प्रार्थना करना।

—CM @ArvindKejriwalpic.twitter.com/QLAMRPU0DQ

— AAP (@AamAadmiParty) March 19, 2023

ଗତ ମାସରେ ସିବିଆଇ ପ୍ରଥମେ ସିସୋଦିଆଙ୍କୁ ଗିରଫ କରିଥିଲା। ସିବିଆଇ ରିମାଣ୍ଡ ଶେଷ ହେବାକୁ ଥିବା ବେଳେ ଇଡି ପୁଣି ତାଙ୍କୁ ଗିରଫ କରିଥିଲା। ଇଡି ତାଙ୍କୁ ୨୨ ମାର୍ଚ୍ଚ ଯାଏ ରିମାଣ୍ଡରେ ଆଣିଛି। ଏହାପରେ ସିସୋଦିଆ ଜେଲରୁ ବାହାରିବେ ନା ବିଚାର ବିଭାଗୀୟ ହାଜତକୁ ଯିବେ, ସେକଥା ସ୍ପଷ୍ଟ ହେବ।